بفكر انا و صحابى نفتح كافيتريا
فكرت انا و اتنين معايا نفتح مشروع يزود دخلنا بما اننا احنا التلاته شباب و هنتجوز قريب و بعد الجواز الطموح بتقل كتير لدرجه انها ممكن تتمحى
ظروفنا احنا التلاته ان كل واحد فى شغله و كل واحد بيقعد على كافيتريا يوميا حوالى 3 ساعات فقررت انا انى افاتحهم فى بدل ضياع الوقت فى الكافيهات اننا نعمل كافيه لنفسنا و بدل مانقعد برة نقعد فيه و منه مصدر رزق و منه بدل ما نضيع وقت نباشر الشغل
لكن فيه خفايا لكل مهنه و لو متحسبتش صح لاقدر الله ممكن تخسر مع العلم ان الكافيهات بسم الله ماشاء الله شغاله كويس بس لو محل تمليك لكن احنا ناويين نأجر المحل
عندى شوية استفسارات و اقتراحات حضراتكم ممكن تشاركونى فيها
كل واحد فى البدايه هيدفع 5 الاف جنيه يعنى 15 الف
فى اسكندرية ايجار المحل لو ب10 الاف ترشحوا فين المكان و مساحة المحل ؟
و هيكون متشطب و لا لا ؟
المحل لو مفيهوش ترخيص كافيتريا يترخص بكام و المدة ؟
الصنايعى فى اليوم اجرته بكام ؟ و ازاى تضمن انه مش بيسرق ؟
و لو حد عنده خبرة او فكرة بالله عليكم يقولها