اختلافات بين جداول الصيانة في مصر و امريكا للرانجلر

مساء الخير يا جماعة , بحب اشكر جميع الاساتذة المحترمين في المنتدى علي كل مساهمتهم و تفاعلهم و افادة جميع الاعضاء , و كان عندي استفسار يارت حضراتكوا تفيدوني فيه , و انا بدور في جدول الصيانة الامريكي الخاص بالرانجلر 2013 لاقيت اختلافات كبيرة في مواعيد تغيير الزيوت و السوائل و الصيانة بصفة عامة عن جدول الصيانة المصري , وده جدول الصيانة الامريكي للرانجلر 2013
http://im77.gulfup.com/Bhnuct.png
http://im77.gulfup.com/5GhyLh.bmp

فمثلا
- زيت الدفرانس الامامي و الخلفي في التوكيل لازم يتغير كل 20 الف كم , اما في جدول الصيانة الامريكي فتغييرهم في 64 الف كم في حالة الاستخدام الشاق للسيارة (تاكسي , بوليس , اوف رود).
- زيت transfer case بيتغير في التوكيل علي 50 الف , اما في الجدول الامريكي علي 96 الف في حالة الاستخدامات الشاقة .
فمش عارف حضراتكوا تنصحونا بإننا نتبع جدول الصيانة المصري ولا الامريكي, مع العلم ان جدول الصيانة المصري مجحف جدا علشان الضمان , و شكرا لحضراتكم مقدما

الرانجلر ليها عدة طرازات أشهرهم sport, shahra, rubicon وفيه طرازات تانية غير دول (هما تقريباً كلهم ٩ طرازات مختلفة بتنزل كل سنة بس بكميات صغيرة زى الـ X , willys wheeler, freedom edition)
وأى طراز من دول بنزل منه بابين و٤ أبواب بيطلقوا عليها unlimited يعنى طرازات لاحصر لها بتنزل كل سنة بس التلاتة ألأولانيين دول الأكثر إنتشاراً وكلهو بيشتركوا فى نفس الموتور ومعظمهم بيشترك فى نفس الجيربوكس بس نيجى للـ transfer case وال front axle والـ rear axle حنلاقيهم بيحصل شوية إختلافات حسب الطرازات اللى ذكرتها فوق . ممكن يكون الكتالوج بتاع الصيانة والاستخدام ده لطراز او طرازين بس مش لكل الطرازات فيه طرازات تغير زيت الـ transfer case على مسافات كبيرة وفيه طرازات بتغيره على مسافات أقل ( حسب نسبة تخفيضه وحاجات تانية فى تصميمه) كمان ال Front and rear axles نفس الوضع طرازات بتغير الزيت على مسافات كبيرة وطرازات على مسافات اقل ( حسب نوع الكورونة open ولا limited slip وحسب كمان طراز الكورونة).
وحاول تقرا الموضوع بتاع الكورونات الخلفية والموضوع بتاع الكورونات الأمامية هنا فى قسم الجيب علشان تقدر تحدد طرازات الكورونات بتاعتك وتحت أمرك فى أى سؤال او إستفسار تانى.

الف شكر لرد حضرتك, و طبعا استفدت من شرح حضرتك عن الكورونات الامامية و الخلفية , ووفقا لشرح حضرتك فان الكورونا الخلفية عنديDANA super 44/226 , بس جدول الصيانة الامريكي بيتكلم عن نظامي COMMAND-TRAC®/ROCK-TRAC الطرازين ببابين و 4 ابواب علي حد سواء , و طبعا سيادتك عارف ان اللي بتنزل في مصر command trac بنفس طراز الكورونا الامامية و الخلفية اللي بيتكلم عنها جدول الصيانة الامريكي بنفس تركيزات الزيوت اللي بنستعملها في مصر , سؤالي لحضرتك اغير زيت الكورونا الاميمية و الخلفية كل كام كم ؟ علما ان استهلاكي للعربية استهلاك عادي مش استعمال شاق؟ و شكرا علي مجهود و اهتمام حضرتك
http://im89.gulfup.com/QlH1T3.bmp

