مساعده فى البور سبلاى دا

**cazloky** · 07-01-2015 10:06 PM

سلام عليكم

ياجماعه ممكن حد يساعدنى

عندى جى ام فى البيت 700 وات

وعايز البور ده ومش لاقيه

13.8V, 30 Amp

انا حاليا شغال ببور بتاع كمبيوتر بس مش قوى

اللى يعرف مكان البور دا ياريت يقولى سعره كام فى مصر وعنوان اللى بيبيعه

وشكرا

**body7733** · 08-01-2015 09:55 AM

ممكن تشوفه عند النخيلى فى وسط البلد بجوار مول البستان

**Salamonti** · 08-01-2015 10:50 AM

روح باب اللوق عند توكيل ترومان..
عندهم باورات مركزية مخصصة لكاميرات المراقبة..
الباور 12 فولت 15 أمبير انا شاريه منهم في حدود 200 جنيه وعندهم أعلى كتير..

هاتلك واحد 40 أمبير مثلا عشان تضمن انك تاخد التلاتين اللي انت عايزهم بكفاءة وكمان عشان فرق الفولت..

هاتعمل بس تعديل بسيط..
ان الباور اللي عندهم بيبقا متقسم مخارج للكاميرات وكل مخرج عليه فيوز 1 امبير لكل كاميرا على حدة..

فانت يا إما تجمع سلك المخارج كلها يا إما تعمل تعديل انك تاخد من الخرج الأساسي بتاعه قبل تقسيم المخارج وقبل الفيوزات..

وفي النهاية شكله حلو ومحترم ومتقفل في علبة صاج نضيفة وفيه منه أوت دور كمان لو عايزه ضد التراب وضد المية :)

**cazloky** · 08-01-2015 03:48 PM

المشاركة الأصلية كتبت بواسطة salamonti

روح باب اللوق عند توكيل ترومان..
عندهم باورات مركزية مخصصة لكاميرات المراقبة..
الباور 12 فولت 15 أمبير انا شاريه منهم في حدود 200 جنيه وعندهم أعلى كتير..

هاتلك واحد 40 أمبير مثلا عشان تضمن انك تاخد التلاتين اللي انت عايزهم بكفاءة وكمان عشان فرق الفولت..

هاتعمل بس تعديل بسيط..
ان الباور اللي عندهم بيبقا متقسم مخارج للكاميرات وكل مخرج عليه فيوز 1 امبير لكل كاميرا على حدة..

فانت يا إما تجمع سلك المخارج كلها يا إما تعمل تعديل انك تاخد من الخرج الأساسي بتاعه قبل تقسيم المخارج وقبل الفيوزات..

وفي النهاية شكله حلو ومحترم ومتقفل في علبة صاج نضيفة وفيه منه أوت دور كمان لو عايزه ضد التراب وضد المية :)

اشكركم على الرد بخصوص بور الكاميرات كان عندى واحد 30 امبير وبرضه ضعيف لان النور بتاع الجى ام لما بشغل البيز بيطفى خالص والصوت وحش

**Salamonti** · 08-01-2015 09:08 PM

المشاركة الأصلية كتبت بواسطة cazloky

اشكركم على الرد بخصوص بور الكاميرات كان عندى واحد 30 امبير وبرضه ضعيف لان النور بتاع الجى ام لما بشغل البيز بيطفى خالص والصوت وحش

معنى كدة ان الباور اللي انت شغال عليه مضروب مش حقيقي
بمعنى انه ما بيطلعش 30 امبير فعلا وده مجرد رقم مكتوب وخلاص

انما الجي ام يقوم على 12 فولت مستريح اوي مش لازم 14
الفكرة كلها انه على 12 فولت هايسحب أمبير أعلى من اللي بيسحبه على 14

الجي ام اللي عندك بتقول 700 واط
أعتقد مش هايكون بيطلع rms اكتر من 400 واط
بحسبة بسيطة 400 نقسمهم على 12 فولت
يعني محتاج 33 أمبير عشان تعلي الصوت على آخره

اي باور سبلاي تحطه وتيجي تعلي الصوت يقوم طافي يبقا مابيطلعش الأمبير ده فعلا !!

عايز تتأكد من كلامي جرب الجي ام على بطارية عربية مبطلة مش دايرة
وبقول العربية مبطلة عشان يبقا الفولت 12 مش 14
ساعتها هتلاقيه بيقوم كويس ويجيب اقصى طاقته لأن بطارية العربية هاتديله الامبير الكافي :)

قلقان م الحجات الجاهزة وعايز حاجة تفصيل يبقا عليك وعلى النخيلي..
هتاخد حاجة بتطلع الأمبير الحقيقي اللي انت طالبه بس مقابل شكلها وحش ومش متقفلة في علبة أو بوكس
يعني مفيش أمان أثناء التشغيل !!

وعموما خدها نصيحة في أي حاجة مش بس في الموضوع ده..
لما تيجي تشتري أي حاجة فيها باور لازم تعمل حسابك في 25-30% زيادة في القدرة..
أولا لأن بيبقا فيه فاقد في الطاقة ودي شيء معروف وليه نسب محددة في كل حاجة في الدنيا..
ثانيا بقا وده الأهم ان عمرك ما تشتري حاجة تشغلها بكل طاقتها لوقت طويل عشان أكيد هاتقصف عمرها..

**cazloky** · 11-01-2015 07:50 PM

اشكرك على الرد انا عارف انه مضروب اصلا مش من الرقم --من حجمه الصغير -كل اللى انا محتاجه باور يعطيلى الامبير ثابت وبخصوص الجى ام هو سيمفونى 4 شانيل

فحضرتك بتقول ان النخيلى ممكن يعملهولى علشان مش اروحله على الفاضى انا من دمياط ومشوار عليه

**Salamonti** · 13-01-2015 10:30 AM

النخيلي بيعملهم آه بس بالطلب يعني مش هاتستلمه في نفس اليوم عشان تبقا عارف :)

**rotanamasoud** · 13-01-2015 11:12 AM

ليه وجع الالب ده بس حتدفع
هاتلك بور اصلى من بتاع الفيجات للجيمر زى ده بيطلع 39 امبير
وفى بورات بتوصل ل70 امبير زى ده
اه حتدفع مبلغ بس عندك ميزتين حتشغل اى جى ام حتى لو حبيت اكبر ولما تحب تبيع البور فهو بور كمبيوتر يتباع بسهوله