القشرة و شامبو كلير

**dede_dodo88** · 09-01-2015 03:16 PM

المشاركة الأصلية كتبت بواسطة maun00

شكرا للافادة في ردك
انا امبارح استخدمت كلير و انهردا كل القشرة بح
انا بقلك جربت شامبوهات كتير ودا جاب من الاخر بس المشكلة شعري خف جدا واكيد دا ضعف مني لاني مش باكل كويس بس بطمن لو كان الكلير عمل كدا مع الناس التانية
انت تعرف المعدل الطبيعي لاستخدام الشامبو زي كلير؟
انا بستحمى 3 مرات اسبوعيا بس انا كنت بطلت استخدم كلير لان اختي قلقتني منو وقالت لو استخدمتو كتير هتبوظ شعرك وانا مفيش حاجة حلوة غير شعري السايح :_alshmokh15[1]::_alshmokh15[1]:
بس بفكر استخدم كلير مرة في نص الاسبوع و الباقي بلسم ولا اية رايك؟

أنا عن نفسي مش بحب أني أركز مع شامبو واحد, لأن بعد فترة من الأستخدام مفعوله بيقل و ممكن يجيب نتايج عكسية, زي اللي بيحصل معاك ده,, هو في الأول و الأخر الشامبو ده عبارة عن شوية كيماويات..
خلي بالك البلسم الكتير مش كويس برضه, يعني ممكن تخليه مرتين مثلاً في الأسبوع..
بس أكيد التغذية ليها دور أساسي في صحة و قوة الشعر, و أنت بتقول أنك مش بتاكل كويس!!

أنا كنت في فترة ما بستخدم كلير و متذكرش أنه عملي مشاكل مع تساقط الشعر,, بس العادي عندي أن بيكون في فترات بيزيد فيها التساقط بس بيرجع الموضوع طبيعي تاني..

**Maun00** · 09-01-2015 03:28 PM

المشاركة الأصلية كتبت بواسطة dede_dodo88

أنا عن نفسي مش بحب أني أركز مع شامبو واحد, لأن بعد فترة من الأستخدام مفعوله بيقل و ممكن يجيب نتايج عكسية, زي اللي بيحصل معاك ده,, هو في الأول و الأخر الشامبو ده عبارة عن شوية كيماويات..
خلي بالك البلسم الكتير مش كويس برضه, يعني ممكن تخليه مرتين مثلاً في الأسبوع..
بس أكيد التغذية ليها دور أساسي في صحة و قوة الشعر, و أنت بتقول أنك مش بتاكل كويس!!

أنا كنت في فترة ما بستخدم كلير و متذكرش أنه عملي مشاكل مع تساقط الشعر,, بس العادي عندي أن بيكون في فترات بيزيد فيها التساقط بس بيرجع الموضوع طبيعي تاني..

انا بصراحة الاكل دي مشاكل نفسية او عقد يعني مع البيض بفتكر ان دا كتكوت و الخ علشان اكل لحوم لازم طعمها ميكنش باين خالص و الاسماك لا يمكن اكلها و كمان اكلي ضعيف لان معدتي صغيرة يعني مش معودها اني اكل كميات
زي ماتقول انا نباتي او فيجيتيريان بس اجي للاكل بقى النباتي بالصلة عالنبي كلو مضروب ملوش طعم خالص و كمان انا لو لقيت شعراية من 4 سنين في طبق رز عند حد مثلا لايمكن اكل عندو تاني حتى لو الشعرة مني
ماعلينا من الاكل خلينا في الشامبو
احنا حياتنا كيماوية يعني ميكا بيقول ان المية عندنا مليانة املاح انا شايف الي عندنا شوية مية و كلور بغباء
وعمتا انا مشكلتي لاني اهملت في نضافتي لمدة
بالنسبة للتساقط معنديش مشكلة لاني كدا كدا مربي شعري كسلا من الحلاقة و شعري مش بيتسرح اساسا ناعم جدا بس ميتسرحش اخرو يروح عالجمب كدا فبطنش من كان يوم قلت اسرح و فضلت اناكف في شعري علشان يتسرح و شد و سبراي مثبت ومعرفش اية وفي الاخالنتيجة كانت الشكل الطبيعي بتاعو
انا حاليا بعد ما ستخدمت كلير امبارح دلؤتي بالصلة عالنبي بعرف احرك ايدي في شعري ومش بيتشد زي الاعلان بتاع الشامبو بتاع البنات الي بيعزفو على شعرهم

