استشاره في فوانيس مازدا 3 ...

**WalidAdel** · 16-01-2015 11:28 PM

انا معايا مازدا 3 و كانت زينون اصلي d2s و طبعا اتحرق فجيبت فوانيس جديده h7 و قولت هاركب زينون عليهم و فعلا ركبت بس نوع صيني من ابو500 ... قعدة اللمبه تتحرق ثم الميديول و غيرتهم و بعدين واحده منهم اتحرقت تاني
فانا زهقت بصراحه و قولت هاركب لمبات فيليبس نايت بريكر او اي حاجه من اللمبات دي
بس مش عارف هاتبقي الاضاءه اخبارها ايه ولا اخاليني في أرف الزينون مع العمل اني بسافر كتير و محتاج اضائه كويسه بس مش كل شويه لمبه تتحرق
ياريت لو في مقترحات اخري

**MuhamedNabil** · 25-01-2015 10:07 PM

انا مش فاهم , انت غيرت الكشفات عشان اللمبات اتحرقت و لا الموديولات و لا الكشاف كان مكسور ؟
لان اللمبات الجديدة الاصلى 400 الوحدة و فى حجات كويسة جدا ب 300 الطقم صينى بس شركات كبيرة مس حجات تحت السلم و الموديولات العندك جديدة كانت 800 من فترة يعنى انا حاسس انك صرفت اكتر من سعر الحجات الكان ممكن تغيرها

ايه الباقى عندك من الكشفات الزينون القديمة ؟

انا عنى فى 307 مركب عدسات و زينون بتوع مازدا 3

**WalidAdel** · 30-01-2015 10:15 PM

اسف للانشغال عن الرد
بص هو انا عندي موديول d2s سليم دلوقتي لان في واحد محروق و اللمض كنت جايب من شركه محترمه صيني ب 350 يعني اللمبتين ب 700 لانهم كانوا محروقين الاتنين
و كان نورهم ضيف حبه ... فجيبت طقم ب 450 و طلع سكه فزهقت بقي من الحوارات دي و اخيرا جيبت لمبتين فيليبس اكستريم فيجين و الحمد لله ركبوا و زي الفل وانا راضي جدا بالنتيجه
مش عايز اقولك كل اللي قولته عن الزينون و الحوارات دي ماشوفتش اضاءه زي اللي مديهالي اللمبتين الفيليبس

**WalidAdel** · 03-02-2015 05:29 PM

اللمبتين الفيليبس ب 675 - 700 للواحده عند محل المدينه في شارع دمشق ... سالت عليهم بنفسي
و بالنسبه للموديول هاتاخده و تخرج بيه و لو اتحرق ..كل سنه وانت طيب..
بص هو الموضوع وجهات نظر بحت و الاهم من ده كله الراحه النفسيه للحاجه وانت بتعملها ... بصراحه انا مرتاح للمبات الفيليبس العاديه
اريح و اضائه احلي بكتير من الزينون و كل حاجه و كنت ممكن اجيب لمبات فيليبس xenon vision ولا حاجه و كانت هاتديني اضائه اقل من ال xetreme vision بس انا كتنت قلقان من اللنسات لحسن ماتطلعش اضائه كويسه