صور honda hr-v الرسمية اللى هتنزل فى الربيع إن شاء الله

أحبابى..... أخيرا الصور الرسمية من هوندا للأيقونة المجددة بالكامل HR-V
العربية دى هوندا هتسوقلها جامد عشان كده عملت موقع مخصوص لل HR-V و بتنزل التفاصيل بالقطارة لغاية التدشين الرسمي في ربيع 2015 عالميا و البداية دلوقتى باستعراض العربية من بره و من جوه...
أنا حبيت أهاديكم في السنة الجديدة بالاطلالة الخاطفة للعربية دى اللى انا متوقع انها هترجع هوندا لصدارة المنافسة بالذات في فئة مينى SUV
و .... نشوف الصور

http://nileup.com/up/uploads/nilemotors_14205366742.png

http://nileup.com/up/uploads/nilemotors_14205366744.png

http://nileup.com/up/uploads/nilemotors_14205366741.png

http://nileup.com/up/uploads/nilemotors_14205366743.png

http://nileup.com/up/uploads/nilemotors_14205366745.png

http://nileup.com/up/uploads/nilemotors_14205366746.png

http://nileup.com/up/uploads/nilemotors_14205366745.png

http://nileup.com/up/uploads/nilemotors_14205366747.png




معلش هي الصور متاخدة سناب شوت بس لو لقيت صور مباشرة هنزلها ان شاء الله
نتمنى التوكيل يتواصل معانا و يقولنا العربية دى ممكن تنزل مصر امتى طالما هتنزل عالميا في الربيع ده
و أوعدكوا ان شاء الله لو ربنا قدرنى و اشتريت العربية انى اعملكوا تقرير شامل عنها

ربنا يسهل هوندا لازم تقحم السوق شوية بموديلات اكتر , لان مافيش ماركة عريقة زى هوندا فقط تبيع سيارتين فى السوق المصرى ( السيفيك - السيتى )

ياريت يدخلوا الهوندا jazz - crv - accord - crz لازم تدخل الموديلات دية

او حتى يكون عندها الفئات الاكثر مبيعا ( jazz - crv )

أكيد عقبال ماتيجى مصر هيتشال منها كل حاجة ويجيبوهالنا فاضية

الاهم كمان من فاضية اكيد هتنزل بتمن خزعبلى كالعادة وموش مشجع

اقتباس:

---

المشاركة الأصلية كتبت بواسطة waleed_aboammar

أحبابى..... أخيرا الصور الرسمية من هوندا للأيقونة المجددة بالكامل hr-v
العربية دى هوندا هتسوقلها جامد عشان كده عملت موقع مخصوص لل hr-v و بتنزل التفاصيل بالقطارة لغاية التدشين الرسمي في ربيع 2015 عالميا و البداية دلوقتى باستعراض العربية من بره و من جوه...
أنا حبيت أهاديكم في السنة الجديدة بالاطلالة الخاطفة للعربية دى اللى انا متوقع انها هترجع هوندا لصدارة المنافسة بالذات في فئة مينى suv
و .... نشوف الصور

http://nileup.com/up/uploads/nilemotors_14205366742.png

http://nileup.com/up/uploads/nilemotors_14205366744.png

http://nileup.com/up/uploads/nilemotors_14205366741.png

http://nileup.com/up/uploads/nilemotors_14205366743.png

http://nileup.com/up/uploads/nilemotors_14205366745.png

http://nileup.com/up/uploads/nilemotors_14205366746.png

http://nileup.com/up/uploads/nilemotors_14205366745.png

http://nileup.com/up/uploads/nilemotors_14205366747.png




معلش هي الصور متاخدة سناب شوت بس لو لقيت صور مباشرة هنزلها ان شاء الله
نتمنى التوكيل يتواصل معانا و يقولنا العربية دى ممكن تنزل مصر امتى طالما هتنزل عالميا في الربيع ده
و أوعدكوا ان شاء الله لو ربنا قدرنى و اشتريت العربية انى اعملكوا تقرير شامل عنها

