الموضوع: خصم خاص علي لانسر شارك 2015

اخوانى اى ارقام تليفونات للشركه من فضلكم

المشاركة الأصلية كتبت بواسطة dramir1

ممكن مميزات الفئه الثالثة والرابعة.

المشاركة الأصلية كتبت بواسطة محمد سمير حسين

الناس اللي عاوزة تقرير عن العربية 2015 وبكل امانة قريته وعجبني قولت انقلهولكو
اولا جميع الشارك 2015 فى مصر بها هذة المواصفات قياسية موتور 1.6 مايفيك ,, 117 حصان صافى و 154 نيوتن / متر عزم صافى ,, فتيس 4 نقلات مزود بتكنولوجيا الانفكس iii وهى نظام للتناغم مع القيادة من حيث اقتصادية او رياضية او مريحة ,, عفشة مالتى لينك جميع السيارات مواصفات خليجية سعودية و يابانية الصنع و التجميع 100% .
الفئات و الاسعار (للوكيل دايموند موتورز) :-
---------------------------------------------------
1- الفئة الاولى :- تكيف بور سنتر و زجاج كهرباء و مرايات كهرباء و اشارات بالمرايات و كاسيت و سى دى و aux و 4 سماعات و واحد ايرباج للسائق و ايموبيليزر ( مانع تشغيل السيارة الا بالمفتاح الاصلى ) و فتح الشنطة من المفتاح و فتح التانك و الشنطة من داخل السيارة و كمبيوتر اعطال و رحلات لحساب متوسط السرعة و استهلاك البنزين و متوسط المسافة كمية البترول المتوفرة وكم مسافة متبقية حتى نهاية التانك و عداد حرارة الكترونى امكانية التحكم فى ارتفاع كرسى السائق .
----------------------------------------------------------------------------------------------
2 - الفئة الثانية :- تزيد عن الفئة الاولى باربعة جنوط اسبور و فرامل abs & ebd & abs و ايرباج للراكب الامامى .
----------------------------------------------------------------------------------------------
3 - الفئة الثالثة :- تزيد عن الفئة الثانية تكيف اوتوماتيكى و فوانيس شبورة و حليات كروم على المكيف و الشبك و الاكر الداخلية نيكل و ابانوس اسود على الطابلوة و جلد على الابواب و مساند يد امامية و خلفية و حوامل اكواب خلفية و كنبة خلفية قابلة للطى و 6 سماعات و مخرج usb ولكن بدون aux .
----------------------------------------------------------------------------------------------
4 - الفئة الرابعة :- تزيد عن الفئة الثالثة كاسيت تاتش و dvd لكن بدون بلوتوث و لا كاميرا خلفية ,, فتحة سقف و بصمة و تشغيل السيارة بدون مفتاح ( فرار تشغيل ) و طارة مالتى فانكشن و فتيس و طارة مكسوين بالجلد و اكر خارجية نيكل و سبويلر خلفى و شكمان كروم
----------------------------------------------------------------------------------------------
الاسعار لموديلات 2015 :-
--------------------------------
1 - الفئة الاولى :- 134000 جنية مصرى
2 - الفئة الثانية :- 143000 جنية مصرى
3 - الفئة الثالثة :- 156000 جنية مصرى
4 - الفئة الرابعة :- 168000 جنية مصرى
----------------------------------------------------------------------------------------------
المميزات :-
---------------
1- موتور قوى و تسارع ممتاز و بالذات بعد 100 كم/س العربية بتقلب طيارة
2- فتيس متناغم مع اداء السيارة و مريح السيارة
3- عفشة مالتى لينك و هى تنفرد بها عن جمبع المنافسين حتى الفئات الاعلى منها .
4- استهلاك بنزين ممتاز على الطرق السريعة من 6 الى 7 لتر لكل 100 كم
5- مكيف تلاجة ولا يوثر على العربية نهائيااا
6- صالون مريح جداا و يسع 5 افراد بكل راحة و كراسى مريحة جداا فى السفر
7- ثبات رائع و هى تنفرد بة ايضااا عن المنافسين
8- حاصلة على 5 نجوم فى اختبارات الامان و السلامة الاوروبية
9- فرامل قوية و ممتازة و مزودة بنظام ال engine brake assist و دة بيساعد الفرامل عند الضغط بقوة عليها بتوقف السيارة فوراا عن طريق تسقيط نقلات عند الضغط على دواسة الفرامل بقوة
10- العربية عالية جداا عن الارض و عمرها ما بتحك فى المطبات
11- تانك بنزين كبير بسعة 59 لتر و هو يساعد على السفر لمسافات طويلة على الطرق السريعة دون الحاجة للتزود بالوقود
12 - نصف قطر الدوران و يعتبر اقل نصف قطر دوران عن المنافسين و هو 5.0 و هو يجعل المناورات بالسيارة و القيادة فى الاماكن الضيقة من اسهل ما يمكن
13 - كومبيوتر الرحلات قرب يتكلم معاك و كل حاجة فى العربية بيعملها تنبة صوتى و مرئى
----------------------------------------------------------------------------------------------
العيوب :-
-------------
1- العزل ضعيف و اقصد بالعزل عزل صوت الموتور و صوت ضوضاء الكاوتش لكن عزل الحرارة و الاصوات الخارجية ممتاز و صوت الموتور ممتع لراغبى الاصوات الرياضية
2- ضيق الشنطة الخلفية تسع (380 لتر) اصغر شنطة فى المنافسين بصراحة
3- عند الضغط على المحرك فى وسط المدينة استهلاك البنزين يزداد
4- بعض اصوات تصدر من العفشة دبدبة و غيرها بسبب انها عفشة سبور
5- طلعة العربية تقيلة بعض الشئ لكن بعد تجاوز سرعة ال 100 او 80 كم/س تتحول السيارة الى طيارة
----------------------------------------------------------------------------------------------
ملاحظات :-
---------------
* يائتى مع كل سيارة 2 مفتاح ريموت و استبن جنط عادى مش اسبور فى جميع الفئات و كوريك و مفتاح عجل و هوك جر و مثلث عاكس .
* السيارة تعتبر صفقة رابحة على رائى المثل رخيصة و كويسة و بنت ناس و مميزاتها اكبر من عيوبها بكتير
----------------------------------------------------------------------------------------------
بعد شراء السيارة :-
------------------------
* عند شراء السيارة و انت فى المعرض اتأكد ان العربية مافيهاش خربوش و لا خبطة و تطلب من المعرض يشيل اللزق الابيض اللى بيبقى على العربية و تأكد من تشغيل العربية و المكيف و الانوار و الكاسيت و خد معاك سى دى و جرب الكاسيت و فتح الزجاج و المرايات و جميع الكماليات فى السيارة و لا تنسى نسخة المفتاح الثانية .
* بعد ما تطلع من المعرض سمى الله و روح ظبط العجل على 32 على طوول لان المعارض بتبقى معلية العجل جامد و يفضل تعملة نيتروجين و فول العربية من بنزينة محترمة .
* امشى اول 1000 كم دون القرص على العربية و الاربى ام مابين 2000 الى 2500 و متزودش عن كدة و بلاش التسارع المفاجى و بلاش الفرملة المفاجئة و بلاش تحميل العربية زيادة عن اللزوم و يفضل عدم تشغيل المكيف
* رخص العربية و ارجع خد كتيب الضمان من المعرض و كلم 16606 و فعل الضمان و متنساش تكتب كود التفعيل على الكتاب من برة
* روح ركب كسوة جلد علشان تحافظ على الفرش الاصلى للعربية و كفر دريكسيون و فتيس .