كيا سول ٢٠١٥

**Noda123** · 20-01-2015 04:47 AM

المشاركة الأصلية كتبت بواسطة medo_sirion

انا الحمدالله استلم وان شاء الله هحاول اعمل تقرير عنها
بس الحمدالله وانا بستلم لقيت بلونه طلعه في فرده فطبعا رفضت الاستلام
فقلولي نغيرلك الفرده قلتلهم لا انا اروح اغيرها واجيبلكم الفاتوره فاوافقوا واستلامتها
هي فءه 170 وكيل ابيض سقف احمر واللون الابيض ملفت جدا بسبب انه مبين الاسود الي فيها ومكبر العربيه ده غير الاحمر الي في السقف والمرايات والجنوط
الحمدالله العربيه مجرلهاش حاجه انهرده الناس ماشيه ورايا بتتفرج ربنا يستر ويحميها من عيوني وعيوون الناس هههههه
المهم بكلم الوكيل عن الفرده قالي بطل يبيع كاوتش وادانى نمره وكيل نيكسن الي هي ماركه الكاوتش كلمتهم لحد دلوقتي مرضوش وربنا يستر وتكون عندهم
ليييييييه بقي ؟؟!!
علشان السول القديمه الي معايا كانت جنط 18 بس 225/45
السول الجديده مكتفوش انهم يغيروا العربيه من الشكل والعفشه والماتور والمكنه
لا ده غيروا مقاس الكاوتش من 225 الي 235 /45 18
وطبعا مقاس مش منتشر وربنا يستر والوكيل يجبهولي
وحاجه كده للي خايف من العربيه
احب اقله من مالك سابق للسول الشكل القديم ونفس الفءه ونفس الجنوط
اتكل علي الله وهتكسب فعلا عربيه راءعه بمعني الكلمه وحلوا كل العيوب الي في الشكل القديم
واي استفسار انا معاكوا وتحت امركم

الف مبروح ياباشا ربنا يعطيك خيرها ويكفيك شرها ياريت تقولى جبتها من معرض ايه وهل موجود عنده الى فيها بانورما انا برضه ناوى على اللون الابيض لان الكريمى لو اتخدش صعب علاجه
وانا كمان عاوز رايك لان محتار بينها وبين الكارينز الفئة الى بفتحة سقف خليجى ب 185

**medo_sirion** · 20-01-2015 05:21 AM

انا جبتها من معرض اسمه القاضي ليييه لانه زي مابقولك تسليم فوري وخصم ١٠٠٠ ج عن الوكيل في الكاش
بنسبه للمقارنه اولا ديه فءه وديه فءه تانيه خالص مينفعش تقرني مابنهم
طيب اعرف ازاي سول ولا كارينز
علي حسب احتياجك بمعني الكارينز عاءليه اكتر و٧ راكب بس يعبها انها واطيه واي مطب هتحك منك
عكس السول عاليه عن الارض وشكلها احلي واشيك من الكارينز
والاتنين نفس الماتور ونفس الفتيس
انما السواقه في السول امتع من الكارينز تحسي واكبه جيب او بمعني انك شايفه الناس والعربيات وانتي كشفاهم من فوق لانك راكبه عربيه عاليه
شوف الاحتياجات ايه ومن خلالها قرري بس من راءي لا غني عن السول

**medo_sirion** · 20-01-2015 05:24 AM

ولو عاوز اسالك علي الفءه الي ١٨٠ الف الي فيها البانوراما مافيش مشكله
حضرتك حابب لو ابيض سقف بانوراما صح

**salama2006** · 02-02-2015 02:47 PM

كنت عايز اعرف استهلاك البنزين فى موديل 2015 اخبارة اية علشان كان فى ناس بتقول ان الموديل القديم كان بسحب بنزين جامد

**medo_sirion** · 02-02-2015 07:14 PM

المشاركة الأصلية كتبت بواسطة salama2006

كنت عايز اعرف استهلاك البنزين فى موديل 2015 اخبارة اية علشان كان فى ناس بتقول ان الموديل القديم كان بسحب بنزين جامد

فعلا الموديل القديم كان بيسحب بنزين بطريقه صعبه

دلوقتي في الموديل الجديد غيروا الماتور والفتيس بفتيس 6 نقلات بيريح وبيقلل من استهلاك البنزين
غير ان اضافوا نظام الايكو الي بيقلل استهلاك البنزين
فمتقلقش العربيه اختلفت تماما عن الشكل القديم

**medo_sirion** · 13-02-2015 10:12 AM

المشاركة الأصلية كتبت بواسطة emz87

السلام عليكم
دي اول مشاركة ليا مع اني متابع نايل موتورز من اكتر من سنة

ان شاء الله هستلم السول 2015 بعد الجمعة

جبت الفئة ex full option

اي نصائح عند الاستلام
جبتها اللون الاحمر

شفت النهاردة الابيض ندمت اني مجبتوش

الحمد لله على كل حال

انا معايا الابيض في الاحمر ههههههه تعالي نبدل لما تزهق
المهم افتح الطابلوه واتكد من كتالوج السياره والضمان
وبعد كده تفتح الشنطه تشيل الفرش وتشيك علي الاستبن والعده
وبعد كده وديه اهم حاجه تشيك علي 4 فرد كويس جدا وميكونش فيها بلالين
وبعد كده تبص علي الصاج كويس واتحد مافيش حكات ولا خبطات والاهم تتاكد من عداد العربيه
لقتها ماشيه اكتر من 200 ك متستلمهاش
واول ماتطلع بيها اطلع حت بنزين وصفر العداد وضبط العجل علي 33 مكتوب كده علي قايم الباب
وربنا يباركلك فيها ولو احتجت حاجه انا تحت امرك

-

الموضوع: كيا سول ٢٠١٥

LinkBack

أدوات الموضوع

عرض

-

-

-

-

المواضيع المتشابهه

ايهم افضل نيسان قاشقاى ٢٠١٥ ام كيا اسبورتاج ٢٠١٥ ام هيونداى اى اكس ٣٥ ٢٠١٥

محتاررررررررر سيراتو اعلى فئة ٢٠١٥ ولا فلوانس اعلي فئة ٢٠١٥

محتاررررررررر سيراتو اعلى فئة ٢٠١٥ ولا فلوانس اعلي فئة ٢٠١٥

يا رجالة سيراتو اعلى فئة ٢٠١٥ ولا شارك اعلي فئة ٢٠١٥

يا شباب يا رجالة سيراتو اعلى فئة ٢٠١٥ ولا شارك اعلي فئة ٢٠١٥

الكلمات الدلالية لهذا الموضوع

المفضلات

المفضلات

ضوابط المشاركة