الالوان المتاحة للقشقاى الجديدة

**ramykimo** · 12-01-2015 08:02 PM

الالوان المتاحة للقشقاى الجديدة ايه هيا و ايه اجملهم؟

**marwanragab** · 12-01-2015 11:27 PM

ابيض وأزرق ونبيتي و اسود وبرونزي اللي هوا بيسموه موكا وفراني وسلفر و أحسن لون دة مسألة ذوقية انا مثلا حاجز ابيض وشوفت الازرق جمييل اوي والبرونزي صوره جامدة علي النت فا انت وزوقك ياباشا ولازم تشوفها علي الحقيقة عشان بتفرق جامد

**Omar_4ever** · 13-01-2015 12:10 AM

النبيتي حلو ، درجته مختلفة عن الشكل القديم واللون الموكا برضه حلو ، الأبيض تلاجة مش لؤلؤي

**ramykimo** · 13-01-2015 08:27 AM

مروان انت حجزت فين؟ هل كل الالوان متاحة اشوفها ؟

**marwanragab** · 13-01-2015 10:16 AM

المشاركة الأصلية كتبت بواسطة ramykimo

مروان انت حجزت فين؟ هل كل الالوان متاحة اشوفها ؟

انا حجزت في اوتو ايجيبت من شهر 12 بس منصحكش بصراحة لأن توكيل نيسان دة ممل لو عايز تجيبها هاتها من برة وشوف اقل اوفر برايس سمير ريان عندة الفئة الاولي ابيض والفئة التانية نبيتي لسة كنت شايفهم الاسبوع اللي فات وسمعت هنا ان المصرية اوفر 15000 واباظة 16500 لو عايزها هاتها ومتستناش التوكيل لو حاسس انها مش مستاهلة هات اي حاجة تانية الماني ولا حاجة بس في فئة الاوفر كروس متركبش الا قاشقاي لو هتجيب سيدان ادخل في الالماني انا عمري ما شوفت توكيل بينزل عربية جديدة يعملها حجز 6 شهور وطبعا مش بتكون 6 شهور بتروح ل 8 شهور مثلا و لسه اصلا محدش عارف عربيته ولا ليها دعاية ولا حاجة وتروح اي مكان برة تشتريها تلاقيه بيقنعك ب سبورتاج او ix35 توكيل اهبل

**ramykimo** · 13-01-2015 03:11 PM

كلامك صح ..ةالفكرة انى مش مستعجل على الاستلام يعنى ماشى احال بالتيدا دلوقتى.. انا روحت اوتو ايجيبت النهارده و قالى اللاستلام فى شهر 10 !! هجبنى الهاى لاين موكا.. تفتكر الفرق بين الفئتين يستاهل 20 الف؟

**marwanragab** · 13-01-2015 03:58 PM

المشاركة الأصلية كتبت بواسطة ramykimo

كلامك صح ..ةالفكرة انى مش مستعجل على الاستلام يعنى ماشى احال بالتيدا دلوقتى.. انا روحت اوتو ايجيبت النهارده و قالى اللاستلام فى شهر 10 !! هجبنى الهاى لاين موكا.. تفتكر الفرق بين الفئتين يستاهل 20 الف؟

الفرق فى اربعة ايرباج و مراية تعتيم وسنسور مطر وجنط 19 وكراسى جلد وسخانات فى الكراسى طبعا الكماليات دى تستاهل الفرق بس انت واحتياجاتك يعنى جايز انت مش محتاج الكلام دة انا شايف ان العربية من غير الجنط السبور شكلها مش حلو زى الجنط وهوا فيها بس برضة الجنط دة ليه عيوبه عموما انت احسبها على حسب فلوسك واحتياجاتك بس الهاى لاين تستاهل الكماليات الزيادة كقيمة الكماليات دى بس عايز اقولك هتزهق من الأنتظار لأن انا جربت واحد صاحبى رايح يستلم جوك اللى هيا موجودة فى السوق كله وهما فضلوا يديلوا مواعيد كتييير فا زهق وجابها من برة

**kamilioooo** · 13-01-2015 04:19 PM

ده اللون اللي اختارتوا

**ramykimo** · 13-01-2015 05:05 PM

المشاركة الأصلية كتبت بواسطة kamilioooo

ده اللون اللي اختارتوا

بجد الف مليون مبروك ..دا نفس اللون اللى عاجبنى ( البرونزى) جبت منين ؟ و ممكن اشوف زيها فى العرض فين؟

**kamilioooo** · 13-01-2015 05:21 PM

المشاركة الأصلية كتبت بواسطة ramykimo

بجد الف مليون مبروك ..دا نفس اللون اللى عاجبنى ( البرونزى) جبت منين ؟ و ممكن اشوف زيها فى العرض فين؟

الله يبارك فيك ربنا يكرمك ....علي فكره ده اللون الفيراني مش البرونزي... انا جبتها من أباظه اللي في الداون تاون التجمع .... لما روحت اتعاقد عليها كان في واحده نفس اللون واقفه بس كانت متباعه مش عارف هتلاقيها موجوده ولا لأ