السلام عليكم و رحمة الله و بركاتة
بصراحة يا جماعة انا اول مرة اشترك فى منتدى و جاتلى فكرة انى اى معلومة اجيبها عن العربية اللى عندى فيات 126 موديل 92 اقولها يمكن حد يستفيد منها
( مع العلم ان معلوماتى ضعيفة جدا جدا جدا ) بس يمكن تفيد حد..............
:k1:126:k1:126:k1:126:k1:126:k1:126:k1:
المعلومة دى و طبعا بعد التجربة عرفتها من تاجر عربيات كبير جدا و معلوماتو ملهاش حل فى المواتير و العربيات
المهم
الموضوع انى اول لما اشتريت العربية كانت ممتازة و اختها من صاحبها اولانى كانت فول تانك يعنى مليانا بنزين و مشيت بيها و رحت بيها اكتر من مشوار و كانت حلوة و كويسة جدا و سحبها مالوش حل بصراحة
المهم انا حطيت بنزين92 فبدئت العربية تتلخبط جدا جدا جدا و سحبها يقل و صوت الموتور يلخبط
و رحت لاكتر من ميكانيكى و غيرولى اكتر من مرة طقم الكبهرباء و المشكلة هيا هيا
و فى الااخر التاجر اللى قولتلكو علية فهمنى ان احسن بنزين للعربيات اللى زى كدا هو البنزين 90 و يستحسن ان الواحد يفوول مرة بنزين 80 على الاقل كل شهرين و دا عشان البنزين ال 92 حامى على الموتور ( دا بتعبير التاجر) و قالى كمان ان العربيات القديمة اللى هيا مش رشاشات يستحسن انها ماتستعملش بنزين اكتر من ال90 و انو صحى جدا للموتور القديم
معلش لو طولت عليكو بس يمكن المعلومة دى تفيد حد
و اكيد انشاء الله كل ما اعرف معلومة هقولها
دا لو انتو تحبو طبعا انما لو مش عايزين ياريت تقولو عشان اسكت :k37:
اقول بئا سلام عليكم
اخوكو ابو سيف
:k1:
المفضلات