---

ألف شكر ياباشا على المعلومات القيمة والمجهود الرائع

امممممممممممم
مبدئيا هى شكل التوسان او اي 35 اوى ماعدا الوش بس شكلة مختلف
دى بقى كروس
cr-v اس يو فى وسعرها 23.320 الف دولار
والبايلوت ب 30 الف
يا ترى دى حتبقى بكام ؟؟؟؟؟؟
انا اعتقد انها حتكون فى حدود 18 او 20 الف دولار
بس تبقى ازمة المواتير موجودة وهى اللى حتحدد سعرها فى مصر يعنى يا ترى دى حتنزل ماتور 2000 ولا 1600 ؟؟؟

تم الاعلان عن السيارة ” هوندا HR-V 2015 ” لأول مرة في معرض ” نيويورك الدولي للسيارات ” و التي يتوقع ان تبدأ في النزول الى الاسواق مع اقتراب حلول نهاية العام الحالي , كشف الشركة عن مواصفات محرك السيارة وعن السعر الخاص بها .
اما عن المظهر الخارجي للسيارة فانها سيارة عائلية تنتمي الى عائلة السيارات الكروس اوفر , فالسيارة مرتفعه عن الارض بشكل ملحوظ و المصابيح الامامية ذات شكل انسيابي مائل الى جانبي السيارة و الشبك الامامي ضخم ويعلوه شعار ” Honda ” .
مواصفات محرك هوندا اتش ار في 2015 Honda HR-V :
- محرك سعة 1.5 لتر
- قوة 130 حصان
- اقصى عزم للدوران 114 رطل – قدم
- ناقل الحركة CVT
- خاصية الحقن الالكتروني للوقود
- التسارع من 0 الى 60 ميل في 8.5 ثانية
- السرعة القصوى 125 ميل / ساعة
- خاصية التحكم في الجر
- خاصية الثبات الالكتروني
- المكابح مانعه للانزلاق ABS
- توزيع قوى المكابح الكترونيا EBD
- عدد من الوسائد الهوائية الامامية و الجانبية لحماية السائق و الركاب
اسعار هوندا اتش ار في 2015 Honda HR-V :
- سعر هوندا اتش ار في 2015 Honda HR-V بالدولار الامريكي 19,000$
وكالات

هيا بقت اسطمبة بتلف على الشركات !!

مش دى ix35 برضو !

شكراً ليك على الخبر والصور العربية شكل وتجهيزات مميزة ولاكن السعر هو العامل الوحيد الهيحدد نجاحها لو نزلت مصر ..

من رأى السوق المصرى محتاج فعلاً موديلات جديدة اغلب الدول العربية فيها اكثر من موديل وتوكيل كبير زى الفطيم لازم يوسع قاعدة العربيات ويبقى فى تنوع اكتر من كدة وينتبة للسعر لان حاطط سعر هوندا فى السما ومخليها سعرها عالى جداً + التصميم الاخير للهوندا مكنش صائب ومعجبش البعض ودة اثر على مبيعات السيارة خاصة الانتريور

وغريب اننا نلاقى موديل زى هوندا سيتى بينافس عربية زى سياز فى السعر والمواصفات وبمحركات ديزل ودة فى الهند على النقيض هنا العربية بتنزل ب 123 والسيتى فى عالم تانى علماً انها منافس للاكسينت والسياز لاكن التوكيل واضعها فى فئة السيراتو والالنترا والفوكاس !!