امريكا مواصفاتها من اعلي مواصفات دول العالم ان لم يكن اعلاها.وكل مصنع عاوز يصدر ليها لازم يوفر المواصفات دي حتي لو مش مطلوبه من بلده شامل اوروبا واليابان .
لكن في حالتك الوكيل جابها مصر وممكن ركب مكونات مش مصنعة في امريكا ولاتتبع مواصفاتها مثلا زي البوجيهات اللي بتعد 160,000كم.بالاضافه لغش وتدني الزيوت المصريه.
فلازم تتبع الجدول المصري

اقتباس:

---

المشاركة الأصلية كتبت بواسطة stonecoldmido5

الف شكر لرد حضرتك, و طبعا استفدت من شرح حضرتك عن الكورونات الامامية و الخلفية , ووفقا لشرح حضرتك فان الكورونا الخلفية عنديDANA super 44/226 , بس جدول الصيانة الامريكي بيتكلم عن نظامي COMMAND-TRAC®/ROCK-TRAC الطرازين ببابين و 4 ابواب علي حد سواء , و طبعا سيادتك عارف ان اللي بتنزل في مصر command trac بنفس طراز الكورونا الامامية و الخلفية اللي بيتكلم عنها جدول الصيانة الامريكي بنفس تركيزات الزيوت اللي بنستعملها في مصر , سؤالي لحضرتك اغير زيت الكورونا الاميمية و الخلفية كل كام كم ؟ علما ان استهلاكي للعربية استهلاك عادي مش استعمال شاق؟ و شكرا علي مجهود و اهتمام حضرتك
http://im89.gulfup.com/QlH1T3.bmp

---

كلام تمام - بس داخل ال command trac و الـ rock trac فيه عدة تصميمات تحت نفس الإسماء منها نوع عادة ونوع متركب عليه differential عادى ونوع متركب عليه Differential LSD ( على الـ transfer case NV241) - وسألت ناس فى أمريكا طلعوا بيغيروا على ١٢,٠٠٠ ميل هما كمان ( حتى لو إستخدامهم مش اوفرود كتير) يعنى حوالى ٢٠,٠٠٠كم تقريباً.
الخلاصة ان تعليمات التوكيل مظبوطة ومش غلط .
والكورونة الدانا ٤٤ الأمامية بتاخد حوالى لتر وشوية والدانا ٤٤ الخلفية بتاخد ٢ لتر وشوية .

اقتباس:

---

المشاركة الأصلية كتبت بواسطة mecha

امريكا مواصفاتها من اعلي مواصفات دول العالم ان لم يكن اعلاها.وكل مصنع عاوز يصدر ليها لازم يوفر المواصفات دي حتي لو مش مطلوبه من بلده شامل اوروبا واليابان .
لكن في حالتك الوكيل جابها مصر وممكن ركب مكونات مش مصنعة في امريكا ولاتتبع مواصفاتها مثلا زي البوجيهات اللي بتعد 160,000كم.بالاضافه لغش وتدني الزيوت المصريه.
فلازم تتبع الجدول المصري

---

ياباشا الجيب اللى بتتصنع فى مصر عموماً هى هى اللى بتتصنع فى امريكا وواخدة ارقام شاسية من كرايزلر متسلسلة مع ارقام الشاسية بتاع الجيب اللى بتتصنع فى امريكا او فى اى حته فى العالم والهيئة العربية للتصنيع التى تقوم بتصنيعها ( تجميعها ) فى مصر متقدرش تحط مسمار فى العربية بدون موافقة كرايزلر

اقتباس:

