صور honda hr-v الرسمية اللى هتنزل فى الربيع إن شاء الله

**Waleed_aboammar** · 06-01-2015 11:49 AM

أحبابى..... أخيرا الصور الرسمية من هوندا للأيقونة المجددة بالكامل HR-V
العربية دى هوندا هتسوقلها جامد عشان كده عملت موقع مخصوص لل HR-V و بتنزل التفاصيل بالقطارة لغاية التدشين الرسمي في ربيع 2015 عالميا و البداية دلوقتى باستعراض العربية من بره و من جوه...
أنا حبيت أهاديكم في السنة الجديدة بالاطلالة الخاطفة للعربية دى اللى انا متوقع انها هترجع هوندا لصدارة المنافسة بالذات في فئة مينى SUV
و .... نشوف الصور

معلش هي الصور متاخدة سناب شوت بس لو لقيت صور مباشرة هنزلها ان شاء الله
نتمنى التوكيل يتواصل معانا و يقولنا العربية دى ممكن تنزل مصر امتى طالما هتنزل عالميا في الربيع ده
و أوعدكوا ان شاء الله لو ربنا قدرنى و اشتريت العربية انى اعملكوا تقرير شامل عنها

**SAMEH_FOUAD** · 06-01-2015 12:02 PM

ربنا يسهل هوندا لازم تقحم السوق شوية بموديلات اكتر , لان مافيش ماركة عريقة زى هوندا فقط تبيع سيارتين فى السوق المصرى ( السيفيك - السيتى )

ياريت يدخلوا الهوندا jazz - crv - accord - crz لازم تدخل الموديلات دية

او حتى يكون عندها الفئات الاكثر مبيعا ( jazz - crv )

**crazy car** · 06-01-2015 12:31 PM

الاهم كمان من فاضية اكيد هتنزل بتمن خزعبلى كالعادة وموش مشجع

**marwanragab** · 06-01-2015 01:02 PM

المشاركة الأصلية كتبت بواسطة waleed_aboammar

أحبابى..... أخيرا الصور الرسمية من هوندا للأيقونة المجددة بالكامل hr-v
العربية دى هوندا هتسوقلها جامد عشان كده عملت موقع مخصوص لل hr-v و بتنزل التفاصيل بالقطارة لغاية التدشين الرسمي في ربيع 2015 عالميا و البداية دلوقتى باستعراض العربية من بره و من جوه...
أنا حبيت أهاديكم في السنة الجديدة بالاطلالة الخاطفة للعربية دى اللى انا متوقع انها هترجع هوندا لصدارة المنافسة بالذات في فئة مينى suv
و .... نشوف الصور

معلش هي الصور متاخدة سناب شوت بس لو لقيت صور مباشرة هنزلها ان شاء الله
نتمنى التوكيل يتواصل معانا و يقولنا العربية دى ممكن تنزل مصر امتى طالما هتنزل عالميا في الربيع ده
و أوعدكوا ان شاء الله لو ربنا قدرنى و اشتريت العربية انى اعملكوا تقرير شامل عنها

ألف شكر ياباشا على المعلومات القيمة والمجهود الرائع

**amr_naser** · 06-01-2015 01:22 PM

امممممممممممم
مبدئيا هى شكل التوسان او اي 35 اوى ماعدا الوش بس شكلة مختلف
دى بقى كروس
cr-v اس يو فى وسعرها 23.320 الف دولار
والبايلوت ب 30 الف
يا ترى دى حتبقى بكام ؟؟؟؟؟؟
انا اعتقد انها حتكون فى حدود 18 او 20 الف دولار
بس تبقى ازمة المواتير موجودة وهى اللى حتحدد سعرها فى مصر يعنى يا ترى دى حتنزل ماتور 2000 ولا 1600 ؟؟؟

**amr_naser** · 06-01-2015 01:26 PM

تم الاعلان عن السيارة ” هوندا HR-V 2015 ” لأول مرة في معرض ” نيويورك الدولي للسيارات ” و التي يتوقع ان تبدأ في النزول الى الاسواق مع اقتراب حلول نهاية العام الحالي , كشف الشركة عن مواصفات محرك السيارة وعن السعر الخاص بها .
اما عن المظهر الخارجي للسيارة فانها سيارة عائلية تنتمي الى عائلة السيارات الكروس اوفر , فالسيارة مرتفعه عن الارض بشكل ملحوظ و المصابيح الامامية ذات شكل انسيابي مائل الى جانبي السيارة و الشبك الامامي ضخم ويعلوه شعار ” Honda ” .
مواصفات محرك هوندا اتش ار في 2015 Honda HR-V :
- محرك سعة 1.5 لتر
- قوة 130 حصان
- اقصى عزم للدوران 114 رطل – قدم
- ناقل الحركة CVT
- خاصية الحقن الالكتروني للوقود
- التسارع من 0 الى 60 ميل في 8.5 ثانية
- السرعة القصوى 125 ميل / ساعة
- خاصية التحكم في الجر
- خاصية الثبات الالكتروني
- المكابح مانعه للانزلاق ABS
- توزيع قوى المكابح الكترونيا EBD
- عدد من الوسائد الهوائية الامامية و الجانبية لحماية السائق و الركاب
اسعار هوندا اتش ار في 2015 Honda HR-V :
- سعر هوندا اتش ار في 2015 Honda HR-V بالدولار الامريكي 19,000$
وكالات

**demonarundo** · 06-01-2015 01:41 PM

هيا بقت اسطمبة بتلف على الشركات !!

مش دى ix35 برضو !

**Mohamed.Ramah** · 06-01-2015 02:25 PM

شكراً ليك على الخبر والصور العربية شكل وتجهيزات مميزة ولاكن السعر هو العامل الوحيد الهيحدد نجاحها لو نزلت مصر ..

من رأى السوق المصرى محتاج فعلاً موديلات جديدة اغلب الدول العربية فيها اكثر من موديل وتوكيل كبير زى الفطيم لازم يوسع قاعدة العربيات ويبقى فى تنوع اكتر من كدة وينتبة للسعر لان حاطط سعر هوندا فى السما ومخليها سعرها عالى جداً + التصميم الاخير للهوندا مكنش صائب ومعجبش البعض ودة اثر على مبيعات السيارة خاصة الانتريور

وغريب اننا نلاقى موديل زى هوندا سيتى بينافس عربية زى سياز فى السعر والمواصفات وبمحركات ديزل ودة فى الهند على النقيض هنا العربية بتنزل ب 123 والسيتى فى عالم تانى علماً انها منافس للاكسينت والسياز لاكن التوكيل واضعها فى فئة السيراتو والالنترا والفوكاس !!

# محتاجين نشوف الموديلات دة فى مصر
Accord

Accord coupe

Cross tower

Cr-V

jass

Odyssey

الموضوع: صور honda hr-v الرسمية اللى هتنزل فى الربيع إن شاء الله

LinkBack

أدوات الموضوع

عرض

-

-

المواضيع المتشابهه

بروتون إكسورا Exora هتنزل مصر إمتى إن شاء الله؟

ال i30 هتنزل فى اوروبا كمان شهرين, عندنا هتنزل امتى؟

فين بيجو 7 راكب اللى قالوا هتنزل فى شهر فبراير

قولتلكو قبل كدة اللى ناوى يشترى بالتقيسط يستنى لان فايدة البنوك هتنزل,,,واهى نزلت,,

اختبار تصادم الكورولا 2007 اللى هتنزل مصر 2008 الشكل الجديد

الكلمات الدلالية لهذا الموضوع

المفضلات

المفضلات

ضوابط المشاركة