**Mecha** · 09-01-2015 03:28 PM

سمعت ان اللزدق واللوز ليهم تاثير طيب ع الشعر

**Maun00** · 09-01-2015 03:31 PM

المشاركة الأصلية كتبت بواسطة mecha

سمعت ان اللزدق واللوز ليهم تاثير طيب ع الشعر

اه انا قرات زيت اللوز و زيت الزيتون مفيدين للشعر
بس عمتا مشكلة القشرة اتحلت و تساقط الشعر لابد منه
بس انت اية خلاك تقول ان عندنا املاح في مية مصر؟

**micromoud** · 09-01-2015 03:31 PM

كلير كويس جدا بس مشكلته فعلا انه بيوقع الشعر... جرب هيد أند شولدرز نتايجه احسن.

**Maun00** · 09-01-2015 04:35 PM

المشاركة الأصلية كتبت بواسطة micromoud

كلير كويس جدا بس مشكلته فعلا انه بيوقع الشعر... جرب هيد أند شولدرز نتايجه احسن.

هشوف اية النظام
هو مينفعش استخدم كلير مرة اسبوعي و مية بقيت الايام

**NaderNabil** · 09-01-2015 05:11 PM

Selsun Blue كفائته أعلى من نيزورال و هيد اند شولدرز و كليرعن تجربة

أنصح به بشدة

**Maun00** · 09-01-2015 05:25 PM

المشاركة الأصلية كتبت بواسطة NaderNabil

Selsun Blue كفائته أعلى من نيزورال و هيد اند شولدرز و كليرعن تجربة

أنصح به بشدة

شكرا لردك

**battoot** · 09-01-2015 06:52 PM

بص يا باشا
شامبوهات القشرة تقريباً واحد
كلير كويس انا عن نفسي بستخدمه
بس انا شعري تقيل :p
الفكرة في طريقة الاستخدام
جرب الطريقة دي وقولي رأيك
هات فرشاة شعر بس مش اللي بسن بلاستيك لا اللي فيها زي شعر كتير كده
ووزع الشامبو على شعرك بأيدك , بعدين ادعك كل حتة في راسك بالفرشاة
القشرة هتروح مع اول استخدام !

**Maun00** · 09-01-2015 07:29 PM

المشاركة الأصلية كتبت بواسطة battoot

بص يا باشا
شامبوهات القشرة تقريباً واحد
كلير كويس انا عن نفسي بستخدمه
بس انا شعري تقيل :p
الفكرة في طريقة الاستخدام
جرب الطريقة دي وقولي رأيك
هات فرشاة شعر بس مش اللي بسن بلاستيك لا اللي فيها زي شعر كتير كده
ووزع الشامبو على شعرك بأيدك , بعدين ادعك كل حتة في راسك بالفرشاة
القشرة هتروح مع اول استخدام !

القشرة فعلا راحت
هي كانت المشكلة اني بستهبل يعني اهملت اقوم حاطط الشامبو و ادعك الي قدام والي ورا بس و اهملت النص قطلع فيها قشرة
بس طريقتك حلوة والله هجربها مع شعري الطويل بكرة و اقولك بيوصل للفروة ولا لا

الموضوع: القشرة و شامبو كلير

LinkBack

أدوات الموضوع

عرض

-

-

-

-

-

-

-

-

المواضيع المتشابهه

القشرة ثم القشرة فالقشرة

شامبو الشعر فى عسيل العربيه

شامبو 2 فى 1 لغسيل العربيه و أردم الباقى

شامبو غسيل السيارت

الكلمات الدلالية لهذا الموضوع

المفضلات

المفضلات

ضوابط المشاركة