بعد التعديل من MMT الى Automatic عادى بالتفصيل !!
السلام عليكم
طبعا بعد الكارثة اللى حصلت و العربية جابت شورت بلوك و التوكيل طلب ٤١ الف جنية للاصلاح الموتور عملت كالتالى :
سالت ناس كتير اعمل اية و اتصرف ازاى لقيت اراء كتيرة جدااااا و معا احترامى للاراء الجميع سواء من استشرتهم بالمنتدى او خارجة المهم بعد البحث الكثير و ما الافضل ما بين اركب مكنة و فتيس اوتوماتك و لا مكنة فقط و لا اعمر المكنة و امشى بيها كدة
المهم قررت انى اتعامل معا (محمد على بالحرفيين) و الصراحة ناس محترمة معايا و متقبلين الاسئلة الكتيرة اللى كنت باسئلها ليهم و مقدرين انى اول مرة ادخل فى موضوع زى دة انى اغير مكنة و فتيس و الكلام دة المهم فهمونى الموضوع هيمشى ازاى و هوا كالتالى:
قالولى الفتيس عامل ١٠الاف و يشمل ( الكنترول بتاعه و الضفيرة و عدادات عشان تقرا الغيارات الجديدة الp و r وn و d لان طبعا العدادت القديمة تابعه لmmt و غياراتة بس و كمان كبالن بتعاعتة و ردياتير عشان دة بتاع الاوتو ماتك اللى فهمتو فية زيت كمان فى الردياتير دة و الكونسولة بتاعتة بالكامل كمان و ترموستات و طارة كمان من غير الريش طبعا
اما بالنسبة للمكنة تمنها ٧ الاف و نص بدون اداوت تغذية
المهم بعد ماركبت المكنة اكتشفت ان المكنة دى اقوى و اكتشفت كدة من زميلنا فى المنتدى فى موضوع اللى فات
طلعت ١٨٠٠ سى سى و قالولى دى على الورق هتبقى ال ١٦٠٠ عادى
و. العربية قعدت حوالى اسبوع
الميكانيكى اللى اشتغل فيها اسمها محمد توكيل بجد راجل محترم و كويس جدا ،، و بجد اسم على مسمى ،، لو فكرت تجبلو مسمار مش اصلى ميرضاش يركبة لازم كل حاجة تكون اصلية و حصل قدامى الموضوع دة شد معا زبون على مسمار اصلى و خلى الزبون يرجع الكوبى اللى معاه
شغل الكهرباء بقى اسطى محمد عسكر و الكهربائى كان على ماعرف من اختيار محمد توكيل و فعلن شغلة حلو بردو ملقتش حاجة قطعه بعد خلص الضفيرة بتاعته
عايز افهمكو حاجة بردو محمد على اول ما استلمو
منى العربية بيجموعو الحاجة من المخزن عندهم و يبعتوها للميكانيكى عشان متتعطلش
و اخدو منى الحاجة القديمة مقابل المصنعية
المهم العربية فرق كبيررررر. جدا بعد الاوتوماتك و دة رقمى لو حد عايز يسالنى عن حاجة ٠١٢٢٦٦٣٦٦١٢ مايكل يوسف