الموضوع: شوية اسئلة قبل قرار الشرا

المشاركة الأصلية كتبت بواسطة mmonieb

مساء الخير
انا متابع الجروب من فترة بس لسة عامل sign in دلوقتى
انا ان شاء الله ناوى انزل اشترى لوجان الفئة التالتة الاسبوع اللى جاى بس عندى شوية اسئلة محتاج ان الملاك و الخبراء هنا يردوا عليا

• هل قرار الشرا دلوقتى صح خصوصا ان الاوتوماتك نازل خلاص

مش هتفرق كتير لان الاتوماتيك اكيد هيبقي في فرق كبير عن المانيوال في السعر

• لما الاوتوماتك ينزل, المانيوال هيبقى الفئة الاولى و التانية بس و من التالتة للخامسة هيكون الاوتوماتك (زى ما الناس هنا او على ال facebook بتتكلم) هل بالشكل ده الresell بتاع الفئة التالتة المانيوال هيكون صعب او وحش

مفيش الكلام ده الاوتوماتيك اكيد هياخد من الفئة الخامسه فقط لا غير يعني هتبقي العربية مجهزة فول اوبشن اتوماتيك وسعرها لن يقل عن 110 الف يعني هيبقي في فرق بتاع 18 الف عن المانيوال الفئة التالته

• اية مدى اعتمادية اللوجان, ياعنى اقدر و انا متطمن اطلع دهب او سفاجا ولا بلاش

العربية حمارة شغل وبتاعت سفر ومريحة كمان مش متعبه

• انا طريقى يوميا من مدينة نصر للقرية الذكية هل هتتعبنى العربية فى الزحمة خصوصا ان ناس كتير بتتكلم ان العربيات الاوربى فيها مشكلة السخونة

انا رايح جاي بيها يوميا من 6 اكتوبر لمدينة نصر 110 كيلو ومفيش اي مشكله الحمد لله

• انا مش مرتاح اوى الحقيقة من علو العربية عن الارض خصوصا من ورا يا ريت اللى جربها يقولنا ايى نظام ال stability معاه (و العربية مليانة او و هو لوحده بيبدا يحس امتى او على انهى سرعة انها مش stable)

الثبات في العربية جميل لان فيها عمود اتزان امامي ودنجل خلفي بيعوضوا ارتفاع العربية وبيديها ثبات مقبول جدا علي الطريق انا مشيت بيها 175 وباخد بيها ملفات ضيقه علي 70 و 80 ومفيش اي مشكله الحمد لله

انا عارف ان اسئلتى كتيرة بس دى اول مرة اشترى زيرو و لسا هاقسط ف مش عايز حاجة تزعلنى
اخيرا ايه افضل مكان اشترى منه يكون مضمون و اقل اوفر برايس

الليثي والطارق وسمير ريان

في عرض في الليثي بيديك الفئة الخامسه من غير اوفر برايس بسعر 97500 جنيه الحق اتصل بيهم علشان تقريبا العرض ده هينتهي الاسبوع ده

العربية تعتبر من العربيات اللي بتحس ان الفلوس اللي اتدفعت فيها تستحقها