السلام عليكم ورحمة الله

اولا
احب اوجه شكري للاخوة الخبراء العباقرة هنا في قسم الفليشيا
اللي بفضلهم بعد فضل ربنا ارشدوني لفليشيا الجميلة
انا جديد في موضوع السيارات وكنت تايه مش عارف اجيب ايه بالمبلغ الصغير اللي معايا وفي نفس الوقت كان نفسي اركب حاجة انسيابية مش كشك ولا تلاجة زي ال 128 اللي كانت عندي وبعتها بعد شهور (:
والحمد لله لقيت ده في الفليشيا والحمد لله .
ثانيا
ليا استفسار مهم ضروري جداااا وارجو الرد في اسرع وقت ارجوكم
انا من الجيزة
وكنت عند اقاربي في محافظة البحيرة وللاسف العربية بطلت مني بعد ما كلت مطب بسيط الحمد لله قدر الله وما شاء فعل
سحبتها لميكانيكي طلع ان الاسبراتير فيه قفلة واشتغل ومشيت 100 متر وباظ تاني
والعربية مركونة عند الميكانيكي في البحيرة وانا خايف عليها وانا جاي مواصلات عشان اجيبلها الاسبراتير زي ما هو قال
السؤال بقي...
هو قالي اجيبلها اسبراتير عادي مش الكتروني عشان بيتصلح بسهولة
عاوز اعرف ايه الفرق بينهم ?
وايهم افضل ?
وكل واحد منهم بكام( وده مهم جدا ليا من حيث الناحية الماديه) ?
وكمان هو قالي ممكن اجيب اسبراتير بتاع بيجو 504 عادي افضل وارخص
الكلام ده صحيح ولا اعمل ايه ?
ارجوكم عاوز الرد سريع عشان الحق اشتريه بكرة او بعده بالكثير ودي لوحدها قصة تانية وموال
والحق اسافر اركبه قبل يوم الخميس .
جزاكم الله خيرا جميعا