# محتاجين نشوف الموديلات دة فى مصر
Accord

http://nileup.com/up/uploads/nilemotors_14205464062.jpg

Accord coupe

http://nileup.com/up/uploads/nilemotors_14205464061.jpg

Cross tower

http://nileup.com/up/uploads/nilemotors_14205464063.jpg

Cr-V

http://nileup.com/up/uploads/nilemotors_14205464064.jpg

jass

http://nileup.com/up/uploads/nilemotors_14205464065.jpg

Odyssey

http://nileup.com/up/uploads/nilemotors_14205464066.jpg

شبيهة للسبورتاج وال ix35

ميصحش خالص نقارن كيا و هيونداي بالاسطورة هوندا ، اللي يقول كدة يبقى ميعرفش :)

اقتباس:

---

المشاركة الأصلية كتبت بواسطة alnadi

شبيهة للسبورتاج وال ix35

---

التصميم متقارب والمفترض انها هتنافس فى الفئة دة وهى النسخة الاصغر من
Cr-V

اقتباس:

---

المشاركة الأصلية كتبت بواسطة melouk1

ميصحش خالص نقارن كيا و هيونداي بالاسطورة هوندا ، اللي يقول كدة يبقى ميعرفش :)

---

ميصحش نقارن لية .؟؟؟؟؟؟؟؟؟؟
كل سيارة لها مميزات ولها عيوب
وطالما نفس الفئة يبقى لازم نقارن ودا طبيعى على فكرة
وعشان تكون عارف السبورتاج والتوسان اى اكس 35 بينافسوا مع كبار الشركات عادى جدا وبيتفوقوا عليهم كفاية انى اقول لك انهم احسن مثلا من الراف فور مثلا
عموما كل شئ قابل للنقاش والمقارنة لأن فى النهاية كل الشركات دى بتسعى للربحية ومعنى كدة انها مش حتنزل حاجة قوية جدا او متينة جدا وتفرق فى السعر مبلغ محترم ولا تبيع شئ وعندك مرسيدس نفسها خير مثال وقارن طرازتها زمااان ومصاريفها وخسائرها ومكسبها بدلوقتى وعلى فكرة هوندا مش اسطورة ولا حاجة لان الشغل اليابانى الصح تلاقية فى اكيورا وانفينتى ولكزس ودول طبعا الفئة الاعلى للعلامات التجارية الاصلية

اقتباس:

---

المشاركة الأصلية كتبت بواسطة amr_naser

ميصحش نقارن لية .؟؟؟؟؟؟؟؟؟؟
كل سيارة لها مميزات ولها عيوب
وطالما نفس الفئة يبقى لازم نقارن ودا طبيعى على فكرة
وعشان تكون عارف السبورتاج والتوسان اى اكس 35 بينافسوا مع كبار الشركات عادى جدا وبيتفوقوا عليهم كفاية انى اقول لك انهم احسن مثلا من الراف فور مثلا
عموما كل شئ قابل للنقاش والمقارنة لأن فى النهاية كل الشركات دى بتسعى للربحية ومعنى كدة انها مش حتنزل حاجة قوية جدا او متينة جدا وتفرق فى السعر مبلغ محترم ولا تبيع شئ وعندك مرسيدس نفسها خير مثال وقارن طرازتها زمااان ومصاريفها وخسائرها ومكسبها بدلوقتى وعلى فكرة هوندا مش اسطورة ولا حاجة لان الشغل اليابانى الصح تلاقية فى اكيورا وانفينتى ولكزس ودول طبعا الفئة الاعلى للعلامات التجارية الاصلية

---

مبدأياً ليك الحق انك تقارن طبعاً
لكن لازم الأول تبقى راكب ال ٣ عربيات فتره و تنزل منهم تركب لهوندا
صدقني حضرتك عشان تركب كوري وتقارنه بالهوندا ده صعب جداً
ممكن اعرف هوندا مش اسطورية ليه ايه الموديلات اللي شايفها عاديه فيها
ده الهوندا ال ٢٠٠٨ ال vti احسن من الانترا ال fully load ال ٢٠١٥
يبقى ازاي تقارن
انا ركبت كل العربيات دي و سوقتها و بعتها
لا يا فندم الهوندا اسطورة في اي فئة بتدخل فيها اتمنى رأي حضرتك يكون قائم على التجربة الفعليه

اقتباس:

---

المشاركة الأصلية كتبت بواسطة melouk1

مبدأياً ليك الحق انك تقارن طبعاً
لكن لازم الأول تبقى راكب ال ٣ عربيات فتره و تنزل منهم تركب لهوندا
صدقني حضرتك عشان تركب كوري وتقارنه بالهوندا ده صعب جداً
ممكن اعرف هوندا مش اسطورية ليه ايه الموديلات اللي شايفها عاديه فيها
ده الهوندا ال ٢٠٠٨ ال vti احسن من الانترا ال fully load ال ٢٠١٥
يبقى ازاي تقارن
انا ركبت كل العربيات دي و سوقتها و بعتها
لا يا فندم الهوندا اسطورة في اي فئة بتدخل فيها اتمنى رأي حضرتك يكون قائم على التجربة الفعليه

---

يا سيدى الحمد لله ركبت عربيات كتير وموديلات كتير
بس انت بتبص للموضوع من منظور شخصى بمعنى انك عجبك حاجة فى الهوندا ملقتاش فى عربية تانية وعشان هى عجباك بتقول عليها اسطورية لكن لو بصيت بمنظور عام تلاقى ناس كتير مش بتحب الهوندا اساسا
وتفضل عليها التويوتا وناس تانى تفضل الكورى على التويوتا مثلا انا قرأت موضوع فى قسم هيونداى على ما اتذكر واحد بيقول انة لما بينزل من كورولا ويركب الالنترا بيحس انة كان راكب ربع نقل
عموما دى وجهات نظر والتفضيل عند المستهلكين مختلف سواء من الناحية السعرية او الشكل او القوة او المتانة او الاعتمادية ... الخ
فأحب اقول لك انى من محبى الهوندا جدا ولكن مينفعش نقول عليها اسطورية لانها مش كدة لكن هى فيها شئ مميز بس
لكن لو انت عاوز من يطلق عليه لفظ اسطورى ترفع القبة للالمانى بدون نزاع

اقتباس:

---

المشاركة الأصلية كتبت بواسطة amr_naser

يا سيدى الحمد لله ركبت عربيات كتير وموديلات كتير
بس انت بتبص للموضوع من منظور شخصى بمعنى انك عجبك حاجة فى الهوندا ملقتاش فى عربية تانية وعشان هى عجباك بتقول عليها اسطورية لكن لو بصيت بمنظور عام تلاقى ناس كتير مش بتحب الهوندا اساسا
وتفضل عليها التويوتا وناس تانى تفضل الكورى على التويوتا مثلا انا قرأت موضوع فى قسم هيونداى على ما اتذكر واحد بيقول انة لما بينزل من كورولا ويركب الالنترا بيحس انة كان راكب ربع نقل
عموما دى وجهات نظر والتفضيل عند المستهلكين مختلف سواء من الناحية السعرية او الشكل او القوة او المتانة او الاعتمادية ... الخ
فأحب اقول لك انى من محبى الهوندا جدا ولكن مينفعش نقول عليها اسطورية لانها مش كدة لكن هى فيها شئ مميز بس
لكن لو انت عاوز من يطلق عليه لفظ اسطورى ترفع القبة للالمانى بدون نزاع

