رسالة Low Battery

**airfox** · 11-01-2015 10:47 AM

امبارح و انا ماشي باليل طلعت رسالة Low Battery
مع صوت صفاره مزعج مع العلم ان البطارية لسه جديدة المهم كلمت طارق و معتز قالولي ده كاتوت دينامو و كشفت علي البطارية لقيت الدينامو بيشحن المهم قولت اضرب المشوار باليل و انجز بدل مع العربي تبهدلني و فعلا غيرته في 10 دقايق و سعره كان 700 :( قدر الله و ماشاء فعل المهم انا حبيت ابلغ علشان الناس لو واهت نفس المشكلة هي كان اتقلي ان ممكن تمشي عليها عادي يوم او اثنين بس انا خفت في الجو ده تبات و البطارية تموت

**hi_nmr** · 11-01-2015 10:59 AM

احييك لحرصك علي نقل تجربتك للاخوه في المنتدي

**ahmed9adel** · 11-01-2015 12:15 PM

شكرا يا باشا على المعلومة. أنا العيب ده بقالو عندى أكتر من ٣ شهور و مكسل أصلحه علشان الرسالة كانت بتروح لوحدها لما أبطل و أرجع أدور تانى. كنت فاكر إن التصليح هيتكلف أقل من كدة. فى ناس كانت قالتلى إن العيب بسبب فيوزات البطارية و تغييرها سهل و رخيص.

**airfox** · 11-01-2015 01:17 PM

الله يكرمكوا يا جماعة المنتدي ده الصراحة ليه افضال علي الواحد والصح ان الواحد ينقل تجربيته علشان اي حد يواجه مشكلة علي الاقل هيكون قراء عنها فالصدمة هتقل شوية :) و كفاية ان الواحد ياخد دعوه جميلة و كلمة شكر :)