الموضوع: بعد التعديل من MMT الى Automatic عادى بالتفصيل !!

المشاركة الأصلية كتبت بواسطة Fancy_man22

باشا معلش استفسار بسيط كدا
كان فى زميل سأل حضرتك سؤال ان الفتييس الاوتوماتيك ينفع يركب على نفس المكنه القديمه يعنى مش شرط اغير مكنه و فتيس مع بعض وكان رد حضرتك انه ينفع طبعا
طب ازاى ينفع ؟ هل حضرتك سألت الميكانيكى فيها ؟
على حد علمى ان الفتيس ال mmt حجمه صغير بعكس الاوتو العادى
ثانيا انا سألت ف التوكيل على الموضوع دا قالولى ان فى ناس عملتها و الفتيس بيسرب و بيفوت و بيبوظ لانه مش راكب على المكنه بتاعته
توضيح لكلام حضرتك
المكنه غيرتها علشان كانت بايظه عندك
الفتيس لتحويله للاوتو
الكبالن علشان المكنه اتغيرت من 1600 cc الى 1800 cc
والريداتير نفس الموضوع علشان المكنه اصبحت 1800 cc
الضفيرة الى اتلعب فيها كانت ضفيرة ايه ؟؟؟ ضفيرة المكنه ولا الفتيس ؟؟؟
وهل الكمبيوتر بتاع العربيه لسه زى م هوه مستحمل الاضافات الى عملتها على الضفيرة ؟؟
العدادات اتغيرت ليه ؟؟ مع انها نفس العدادات بس اختلاف بسيط ف الشكل الخارجى ؟؟
لو حبيت اغير الفتيس mmt ب فتيس اوتو و الفتيس بتاعى لسه سليم و لسه الفتيس بالكامل متغير ف التوكيل ف 2015/02/01 ممكن يعمل مبلغ ولا ببلاش الا ربع :]
و اخر حاجه حضرتك غيرت التارة بالكبسوله و لا غيرت التارة و فضلت الكبسوله بتاعت القديمه ؟؟؟
اسف انى طولت على حضرتك بس انا لسه جايب العربيه وعجبانى جدا بس موضوع النقلات دا مبوخها بصراحه ف كنت بفكر ف الى حضرتك عملته دا و لاقيت الموضوع بالصدفه و بصراحه رد على معظم التساؤلات الى عندى
وشكرا

فعلا انا غيرت المكنة عشان كانت بايظة و ساعتها قولت بالمرة الفتيس
ثانيا مفيش حاجة اسمها حجمو صغير او كبير
هوا يا يركب او ميركبش عشان مش هيخراطو عشان يركب
كمان الراجل بيديك ضمان لو زى ما حضرتك بتقول بيسرب و كدة هيرجع ساعتها و الناس اللى اتعملت معاهم كلمتهم واحدة مش هيضحى بسمعته عشان يركب فتيس فى الموديل دة و يخسر سمعته فى باقى المودلات اللى شغال فيها
و الضمان ٣ شهور بتاع الفتيس و المكنة شهر
بعدين الضفيرة متلعبش فيها انا جبت ضفيرة تانية و على فكرة الضفيرة اتغيرت كلها عشان فيشت الفتيس بس فتخيل ضفيرة كاملة عشان فيشة واحدة يعنى متلعبش فيها
بالنسبة للعدادات القديمة كانت بتقرا فقط E and M and R and N و بس على كدة اما العدادات الجديدة بتقرا P and R and N and D and 3 and 2 and 1 طبعا فرق كبير جدا دة غير انها بالميل و الكيلو غير القديمة بالكيلو بس و اول ماركبت مكنتش عجبانى و لكن كانت بتعجب اى حد بيركب معايا و اقتنعت بيها بعد كدة
و بالمناسبة كمان انا غيرت ترموستات و كبالن معا طقم اجزاء الفتيس الاتوماتك
اما بالنسبة للطارة انا كلها اتغير بالكبسولة كمان

لو فى اى استفسار تانى انا تحت امرك يا باشا

المشاركة الأصلية كتبت بواسطة mario_9111

الف مبروك علي الفتيس والماكينه
الموضوع ده انا غلبت فيه اسال ناس كتير عن تجربة اي حد عمل التغير ومحدش كان بيرد عليا لاني من اوائل الناس كان معايا mmt2008 كورولا وشفت عند محمد علي اول عربيه اتعدلت وكان فيها شويه مشاكل وبعد كده كل بقا تمام فسالت كتير علشان اعرف اي حد من الي غيروا ملقتش وفي الاخر بعت العربية واشتريت 2010 جنوب برده بس اقسم بالله ان العربيه دي كانت بطير بس بعتها ومعرفتش اشتري تويوتا تاني اشتريت الرائعه اوكتافيا
وربنا يوفقك

الله يبارك فيك يا باشا و ربنا يباركلك فى الاوكتفيا عربية جميلة