---

يا فندم ربنا يزيدك و يبارك فيك
انا عربيتي الأساسية مرسيدس من ١٠ سنين الحمدلله معايا زيرو و عارف يعني ايه ألماني ومقدرش ادخله في مقارنه
لكن انا بتكلم عن فئة الهوندا و التويوتا و المازدا ولو حابب حط الانترا و الكيا اللي كان ليها كذا اسم في الفئة دي قبل السيراتو، انا جربتهم لاني كنت محتاج عربية تانيه اقضي بيها مشواير معينه جنب الاساسية
ده اللي خلاني اقول كده
لانك لو رجعت بالزمن ٢٣ سنه ورا لحد دلوقتي وفضلت ماسك سنه سنه تقارن الموديلات السابق ذكرها
هتلاقي ان السيفك على سبيل المثال متفوقه زمنيا في كل حاجه
والموضوع كمان مش شخصي لاني اكيد كنت هتكلم عن البنز احسن
لكن انا بتكلم عن حاجات جربتها كويس جدا و عارفها
وفي كل التقيمات العالميه التقنيه في حاجات كتير منها الاعتماديه على سبيل المثال الهوندا تفوق كل شركات العالم
بالمناسبه هديلك مثال ليه مش بقارن الهوندا بحاجه تانيه
انا شاب و بجري وده العادي رغم انه سلوك خاطئ بحاول بقدر الامكان اني ابطله
لما اشتري الانترا زيرو ٢٠١٢ و اجري بيها تكون والله زي علبة التونه واخرها ١٩٠ و عدادها عامل ١٠٠٠٠ كيلو
واصلا بتجري في خط مستقيم بس ده اخرها ، لو حبيت تمشي بيها شمال او يمين لازم تنزل لل ١٢٠ ، ولما تركب عربيه اقدم منها بخمس سنين عامله ١٠٠ الف كيلو
وتجيب ٢١٩ وثابتة ماشاء الله بشكل ممتع احد سرعة ١٩٠ كيلو و كفائة و اداء خرافي وموتو ١٢٣ hp والانترا ١٣٠ والفرق التكنولولجي رهيب ده اللي اقصده يا فندم قيس غلى كده سيراتو كورولا سبورتاج اللي بجد سيئة جدا في عفشتها ولا ايه كل الكوري كده
انا بحكي سابق خبرات مش اكتر مش كلام مرسل صدقني

تحياتي

اقتباس:

---

المشاركة الأصلية كتبت بواسطة melouk1

يا فندم ربنا يزيدك و يبارك فيك
انا عربيتي الأساسية مرسيدس من ١٠ سنين الحمدلله معايا زيرو و عارف يعني ايه ألماني ومقدرش ادخله في مقارنه
لكن انا بتكلم عن فئة الهوندا و التويوتا و المازدا ولو حابب حط الانترا و الكيا اللي كان ليها كذا اسم في الفئة دي قبل السيراتو، انا جربتهم لاني كنت محتاج عربية تانيه اقضي بيها مشواير معينه جنب الاساسية
ده اللي خلاني اقول كده
لانك لو رجعت بالزمن ٢٣ سنه ورا لحد دلوقتي وفضلت ماسك سنه سنه تقارن الموديلات السابق ذكرها
هتلاقي ان السيفك على سبيل المثال متفوقه زمنيا في كل حاجه
والموضوع كمان مش شخصي لاني اكيد كنت هتكلم عن البنز احسن
لكن انا بتكلم عن حاجات جربتها كويس جدا و عارفها
وفي كل التقيمات العالميه التقنيه في حاجات كتير منها الاعتماديه على سبيل المثال الهوندا تفوق كل شركات العالم
بالمناسبه هديلك مثال ليه مش بقارن الهوندا بحاجه تانيه
انا شاب و بجري وده العادي رغم انه سلوك خاطئ بحاول بقدر الامكان اني ابطله
لما اشتري الانترا زيرو ٢٠١٢ و اجري بيها تكون والله زي علبة التونه واخرها ١٩٠ و عدادها عامل ١٠٠٠٠ كيلو
واصلا بتجري في خط مستقيم بس ده اخرها ، لو حبيت تمشي بيها شمال او يمين لازم تنزل لل ١٢٠ ، ولما تركب عربيه اقدم منها بخمس سنين عامله ١٠٠ الف كيلو
وتجيب ٢١٩ وثابتة ماشاء الله بشكل ممتع احد سرعة ١٩٠ كيلو و كفائة و اداء خرافي وموتو ١٢٣ hp والانترا ١٣٠ والفرق التكنولولجي رهيب ده اللي اقصده يا فندم قيس غلى كده سيراتو كورولا سبورتاج اللي بجد سيئة جدا في عفشتها ولا ايه كل الكوري كده
انا بحكي سابق خبرات مش اكتر مش كلام مرسل صدقني

