مواصفات سوزوكي سياز ciaz

**أحمد عبدالسلام** · 16-03-2015 05:12 PM

المشاركة الأصلية كتبت بواسطة amr211

انا محتار ما بين السياز و ما بين ال أوبترا .. هل يوجد اقتراحات ؟؟

مبدأيا كدة عشان لو حضرتك متعرفش،، الاوبترا صيني 100% مكوناتها صيني و متقفلة في الصين ولا تمت الي السيارات الكورية من قريب او من بعيد و وجه الشبه بينها الوحيد بين سيارات شيفورليه هو علامة شيفورليه اللي علي الكبوت،، و هي عربية صيني اسمها بايون اساسا و بينزلوها مصر و يغيروا علامة العربية و يحطوا علامة شيفورليه.

**amrseif** · 18-03-2015 09:54 AM

العربية ديه انتشرت بالفعل .. انا بقيت اشوفها كتير فى الشارع ... توكيل سوزوكى ابتدى يغير من اسلوبه وطريقة تسويقه لسياراته ..

**wma_eg** · 23-03-2015 05:02 PM

الف مبروك لكل اللى استلم السياز ومستنين منكم التقارير بكل تفصيلة

وملاحظ ان الناس بتشكر فى السياز وفى ناس ابدت ملاحظات على حاجات من وجهة نظرى حاجات فارغة زى مرايا الصالون وصوت الازاز اللى فى الباب اللى جنب السواق وكرس السواق اللى مش متثبت كويس والبطارية السائلة .. كل دا ممكن يتظبط ومش مكلف ومش اساسى (ومش مهم بالنسبالى) من وجهة نظرى
اللى يهمنى الاساسيات و عايز اسأل عليها كل اشترو خاصة اللى استلم بدرى وقطع بيها مسافات طويلة ياريت يفيدنا عن اهم حاجات فى العربية بترتيب الاولوية من الناحية الفنية اهم حاجة ومستوى رضائه بعد الاستخدام عن :

1 - الماتور (من ناحية السحب والقوة والعزم والاداء والسرعة القصوى واستهلاك البنزين)
2 - الفتيس (من حيث التكنولوجيا والاعتمادية وقلة المشاكل )
3-العفشة(من حيث ثبات العربية على السرعات العالية ونعومة وصوت العفشة فى شوارعنا الجميلة )
4 - جسم العربية (سماكة الصاج | التحكم فى العربية على الطريق وفى المناورات )