من الآخر
https://www.youtube.com/watch?v=ePxKbPPj97Y
عرض للطباعة
الحرب اللى على إسلام بحيري دلوقت ليه ؟؟؟
طب فى شهر رمضان لما عمل نفس الطريقة بتاعت الفيديو .... الدنيا ولعت
انا ما بقتش فاهم بجد
الدين بقي حكر علي مجموعة من الشيوخ واغلبهم فكرهم متطرف هما اللي من حقهم يفسروا ويجتهدوا
لكن اسلام البحيري لما يجتهد ويفسر واغلب مجهوده في علم الحديث لازم يبقي كافر
بس كويس ان الدولة بترعي مشروع تجديد الخطاب الديني في الفترة دي
اسلام بحيرى بقى مجتهد ومفسر؟؟؟!!!!
لا تعليق
الدين مش حكر على شيخ
لكن اولا واخيرا لازم يبقى (شيخ)
ما اجيبش مبيض محاره يناقش الدين على اعتبار ان الدين مش حكر على حد !
توضيح بس لحضرتك، انا ما اقدرش احكم على مسلم انه هايدخل الجتة او النار مهما كان عاصي لأنه ممكن يتوب في آخر لحظة من غير ما حد يعرف، إنما المسيحي واليهودي داخل النار داخل لأنها مسألة متعلقة بالعقيدة (إن الله لا يغفر أن يشرك به ويغفر ما دون ذلك لمن يشاء) (لقد كفر الذين قالوا إن الله هو المسيح ابن مريم) (لقد كفر الذين قالوا إن الله ثالث ثلاثة)
دي آيات من القرآن مافيش بعدها نقاش
iهو ايه كمية الهري والكلام العجيب ه
يا أخواني دي امراض في القلوب واللي مش عاجبه هو حر
الكلام في الدين ليس حكرا على احد ولكن بالدليل واللي معاه دليل اقوى يبقى حجته اقوى
اجيب مبيض محارة اجيب اي حد مادام مسلم وبيقولي ده حلال وده حرام علشان المولى عزو وجل قال كذا .... او النبي صلى الله عليه وسلم قال كذا او الصحابة او التابعين قالو كذا .... وانا تحققت من الكلام وتأكدت منه ده لو انا بدور على الحق فين يبقى خلصت
احنا مش دين كهنوت هو اللي هيحللي ويحرملي بدون دليل وبدون نقاش
لو اي حد قالي ده حلال او ده حرام ايوه اين الدليل جاب الدليل وتأكدت منه يبقى خلصت .....
اللهم ارحمنا واهدنا لما تحب وترضى
طيب
عرفت منين ان دليل ده او ده اقوى ؟
عرفت منين ان اللي بتسمعله فاهم لغه عربيه فهيعرف يفسر
او اخذ بالطريق الصحيح فهيعرف ينقللك اراء العلماء صح ومش هيألف ؟؟
انت نفسك هتتأكد ازاي مع نفسك اذا ماكنتش دارس ؟؟
الاسلام مش دين كهنوت, صح 100%
لأن مافيش شيخ محتكر
حضرتك نسيت القاعده الاهم طالما عايز ادله
( فَاسْأَلُواْ أَهْلَ الذِّكْرِ إِن كُنتُمْ لاَ تَعْلَمُونَ)
هو في ايه في القرآن بتقول اي حد معدي يدلي بدلوه ؟؟
وماله
تفكر وتدبر وربنا يعينك ويرفع درجاتك
لكن التفكير بيني وبين نفسي حاجه
لو وصلت بيها لطريق غلط هتضرني انا لوحدي
واني اطلع اكلم الناس بأفكاري وانا مش دارس حتى ابسط انواع العلوم الشرعيه ده كلام تاني خالص
مافيش حاجه اسمها سرد رأي
ممكن الكلام الغلط اللي انت مستهين بيه ده يكون سبب في ضلال ناس دماغها على قدها
أومال ليه كل المطالبات بتكون ان الأئمه او الخطّاب يكونوا خريجين ازهر ومتعينين في الأوقاف ؟!
هناك من يرد على اسلام ويجتهد فى كشف افتراءه وعلى سبيل المثال هذا الفيديو وهناك فيديوهات كثيره للرد عليه
ولكن قبل الحكم يجب ان نرى وجهه نظر الاثنين اسلام البحير ... ومعاذ عليان ومحمود قاعود
https://www.youtube.com/watch?v=g3F59MStR4k
الجماعة اللي معترضين على الفيديو أتحداهم انهم سمعوه أصلا
ده راجل متصدر للكلام في دين الإسلام ونقد العلماء والمشايخ والأئمة فلازم يتعرض للنقد هو كمان ولا هو حلال ليه النقد وحرام على غيره ؟!
