من اكتر من سنه طرحت الموضوع للنقاش فى الموضوع ده
http://www.nilemotors.net/Nile/385072-a.html
وكانت اغلب الاراء مؤيده للموضوع مع بعض التحفظات وباشكال مختلفه حاليا الحكومه غالبا حتبدأ تطبق الموضوع قريبا حابب اعرف اراءكم فى الموضوع
عرض للطباعة
من اكتر من سنه طرحت الموضوع للنقاش فى الموضوع ده
http://www.nilemotors.net/Nile/385072-a.html
وكانت اغلب الاراء مؤيده للموضوع مع بعض التحفظات وباشكال مختلفه حاليا الحكومه غالبا حتبدأ تطبق الموضوع قريبا حابب اعرف اراءكم فى الموضوع
أنا مدخلتش على اللينك .
بس موضوع مجانية التعليم ده موضوع المفروض يستمر بل يتم زيادة ميزانية التعليم الى اكثر من ذلك
هديك مثال بسيط من سنوات كانوا اقترحوا انهم يلغوا موضوع مكتب التنسيق ويبقى دخول الكليات بالرغبات يعنى واحد جايب 50% وعاوز يدخل طب فيدخل عادى
خطورة الموضوع ده ان هتلاقى بلدنا طبعاً الواسطه فيها شىء أساسى فهتلاقى ابناء الممثلين وابناء الوزراء وابناء الطبقه العليا محتكرين طب وهندسه وصيدله رغم حصولهم على 50% ومعنى ذلك ان الغنى هيفضل طول عمره غنى هو وولاده واحفاده الى يوم الدين
وهتلاقى اللى جايب 50% ده تحصيله قليل جداً وهيفتح مخ مريض وميعرفش يقفله:)
طالما الشعب كله بيدفع ضرائب يبقى متحرمش حد من التعليم
المفروض من حقوق المواطنين تعليم مجانى - تأمين صحى على مستوى عالى مجانى وكذا حاجه مجانيه
بالنسبه بقى ان الدوله مش عارف تدير مواردها فده شىء يدل على قصور الوزراء فى اداء عملهم
الموضوع مش بالشكل ده الاقتراح اللى فى اللينك واللى تم مناقشته كان بيتلخص فى ان التعليم المجانى يبقى لحد الثانوى ثم مرحله الجامعه تكون بنظام المنح للمتفوقين فى الثانوى بتتراوح من منح كامله او دعم جزئي وبالتالى المتفوق ضامن انه يتعلم تعليم محترم بغض النظر عن مستواه واذا رسب او قل تقديره بتتلغى المنحه وباقى الطلبه خارج المنح يختار الكليه المناسبه لتوجهاته وبيكون طبعا فى اختبارات فى كل كليه لتقييم مستوى الطالب اللى حيدرس عندها واذا كانت توجهاته تتماشى مع اتجاه الكليه اللى اختارها
وبالتالى اللى جايب 50% بمجرد ميدخل الامتحان فى الكليه اللى هو متقدملها حيسقط طبعا ومش حيقدر يدخل الكليه وان دخل باي شكل ما فحيسقط ويقعد 20 سنه فى الكليه بس ساعتها حيقعد على حسابه مش على حساب الدوله
زى بالظبط اللى بيدخل الكليه دلوقتى ويبقى شغال بره واسمه بيدرس ويفضل يسقط ومش فارق معاه
ولو حصل الغاء مجانيه التعليم الجامعى حيتوفر فلوس كتير تساهم فى تطوير التعليم الاساسي والفنى علشان يقدم للمجتمع مجالات وظيفيه مطلوبه فى سوق العمل
اتمنى تشوف اللينك لان المناقشه كانت بتدور حول الموضوع من جوانب كتير وبالرغم من كده رأيك يحترم لان فعلا من حق كل مواطن تعليم مجانى "كأحد حقوقه" ولكن السؤال تعليم اساسي ولا جامعى ؟؟؟
تحياتى.
انا مؤيد بشدة لالغاء مجانية التعليم الجامعي لان وبمنتهي الصراحة مفيش تعليم حقيقي ومحترم في الجامعات الحكومية لكن بشرط يكون في ضمانات لتطوير مستواه لكن مش نلغي المجانية ونسيبه زي ما هوه والا يبقا كده تهريج
لا طبعا ممتلغيش اومال انا بدفع ضرايب لية
وبعدان الغنى عنده بدائل
انما الموظف ولا الى ساكن فى ايجار جديد يعمل اية
حسوا بالناس قبل ما تقرروا حاجة
بالنسبة لي كطبيب اسنان التعليم الجامعي لم يكن مجاني ابدا بالعكس صرفت الاف الجنيهات على الخامات والادوات الغير متوفرة في الكلية أو اللي بيعتبروها عهدة ومش بيطلعوها او على المرضي ...