تحياتي

---

حبيبى انا مش مختلف معاك فى كل الكلام دا وكلام صح مية مية ولكن احنا بنتكلم بمنظور عام مش شخصى يعنى انت فكرت بشكل معين الناس كلها مش كدة لها تفكير تانى ولها اولويات مختلفة زى مثلا انا شفت ناس يقول لك لا الهوندا ناشفة لا الهوندا فيها مشاكل كذا .....الخ ويبعدوا عنها ولو حطيت نفسك مكانهم حتلاقى كلامهم منطقى الى حد كبير واختيارهم صح
يفية احصائية بتقول ان اكتر من 80% من السائقين مش بيجيب اقصى قوة حصانية للمتور يعنى معاة ماتور وحش وفى نفس الوقت العربية ماشية زى البطة فكل واحد له احتياجاته وعشان كدة تلاقى العالم بقى مليان سيارات كورى خصوصا طبعا الالنترا (مرتبة على المبيعات العالمية ) رغم كل مشاكلها

بس انا عاوز اقول لك الكورى عندهم وحش اسمة جينيسيس دا حاجة جامدة
وربنا يسترها معاك ويرزقك الخير ويكفيك الشر

متفق معاك amr_naser العربية متستاهلش تكون بالسعر دة بعيداً انها الاحسن فى الفئة دة او غيرها بالسعر فى الافضل زى سوبارو امبريزا - سيات ليون - فورد فوكاس الموضوع مش بانى حسيت بالاعتمادية والجودة والعربية هوندا فى الاخر لاتقارن غير مع الفى نفس فئتها زى ما حضرتك وضحت ومثال بسيط المازدا 3 فيها كل حاجة وميختلفش عليها 2 لاكن من وجهة نظرى متستحقش تتباع بالمبلغ دة برة بتتباع ب skyactiv بتبدأ من 122.000 ل 164600 للمحرك 2.0 هى نفس الهاى لاين العندنا التتباع ب 220 بالاضافة زيادة عليها المحرك 2.0 ‘ والافضل فى بالسعر دة السيفيك والفوكاس ..

ياريت melouk1 نصيحة ليك قبل ما تتهم الناس انها متعرفش تقرأ مشاركتهم ومواضيعهم الاول لانك واضح انك مش فاهم احنا بنتكلم فى اية والسيفيك هى الكانت اسطورة مش السيتى ودلوقتى فى منافسين كتير ..

Mohamed.Ramah

+1111111111111111111111111111

ومتفق معاك استاذ amr_naser العربيه كويسه اه بس اسطوره واسعه شويه المنافسه كبيره والنهارده في حجات مكنتش تسمع عنها واخده النهرده حصه سوقيه كبيره وعلى فكره عربيات بفلوس برده الناس بتسيب هوندا وتجبها وده بيدل على نجاحها والجوده ازواق في الاخر

ونفسي التوكيل الفطيم يعرف انه السوق بينسحب من تحت رجليه ده اذا كان منسحبشي فعلا وربنا يهدي الحال

فعلا صعب مقارنة الكورى بالهوندا , لان فعلا الكورى بيطبق كلمة سيارة مدينة بالحرف , يعنى عايز واحد يمشى عادى اخر سرعتة 120 , غير كدة انت بتجازف بحياتك سواء فى ثبات او فرامل او اعتمادية

وبردة كل واحد يشترى السيارة اللى تحققلة مطالبة ورغباتة

بس احنا بننصح وخلاص , عشان كان فية اصدقاء كتير لينا ثقتهم زادد فى الكورى ( كيا سيراتو - النترا ) وبسبب مشاكل بسيطة فى الطريق عملوا بيها جوادث بسبب ان العربية عومت بكل بساطة وسهولة والسرعة ماكنتش عالية تماما , وفى الاخر عرفوا يعنى اية تجرى بكورى على الطريق وربنا يسترها علينا وعلى الجميع