بلاش أسلوب الترهيب ده
وأيوة الدين حكر على المشايخ
زي ما الطب حكر على الأطباء
والهندسة حكر على المهندسين
والتعليم حكر على المدرسين
ولا هو الدين أي حد ملوش أي لازمة من حقه يتكلم فيه ويضلل الناس ولو واحد مش متخصص في الطب مثلا تصدر للطب الدنيا تقوم وتقعد ؟! اشمعنى الدين مطية لكل جاهل ومتعالم وباقي العلوم الدنيوية للمتخصصين بس ؟!
لو حد منكم فكر يشوف الفيديو ده بحيادية وتجرد هيتيقن من إنه إنسان جاهل ليس له أي علاقة بالعلم الشرعي لدرجة إنه مبيعرفش أصلا يقرأ القرآن صح ! فضلا عن كمية التناقضات والجهل اللي بيقع فيهم بس اللي زي ده بيستغل جهل معظم الناس ويلبس عليهم الأمور والناس لجهلها بتنبهر فاكرين إنه على شيء وفي الحقيقة هو خاوٍ على عروشه
وعلى فكرة اللي عامل الفيديو لم يدعي إنه عالم ولا عمل حاجة أصلا غير إنه جاب فيديوهات لإسلام بحيري من كلامه كفيلة إنها تحكم عليه بنفسها من غير أي توضيح !
انا مشفتش الفديو بصراحة بس سمعت اسلام البحيري دا قبل كدا (اظن قناة القاهرة والناس او صدى البلد بالصدفة لاني مش بتفرج اساسا) كلامو فيه الي دخل دماغي و في الي مدخلش
وبالنسبة للدين حكر زي الطب والله ياسيد الكل انت معروف في عرف الأطباء ان مفيش واحد يقرأ كتابين و يقول رأيو في الطب (وممكن مش طبيب بس بيحط فروض و دا حقو يعمل تجارب وكدا وممكن كلام صح)
اما الدين فانت حسب الدين بتقول الشهادة و بكدا انتميت للدين
الناس الجاهلة بقى الي هيسمعو كلام واحد جاهل فدا جهل منهم الراجل قال كذا كذا الي مقتنع يمشي وراه والي مش مقتنع ميمشيش و ربنا يحاسبهم على جهلهم
وأيوة الدين حكر على المشايخ
وعلى فكرة اللي عامل الفيديو لم يدعي إنه عالم
:Copy of majd(4):
في الكلية .. درست مادة اسمها اصول الفقه
كان فيها جزء من الدراسة عن " الاجتهاد " ... ازاي تكون مجتهد
ازاي تبحث في الادلة الشرعية وتفسر وتستبط وتقدر تحكم ان ده صح وده غلط
تقدر تقول ان ده تطرف او ده تساهل
تقدر تقيس وتستنبط وتحلل .... الخ
اللي فاكره كويس جدااااا من الدراسة دي ان اهل العلم حددوا 15 شرط لكي يصبح العالم او الباحث مجتهدا ويقبل اجتهاده
مش فاكرهم كلهم لكن اللي فاكره منهم هو ان يكون عالما بكتاب الله والناسخ والمنسوخ والتفسير وعالما بالحديث الشريف وعالما بالاجماع وعالما بالقياس وعالما باصول الفقه وعالما بقواعد النحو الصرف واللغة العربية عامة وعالما باحوال الناس واعرافهم
من غيره ما نغلط في اسلام بحيري واللي زيه
ببسااااااااااطه كده ... كل من يؤيد الراجل ده او بيسمع له من باب :
ياخد فكرة
تقبل الاخر
كرها في من اسماهم بالشيوخ (المتطرفين)
تجديد الخطاب الديني
او حتي من باب الاستسهال
ايه مقومات هذا الشخص عشان يفسر ويجتهد
بيقول انه باحث في الشئون الاسلامية
ووصل الفجر ببعض الاعلاميين انهم بتقدموه بصفته (الداعية) اسلام بحيري
وهو من باب دس السم في العسل
فالاول كان مجرد اعلامي ، بعد شوية اصبح باحث او مفكر او اي هبل ودلوقتي دااااااااعية
الحكاية كووووووووولها انها فرصتهم .. مش اكتر
اسلام بحيري من ناحية وابراهيم عيسي بيطعن في الصحابة وخالد صلاح بيطالب بتغيير مناهج الازهر لان بعض الكتب فكرها متطرف وتحض علي العنف
عاوز تسمع لهم ... براحتك
عاوز تاخد الدين من اشخاص ثقات ... براحتك
بس خلي بالك .. ده دين ..
