بخصوص ال 335i

**Transeporter** · 06-01-2015 02:48 PM

كنت بفكر في الCLA 200 وبعدين طبعا اللي خوفني منها البنزين ٩٥ والمواتير اللي ضربت بسبب البنزين ومشكلتي مش سعر البنزين مشكلتي في انه مش موجود اصلا في المحافظة اللي انا فيها واقرب بنزينة فيها ٩٥ بيني وبينها ٢٠٠ كم .طبعا بعد ما كبرت دماغي من ال CLA رحت لحبيبتي اللي بقالي ٦ سنين منزلتش منها كنت متضايق جدا ان ال٣٣٠ i6 نزل مكانا ال٣٢٨ i4 ومكنتش اعرف ان التوكيل بينزل ال ٣٣٥ F30 ولما عرفت قررت اجيبها طبعا مفيش اي مقارنه مع ال CLA ٣٠٦hp و ١٥٦hp بس قلبي وجعني لما عرفت انا توين تربو يعني محتاجة بنزين ٩٥ وانا مش هتنازل عنها بي عشان البنزين.حد يقدر يفيدني لو العربيه دي حصلها مشاكل من البنزين ٩٢ قبل كده ولو حد عارف اي عيوب للعربية ياريت يفيدني

**marwanragab** · 06-01-2015 03:25 PM

اعتقد التوين تربو مفيش مشاكل مع 92 و اختى عندها 316 توين تربو وصاحبى 320 توين تربو وماشيين بال 92 عادى جداا

**Mohanadyasser** · 06-01-2015 03:35 PM

بى ام دبليو العربية الوحيدة دلوقتى اللى فيها تربو و ماشية ب92 عادى و من غير اى مشاكل.

**Transeporter** · 06-01-2015 05:38 PM

اكيد بتاخد ٩٢ لاني سمعت انهم بيمضوا اقرارات زي المرسيدس لاستخدام ال ٩٥

**Transeporter** · 06-01-2015 05:54 PM

اتاكدت انها بتاخد ٩٥ علي الاقل عكس بقية مودلات الثري سيريس اللي ممكن تاخد RON 91 at least بجد حاجة محبطة جدا

**fahd_628** · 06-01-2015 07:10 PM

بتاخد 92 عادى

**Transeporter** · 06-01-2015 08:02 PM

لاياباشا كلمت واحد لسه جايبها ومضي علي اقرار زي بتاع مرسيدس وده الموديل الوحيد في الثري سيريس اللي فيه اقرار ال ٩٥ وبصراحة انا الانجين بتاع العربية عاجبني جدا وبفكر اجيبها واحطلها ٩٢ ولما اسافر احطلها ٩٥ بس لسة متردد جدا

**Transeporter** · 06-01-2015 08:06 PM

الحاجة اللي مطمنة الواحد برضو اني مسمعتش عن اي مشاكل للانجين بس برضوال 335 انتشارها نادر فلو حصلتلها مشاكل مش هنسمع عنها

**عمرو عمران** · 07-01-2015 12:57 AM

بصراحه لا توجد اي مقارنه بين سي ال ايه وبي ام لكن معلومه 95 دي انا اقدر اقلك ان جاري معاه 328 توين تيربو 2013 وبيحطلها 92 وماشي بيها 38 الف كيلو ولم يواجه اي مشكله عل الاطلاق