---

المشاركة الأصلية كتبت بواسطة م/أحمد عبد الفتاح

كلام تمام - بس داخل ال command trac و الـ rock trac فيه عدة تصميمات تحت نفس الإسماء منها نوع عادة ونوع متركب عليه differential عادى ونوع متركب عليه differential lsd ( على الـ transfer case nv241) - وسألت ناس فى أمريكا طلعوا بيغيروا على ١٢,٠٠٠ ميل هما كمان ( حتى لو إستخدامهم مش اوفرود كتير) يعنى حوالى ٢٠,٠٠٠كم تقريباً.
الخلاصة ان تعليمات التوكيل مظبوطة ومش غلط .
والكورونة الدانا ٤٤ الأمامية بتاخد حوالى لتر وشوية والدانا ٤٤ الخلفية بتاخد ٢ لتر وشوية .

---

اللة ينور علي حضرتك يا باشمهندس احمد ، و نفس الكلام ينطبق علي تغيير سائل التبريد وزيت الفراملو باقي القطع الاستهلاكية في العربية. طيب معلهش سؤال تاني و اعتذر عن الازعاج كنت حبيت اتعامل مع حد تاني بره التوكيل بخصوص تغيير الزيوت في الاسكندرية هل ممكن اتعامل مع مركز موبيل وان و لا حضرتك تنصحني بايه وشكرا علي اطالة صبر حضرتك معايا

اقتباس:

---

المشاركة الأصلية كتبت بواسطة mecha

امريكا مواصفاتها من اعلي مواصفات دول العالم ان لم يكن اعلاها.وكل مصنع عاوز يصدر ليها لازم يوفر المواصفات دي حتي لو مش مطلوبه من بلده شامل اوروبا واليابان .
لكن في حالتك الوكيل جابها مصر وممكن ركب مكونات مش مصنعة في امريكا ولاتتبع مواصفاتها مثلا زي البوجيهات اللي بتعد 160,000كم.بالاضافه لغش وتدني الزيوت المصريه.
فلازم تتبع الجدول المصري

---

شكرا علي اهتمام حضرتك بس فعلا زي م/احمد ما قال ان العربية كلها امريكي ما عدا الزجاج و نفس المواصفات اللي بتنزل في دول العالم ،و الحاجة الوحيدة اللي بيتفق الجدول الامريكي مع المصري في التغيير هي البوجيهات لان حتي جدول الصيانة في مصر بيقول انها بتتغير علي ١٥٠ الف كم وده اللي مستغربه

بص أنا مبحبش ألعب فى سائل التبريد واغيره كتير ليه ؟ أى مياه بيبقى فيها أملاح ومع سخونة العربية وسخونة المياه الأملاح دى بتترسب على جدران الموتور وتعمل طبقة ـ كل ماتغير الميه حاتعمل طبقة جديدة فيستحسن متغيرش المية كتير ويستحسن إنك بتغير سائل التبريد كل من ١٠٠ الف لـ ١٢٠ ألف ( ولو لونه كويس وشفاف ممكن تسيبه شوية كمان ـ بس أهم حاجه إن الميه تكون عليها المانع بتاع الصدا بتاعها - بالنسبة للزيوت أنا باغير عند واحد إسمه سامح فى الأزاريطة ( وعنده ميكانيكى اسمه محمد وواحد تانى اسمه حامد الاتنين كويسين) فى الشارع بتاع الكليات النطرية بعد ماتعدى الترام وانت جاى من البحر حتلاقى واحد بتاع كاوتش الشارع اللى بعده على طول يمين حتلاقيه على الشمال قدام شوية- وانت كمان لو الكورونات عندك دانا ٤٤ يبقى ميت فل لأنها بطبة من تحت يعنى مش حاتفك غطا الكورونة وتعمل جوان سيليكون وتستنى ينشف وكمان الطبة عليها مغناطيس لازم اول ماتتفك تبص عليها لو فيها رايش حديد او حاجه . أنا مبحبش البنزينات فى غيار الزيوت لأنهم بيبوظوا الطبات لو مش من اول مرة حايبقى من تانى او تالت مرة بالكتييييير.
بس عندى سؤال هو الكرورنة الأمامية عندك فعلا دانا ٤٤ ولا دانا ٣٠ لأن ٢٠١٢ كانت دانا ٣٠ ؟