طيب يا ريت بالمره رايك استاذ سامح بالياباني اللي في السوق وخصوصا المازدا والقرش والنيسان لتعم الفائده للجميع

اقتباس:

---

المشاركة الأصلية كتبت بواسطة amr_naser

حبيبى انا مش مختلف معاك فى كل الكلام دا وكلام صح مية مية ولكن احنا بنتكلم بمنظور عام مش شخصى يعنى انت فكرت بشكل معين الناس كلها مش كدة لها تفكير تانى ولها اولويات مختلفة زى مثلا انا شفت ناس يقول لك لا الهوندا ناشفة لا الهوندا فيها مشاكل كذا .....الخ ويبعدوا عنها ولو حطيت نفسك مكانهم حتلاقى كلامهم منطقى الى حد كبير واختيارهم صح
يفية احصائية بتقول ان اكتر من 80% من السائقين مش بيجيب اقصى قوة حصانية للمتور يعنى معاة ماتور وحش وفى نفس الوقت العربية ماشية زى البطة فكل واحد له احتياجاته وعشان كدة تلاقى العالم بقى مليان سيارات كورى خصوصا طبعا الالنترا (مرتبة على المبيعات العالمية ) رغم كل مشاكلها

بس انا عاوز اقول لك الكورى عندهم وحش اسمة جينيسيس دا حاجة جامدة
وربنا يسترها معاك ويرزقك الخير ويكفيك الشر

---

حضرتك شخص محترم وانا سعدت بالحديث معاك واكيد كلام حضرتك كتير منه بتفق معاه وربنا يستر طريقك ويرزقك الخير ويكفيك الشر :)

اقتباس:

---

المشاركة الأصلية كتبت بواسطة sameh_fouad

فعلا صعب مقارنة الكورى بالهوندا , لان فعلا الكورى بيطبق كلمة سيارة مدينة بالحرف , يعنى عايز واحد يمشى عادى اخر سرعتة 120 , غير كدة انت بتجازف بحياتك سواء فى ثبات او فرامل او اعتمادية

وبردة كل واحد يشترى السيارة اللى تحققلة مطالبة ورغباتة

بس احنا بننصح وخلاص , عشان كان فية اصدقاء كتير لينا ثقتهم زادد فى الكورى ( كيا سيراتو - النترا ) وبسبب مشاكل بسيطة فى الطريق عملوا بيها جوادث بسبب ان العربية عومت بكل بساطة وسهولة والسرعة ماكنتش عالية تماما , وفى الاخر عرفوا يعنى اية تجرى بكورى على الطريق وربنا يسترها علينا وعلى الجميع

---

كلامك مظبوط استاذ سامح ونتاج ثقافه وخبرة في مجال العربيات وخاصة الهوندا , و ده اللي احنا محتاجين نفهمه ان احنا مش بنتكلم عن اشخاص ولا ناس احنا بنتكلم عن شركات منتجه للسيارات لكن لاسف الناس بتاخد الكلام على قلبها كاننا بنعيب فيها مش بناقش شيئ قابل للجدل والنقاش , ربنا يهدي

طبعا.. الهوندا.. اسطوره.. واللي مايعرفش يقول عدس... مقارنة كيا وهيونداي بهوندا تهريج.. والمناقشه مع حد فاهم كده يبقي تضييع وقت

اقتباس:

---

المشاركة الأصلية كتبت بواسطة refaat78

طبعا.. الهوندا.. اسطوره.. واللي مايعرفش يقول عدس... مقارنة كيا وهيونداي بهوندا تهريج.. والمناقشه مع حد فاهم كده يبقي تضييع وقت

---

كلامك مظبوط لانك فاهم و مجرب
بس انا عملت شيء أظرف و اجمل
برد بس عل الناس الفاهمة بس لاني معنديش وقت افهم حد :)

حد عارف هيا نازلة مصر امتى؟

2016 Honda HR-V Crossover - Official Site

اقتباس:

---

المشاركة الأصلية كتبت بواسطة refaat78

طبعا.. الهوندا.. اسطوره.. واللي مايعرفش يقول عدس... مقارنة كيا وهيونداي بهوندا تهريج.. والمناقشه مع حد فاهم كده يبقي تضييع وقت

---

هههههههه لما تركب السوناتا والازيرا والجينسس والسنينيال وتشوف الاداء والكماليات وتقارنهم بالاكورد والكامرى شوف وقتها التهريج
وبعدين اقول لك حاجة كمان بيجو 508 الجديدة اجمد بكتير من الاكورد والكامرى وارخص منهم
لكن فى السيارات المتوسطة السيفك والسيتى احسن من الكرولا واليارس
وبصفة عامة انا مش بقارن شركات ومن احسن ومن اوحش لان كل سيارة بتلبى متطلبات معينة لشريحة معينة من الناس

لما تحب تقارن عربيات ببعض.. يبقي تقارن نفس الفئه مش تقارن الجينيسيس بالاكورد والكامري.. فيه حاجه اسمها هوندا ليجيند..وفيه تويوتا افالون..
وفيه بقي ليكزس واكيورا.. ودول اصلا خارج نطاق المقارنه مع الياباني. مقارنتهم تبقي مع الالماني بس.. ومش اي الماني كمان.. مرسيدس وبي ام واودي بس

اقتباس:

---

المشاركة الأصلية كتبت بواسطة refaat78

لما تحب تقارن عربيات ببعض.. يبقي تقارن نفس الفئه مش تقارن الجينيسيس بالاكورد والكامري.. فيه حاجه اسمها هوندا ليجيند..وفيه تويوتا افالون..
وفيه بقي ليكزس واكيورا.. ودول اصلا خارج نطاق المقارنه مع الياباني. مقارنتهم تبقي مع الالماني بس.. ومش اي الماني كمان.. مرسيدس وبي ام واودي بس

---

للاسف كلامك غير صحيح وفى كل الاحوال الالمانى برة نطاق المقارنة تماما
يا راجل دا انا ركبت a8 موديل 2014 قعدت اسبوع مش عارف انام
لكزس واكيورا وانفينتى يابانى وتابعين لتويوتا وهوندا ونيسان وفية موديلات نفس المواتير
كامرى واكورد وجينسس نفس الفئة
كامرى واكورد بتنزل بماتور 2.4 اربعة سلندر ودى الفئة الاقل
لكن فيه منهم 6 سلندر وبسعر اعلى من الجينيس كمان
الافالون عربية سيئة وفاشلة
ليجيند مركبتهاش بصراحة ومعرفش عنها كتير
وعموما وحش الهوندا هو السيفك وبينزل منها مواتير قوية جدا بس للاسف سعرها كمان غالى جدا ودى مشكلة كبيرة
واذا انت سألتنى عن رأي الشخصى (كورلا و سيفك و النترا ) انا شخصيا اختار السيفك
واذا سألتنى (اكورد ولا كامرى ولا سوناتا ) احتار الاكورد
لكن فى كل الاحوال دى زى ما قلت لك اراء شخصية يعنى تلاقى فى معظم الدول العربية الانتشار الاول هو الكورولا والكامرى

لسه الهوندا موصلتش عندنا
هوندا تمتلك الكتير مش السيفيك والسيتي فقط

مفيش اخبار لسه عن hr -v هتنزل في مصر امتى؟

اقتباس:

---

المشاركة الأصلية كتبت بواسطة refaat78

طبعا.. الهوندا.. اسطوره.. واللي مايعرفش يقول عدس... مقارنة كيا وهيونداي بهوندا تهريج.. والمناقشه مع حد فاهم كده يبقي تضييع وقت

---

معك 100 % .. هوندا خارج المقارنة و لن يفهم ذلك الا من ركبها و عشقها و عرف طعم الاعتماديه و القوه و الثبات و قطعة الغيار المعمره ... تستحق كل جنية

العربيات كلها بقت شبه الناس الصينيين