وتأكد ان تجديد الخطاب الديني حاجة ، والهجوم علي الثوابت وسب الصحابة والطعن في اصول الشرع حاجة تانية
اللي زي البحيري ده والله بدون مبالغه بيفكرني بلقطه من فيلم (معلش احنا بنتبهدل)
اما كان القرموطي بيترجم جواب مكتوب بالانجليزي على كيفه :d
ياسيد الكل انا مقصدكاش انت
انا قصدت انت اسلام مثلا اقنعك في حتة ما بحاجة عادي لو اتبعتو و في حتة تانية مش عاجبك فمتتبعهوش
بس فرق بين كلامي دا و بين حالنا الفعلي الي هو في ناس بتعمل اية تشوف الشيخ ياشيخ متعرفش تحللنا الحتة دي او تدور في الحديث عن حاجة تسهل و بنقنع نفسنا بكدا انها صح
انا شايف ان كل واحد يعمل الي هو شايفو صح و هو الي هيتعاقب عليه و يقول للناس رأيو و يناقشهم بس ميقولش الدين قال كدا يكلم عن نفسو و يقول ان دا رأي شخصي
(( ما يلفظ من قول إلا لديه رقيب عتيد ))
فى حساب فى الاخرة لكل من يشكك فى الاحاديث والامور الدينية
طالعت فيديو الموضوع .. فيديو قوي .. و اراه قد اطلق رصاصة الرحمة على البحيري ! .. رفضي للبحيري ليس لأفكاره و محتوى كلماته فحسب .. بل على طريقة الالقاء و لغة جسده و اشارات يده .. التي تستدعي الى ذهنك جلسات المقاهي و المصاطب ! .. بدلا من استحضاره قليل من خشوع عند تلاوة آيات الله او ذكر لأنبيائه .. اراهم يطالعوننا بجلباب (التنوير) .. و هو في الاصل منه جلباب تمييع .. يقصد منه تحويل الدين من منارة قوية .. تظهر الحق و تمحق الباطل .. الى مسخ هلامي .. يشكله كل عابر على هواه ! .. لا اعني ان ندين او نضيق على كل مجتهد غيور باحث عن حق .. و لكن اعنى ان نفضح كل متسلل .. يحاول التخفي و التستر في صفوف المجتهدين .
بدون ما ادخل فى نقاش او جدال
الى شايف انه ممكن ياخد دينه من واحد زى المسخ دا,,لما يقف فى يوم الحساب هيقول لربنا اخدت دينى من اسلام البحيرى و سبت صحيح البخارى و مسلم !
سبحان الله، البخاري حارق بعض الناس أوي عشان من غير الأحاديث الصحيحة كان زمانهم طايحين في دين ربنا يمين وشمال.
اللهم ارض عن صحابة النبي الكرام وعن البخاري ومسلم وأبي حنيفة وسائر علماء المسلمين بما أناروا لنا طريق الحق والهدي وبما أخزوا كل مبتدع وضال وجاهل...
كنت لفترة معتقدة إن إسلام البحيري بيقدم الدين بمفهوم أصح وأقرب للحقيقة من الحويني على سبيل المثال
لكن إتضح إن الحويني بيقدم مفهوم أصح وأصدق عن الدين
سؤال ... هما شيوخ المنصر اللى عندنا دول شيوخ؟؟؟
ارجو من اللي جاهل بدينه وفاكر نفسه بيفهم كل حاجة ما يتكلمش احسن الاخ اللي اسمه اسلام اليجيري دراسته اساسا مش في الدين دراسته في دراسة الوثائق و ماشي بطريقة ولا تقربوا الصلاة فأي بيه يتكلم من بجهل عن الدين هأقوله روح أدرس في دينك احسن وبعدين رد تعرف ايه انت عن العقيدة أو الفقه أو التوحيد وأقسامهم وتعرف ايه الفرق في الدين بين الأصول والفروع