اقتباس:

---

المشاركة الأصلية كتبت بواسطة stonecoldmido5

شكرا علي اهتمام حضرتك بس فعلا زي م/احمد ما قال ان العربية كلها امريكي ما عدا الزجاج و نفس المواصفات اللي بتنزل في دول العالم ،و الحاجة الوحيدة اللي بيتفق الجدول الامريكي مع المصري في التغيير هي البوجيهات لان حتي جدول الصيانة في مصر بيقول انها بتتغير علي ١٥٠ الف كم وده اللي مستغربه

---

مش كل الزجاج على فكرة مصرى فيه حتت مش مصرى وتمنها غالى جداً لو بصيت على الزجاج بتاع الشراعة بتاعة الباب الخلفى هى والجانبى بتاع الشنطة والزجاج الخلفى حتلاقيهم فى الغالب أمريكى مش غاليه وخلاص لأ دى غاليه بغشومية جوة التوكيل وبرة حأبقى أقولك عليهم فى ودنك :)

م/أحمد عبد الفتاح;3875870441]بص أنا مبحبش ألعب فى سائل التبريد واغيره كتير ليه ؟ أى مياه بيبقى فيها أملاح ومع سخونة العربية وسخونة المياه الأملاح دى بتترسب على جدران الموتور وتعمل طبقة ـ كل ماتغير الميه حاتعمل طبقة جديدة فيستحسن متغيرش المية كتير ويستحسن إنك بتغير سائل التبريد كل من ١٠٠ الف لـ ١٢٠ ألف ( ولو لونه كويس وشفاف ممكن تسيبه شوية كمان ـ بس أهم حاجه إن الميه تكون عليها المانع بتاع الصدا بتاعها - بالنسبة للزيوت أنا باغير عند واحد إسمه سامح فى الأزاريطة ( وعنده ميكانيكى اسمه محمد وواحد تانى اسمه حامد الاتنين كويسين) فى الشارع بتاع الكليات النطرية بعد ماتعدى الترام وانت جاى من البحر حتلاقى واحد بتاع كاوتش الشارع اللى بعده على طول يمين حتلاقيه على الشمال قدام شوية- وانت كمان لو الكورونات عندك دانا ٤٤ يبقى ميت فل لأنها بطبة من تحت يعنى مش حاتفك غطا الكورونة وتعمل جوان سيليكون وتستنى ينشف وكمان الطبة عليها مغناطيس لازم اول ماتتفك تبص عليها لو فيها رايش حديد او حاجه . أنا مبحبش البنزينات فى غيار الزيوت لأنهم بيبوظوا الطبات لو مش من اول مرة حايبقى من تانى او تالت مرة بالكتييييير.
بس عندى سؤال هو الكرورنة الأمامية عندك فعلا دانا ٤٤ ولا دانا ٣٠ لأن ٢٠١٢ كانت دانا ٣٠ ؟[/QUOTE]
الف شكر لحضرتك علي رد حضرتك الوافي و فعلا الكرونة الامامية اللي عندي دانا 30 , وده ملف بيقدم تقريبا معظم انواع الرانجلر و خصائصها الفنية
https://www.jeep.com/assets/pdf/wrangler_specs.pdf
و تقريبا اللي عندنا في مصر نفس نظام التعليق و الخصائص الفنية لطراز صحارى , و المشكلة حضرتك ان موقع جيب مصر رافع في نهاية owners manual للجيب رانجلر جدول الصيانة الامريكي فممكن اكون فهمت ان نفس الجداول واحدة لكل الانواع و اللي اكد لي انه نفس الكتالوج اللي بينزل فامريكا فحسيت انهم متشابهين في الخصائص الاساسية.
و بالنسبة لتغيير الزيوت فانا كان قصدي تغييرها في توكيل موبل 1 في الداون تاون بس ادام حضرتك شايف ان الورشة في الازاريطة شغلهم موثوق فيه فان شاء الله هتعامل معاهم , و شكرا لحضرتك علي الردود الوافية و دايما اتعلم من خبرة حضرتك , ومعلهش حضرتك ممكن تستحملني لو في اي مشاكل في العربية اني اتواصل مع حضرتك و باقي الاعضاء المحترمين