ومعلش يعني مش علشان يخفضوا المصروفات في الميزانية يقوموا جايين باصين للتعليم والصحة والدعم وفي نفس الوقت يزودوا ميزانية الداخلية والجيش ...!!!
الكلام اللى تحته خط ده يحصل لو احنا فى اليابان ان اللى جايب 50% هيسقط فى الامتحان بالعكس ده هيقبل جداً لو معاه واسطه
ولنا فى امتحانات الطب الشفهيه أسوة سيئه:)
زى كلية الشرطه تلاقى اللواء ولاده كلهم شرطه واللى شغال فى بنك بيورث لابنائه رغم ان فيه اعلى من ابنائه بكتير
وكان فيه من فتره واحد خريج كلية اقتصاد وعلوم سياسيه انتحر لانه غير لائق اجتماعياً رغم ان كل الدكاتره اللى عنده فى الكليه كانوا بيشكروا فى تميزه بطريقه عاليه
انا مش بطالب بحاجه تانيه غير الغاء مجانية التعليم
بطالب بفرض ضرائب زياده على المتسربين من التعليم
لان دلوقتى فيه ناس كتير بتلاقى ان التوك توك احسن من التعليم تلاقيه مسرب عياله من التعليم ويجيب لابنه توكتوك نظير انه بيدخله شهريا 5000 الاف جنيه
ففى الاخر ده بيأثر بالسلب على المجتمع لان نسبة الاميه لما تزيد هتلاقى ان احنا هنفضل من دول العالم التالت لمئات السنين
يجب زيادة ميزانية التعليم والصحة والزراعة ،، مش السلاح والأمن ،، محتاج نتطرو ونواكب العصر مش نزود القمع ،، وأنا مع مجانية التعليم .
مؤيد جدا
اعرف ناس فاشلة بقالها في الكليات فوق ال9 سنين ....اهو الناس الفشلة دي الدولة بتصرف عليهم وهما ولا فدماغهم
مجانية التعليم مصيبة كبيرة ,,, بتساعد الفاشل انو يفشل اكتر ...وبتيجي علي المجتهد في تعليم تعبان
انا شايف ان لازم يطبق نظام المنح الكاملة للمتفوقين والمنح الجزأية للفئة الفوق المتوسطة ..دون ادنى ذلك يكون برسوم بسيطة
مع اهمية ووجوب .....ان اي حد يسقط في سنة يدفع رسوم كاملة ..تزيد لو سقط تاني وتزيد لو سقط تالت إلا ان يتم فصلة
انا في كلية حكومية فيها نظام بمصاريف بياخدوا من الطالب 20 الف في السنة
الغريب ان كل سنة عدد الطلاب في القسم ده بيزيد والمصاريف كمان بتزيد
في الفترة دي الكلية حصل فيها تجديدات وتغييرات جذرية وعاملين لها مخطط ل 2020 هتبقى حاجة تانية خالص
نفسي الناس تروح تجارة واداب ويشوفوا الناس اللي هناك اللي رايحين يعيشوا حياتهم ولا هاممهم تعليم ولا كلام من ده وبيسقطوا كل سنة
مهو الاقتراح اللى اتناقشنا فيه كان ان اللى حيتم توفيره يتم توجيهه لتطوير منظومه التعليم الاساسي والفنى وزياده اعداد المدارس وتطوير مستوى الجامعات على مراحل محدده وبخطه واضحه ومعلنه.
حضرتك بتدفع الضرايب مفترض علشان تلاقى عيشه كريمه من تعليم وصحه ومواصلات وخلافه ولكن احنا بنتكلم على تطوير بند موجود بالفعل لان حضرتك التعليم مجانى موجود بالفعل بس بيخرج منتج سئ جدا وغير متوافق مع متطلبات سوق العمل والطالب بيحس ان مفيش مسؤليه عليه لانه مهما سقط بيتعلم ب 80 جنيه الى 160 جنيه سنويا فالموضوع رفاهيه اكتر منه تعليم انما لما التعليم الاساسي والفنى يخرج انسان محترم متعلم صح اكيد حيكون افيد من طالب جامعى متخرج وغير مفيد اطلاقا
وكامل احترامى لرأى حضرتك .