اقتباس:

---

المشاركة الأصلية كتبت بواسطة stonecoldmido5

م/أحمد عبد الفتاح;3875870441]بص أنا مبحبش ألعب فى سائل التبريد واغيره كتير ليه ؟ أى مياه بيبقى فيها أملاح ومع سخونة العربية وسخونة المياه الأملاح دى بتترسب على جدران الموتور وتعمل طبقة ـ كل ماتغير الميه حاتعمل طبقة جديدة فيستحسن متغيرش المية كتير ويستحسن إنك بتغير سائل التبريد كل من ١٠٠ الف لـ ١٢٠ ألف ( ولو لونه كويس وشفاف ممكن تسيبه شوية كمان ـ بس أهم حاجه إن الميه تكون عليها المانع بتاع الصدا بتاعها - بالنسبة للزيوت أنا باغير عند واحد إسمه سامح فى الأزاريطة ( وعنده ميكانيكى اسمه محمد وواحد تانى اسمه حامد الاتنين كويسين) فى الشارع بتاع الكليات النطرية بعد ماتعدى الترام وانت جاى من البحر حتلاقى واحد بتاع كاوتش الشارع اللى بعده على طول يمين حتلاقيه على الشمال قدام شوية- وانت كمان لو الكورونات عندك دانا ٤٤ يبقى ميت فل لأنها بطبة من تحت يعنى مش حاتفك غطا الكورونة وتعمل جوان سيليكون وتستنى ينشف وكمان الطبة عليها مغناطيس لازم اول ماتتفك تبص عليها لو فيها رايش حديد او حاجه . أنا مبحبش البنزينات فى غيار الزيوت لأنهم بيبوظوا الطبات لو مش من اول مرة حايبقى من تانى او تالت مرة بالكتييييير.
بس عندى سؤال هو الكرورنة الأمامية عندك فعلا دانا ٤٤ ولا دانا ٣٠ لأن ٢٠١٢ كانت دانا ٣٠ ؟

---

الف شكر لحضرتك علي رد حضرتك الوافي و فعلا الكرونة الامامية اللي عندي دانا 30 , وده ملف بيقدم تقريبا معظم انواع الرانجلر و خصائصها الفنية
https://www.jeep.com/assets/pdf/wrangler_specs.pdf
و تقريبا اللي عندنا في مصر نفس نظام التعليق و الخصائص الفنية لطراز صحارى , و المشكلة حضرتك ان موقع جيب مصر رافع في نهاية owners manual للجيب رانجلر جدول الصيانة الامريكي فممكن اكون فهمت ان نفس الجداول واحدة لكل الانواع و اللي اكد لي انه نفس الكتالوج اللي بينزل فامريكا فحسيت انهم متشابهين في الخصائص الاساسية.
و بالنسبة لتغيير الزيوت فانا كان قصدي تغييرها في توكيل موبل 1 في الداون تاون بس ادام حضرتك شايف ان الورشة في الازاريطة شغلهم موثوق فيه فان شاء الله هتعامل معاهم , و شكرا لحضرتك علي الردود الوافية و دايما اتعلم من خبرة حضرتك , ومعلهش حضرتك ممكن تستحملني لو في اي مشاكل في العربية اني اتواصل مع حضرتك و باقي الاعضاء المحترمين[/QUOTE]
العفو ياباشا وتحت امرك فى اى استفسار - اعتقد الجيب المصرى بتتصنف اسبورت بس فيها شوية اوبشنات من بتاعة الصحارا والربيكون