يمكن يكون كلام حضرتك صح بس الفكره حضرتك صرفت مصروفات كتير علشان تقدر تتعلم لان الحكومه متقدرش توفر الحاجات دى ل1000 طالب فى كل دفعه بس لو النظام اتطبق اللى زى حضرتك الحكومه حتوفرله جميع احتياجاتهه لان ساعتها حيكون عدد الطلبه اقل بكتير فاللى داخل بمنحه كامله حيتوفرله الحاجات اللى حضرتك صرفت عليها مجانا بدون حمل زياده سواء على الدوله او الطالب
والاقتراح مش بيشمل ان اللى يتم توفيره يتصرف على حاجات تانيه غير التعليم انما المفروض يتوجه لتطوير التعليم الاساسى والفنى وبناء المدارس وتحسين التعليم الجامعى .
ايوه حضرتك بس اللى حيجيب 50% مش حياخد منحه تعليميه من الحكومه فحيتعلم على حسابه وبما انه جايب 50% فغالبا حيفضل فى الكليه مش حيتخرج منها ثم ان الامتحانات المفترض تكون بنظام محترم ميسمحش باي تجاوزات ولو حصلت تكون استثناء مش اساس لانها بالفعل موجوده حاليا فى كل المجالات والفساد مش حينتهى فى وقت قصير ولكن احنا بنحاول نلاقى طرق نحسن بيها الوضع الحالى
واقتراحك محترم جدا بخصوص فرض ضرائب على المتسربين ولكن برضه لازم التعليم الاساسي يتطور علشان يطلع الفئه دى فئه محترمه مفيده للمجتمع
الاقتراح مش الغاء مجانيه التعليم ولكن الغاء مجانيه التعليم الجامعى فيكون التعليم الاساسي افضل وكذا التعليم الفنى لتخريج دفعات متوافقه مع متطلبات سوق العمل
هو ده اللى بنتكلم فيه المتفوق اللى يستحق ان الحكومه تساعده علشان يتخرج يفيد البلد من حقه يتعلم تعليم محترم ومجانا انما اللى داخل يتسلى ويصاحب ويتدلع يتدلع بفلوسه .
تحياتى .
ليس الاختيار بين الابيض او الاسود هو القدر دوما .. فلست مع المجانية و لا مع التسعيرة ! .. ارى ان المساهمة المالية قد تكون ضرورية احيانا .. بالقدر الذي يرتقى بالتعليم .. الى تعليم حقيقي فعال .. دون قصد الربح منه .. و لن ينجح ذلك .. الا بضمانة و تحرك الدولة تشريعيا و تنفيذيا .. لتجريم و مطاردة الدرس الخصوصي و فاعليه .. المحسوبية و مدمنيها .. و اثابة كل معلم او استاذ مجتهد داخل سور المدرسة او الجامعة .. فاستقطاب جزء من مصروفات التعليم الموازي و ضخه في دولاب التعليم الرسمي .. سيعود بالفائدة على الجميع .. بتحسين المحتوى التعليمي .. و توفير وقت الطالب للتحصيل الحقيقي .. و رفع العبئ الجزئي عن اسر الطلاب .
يعيش مولانا و بطيخ مولانا
يا سلااااااااام لو فيه الة زمن و الواحد يرجع لورا سنتين و يسال نفس الناس نفس السؤال و يشوف الاجابات
هاهاهاهاهاهاهاااااااااااا ا
أؤيد مجانية التعليم حتى الثانوى و كذلك مجانية التعليم بعد الثانوى المرتبط بإحتياجات البلاد ( الفنى و الصناعى ) .
أما التعليم الجامعى (كليات القمة اللى بيقولوا عليها ) فلا يوجد فيها مجانية من الأصل لإن المناهج زبالة و متخلفة 50 سنة على الأقل و اللى عايز يتعلم صح لازم يطلع يكمل برة بالفلوس .
طبعا نتيجة مجانية التعليم الجامعى كلنا بنشوفها و نقرأ عنها من أطباء بهايم و مهندسين حمير مصايبهم فى الجرايد يوميا .
يبقى الأحسن من ده هو إلغاء المجانية و تطوير التعليم الجامعى مع إستمرار التنسيق يبقى نضمن اللى يدخل جامعة واحد متفوق مخه نضيف و يتصرف عليه صح - طبعا كل الناس حتقول فين المساواه و حقوق أبناء الفلاحين فى الحقول و الحطابين فى الجبال - الإجابة بسيطة عن طريق المنح للمتفوقين منهم . و فى النقطة الأخيرة دى بالذات أتمنى حد يقولى هل يقبل أن تلميذ فاشل متخلف فى قرية نائية عرف يغش و يجيب مجموع دخل بيه طب أو هندسة و النتيجة إما طبيب حمار يتسبب فى وفاة أرواح بجهله أو مهندس مرتشى حرامى وصل بالغش و التزوير .