استفسار بخصوص فرن الشكمان عربية 128

**نور كمال** · 17-01-2015 02:12 AM

[mark=#e0d728[frame="10 10"]]أنا عندي عربية 128 موديل 88 1300cc

في إحدى المرات حدثت مشكلةفي دينامو العربية ماكنش بيشحن البطارية لأن في الوقت ده العربية وقفت مني مرتين و أنا ماشي و مادارتش إلا بالزق المهم الكهربائي قالي إن المشكلة في طقم السيليكونات بتاع الدينامو و غيرنا السيليكونات هو قالي إن أساس المشكلة إن فرن الشكمان بينفس و من شدة الحرارة الخارجة منه بوظت سيليكونات الدينامو عايز أعرف حقيقة الموضوع ده و هل فرن الشكمان لما ينفس ممكن يؤثر على أي حاجة في الدينامو و إيه هي علامات تنفيسه بمعنى آخر أعرف منين إنه بينفس و إيه أضراره على أي جزء تاني في الموتور غير الدينامو أرجوكم حد يفهمني لأن خبرتي محدودة جدا في الموضوع ده لأن دي أول عربية أركبها أرجوكم حد يفهمني بالتفصيل

[/frame]

[/mark]

**نور كمال** · 20-01-2015 11:07 PM

فين الناس محدش رد عليا يعني

**amr011111** · 22-01-2015 09:26 AM

علشان تعرف انه بينفس هتلاقى الجوانات محروقه هتلاقى زى هباب عليها كده وهتلاقى صوت العربيه عالى شويه عن العادى

**نور كمال** · 22-01-2015 02:14 PM

المشاركة الأصلية كتبت بواسطة amr011111

علشان تعرف انه بينفس هتلاقى الجوانات محروقه هتلاقى زى هباب عليها كده وهتلاقى صوت العربيه عالى شويه عن العادى

أرجوك توضحلي أكتر

و هل السيليكونات لما باظت دي ماتعتبرش علامة على مشكلة في الفرن و فين مكانه بالظبط و هل مشكلة الجوانات لازم أروح لحد متخصص و مين يصلحه ميكانيكي و لا بتاع شكمان و ياترى ليه أضرار تانية على باقي أجزاء الموتور أنا آسف بس أنا فعلا لسة جديد ماعنديش خبرة نهائي أرجوك اتحملني

**amr011111** · 22-01-2015 02:19 PM

بالنسبه انه بوظ اى حاجه فى الدينامو ولا لاء فمعنديش فكره بصراحه.بالنسبه لتغييره الميكانيكى بيغيره عادى جداً بتجيب تلات جوانات وبيركبهم الميكانيكى وهما بيبقوا فائدتهم ان جسم العربيه حديد وفرن الشكمان من ماده الشكمان فلما تربطهم مع بعض مباشرة مش هيطبعوا على بعض الا فى وجود ماده زى الجوانات

**نور كمال** · 27-01-2015 08:28 AM

طبعا معروف إن الــ 128 مافيهاش rbm ينفع أركبلها rbm العربية 128 موديل 88 1300cc و كمان عندي مشكلة في العداد البكر إللي بيلف و عليه أرقام بتعد الكيلوات مع حركة العربية واقف مش شغال و طبعا مابعرفش عدد الكيلوات بين كل تفويلة زيت و ده شئ بيحيرني مش عارف أعمل ايه مع ان المؤشر إللي بيلف مع حركة العربية في اتجاه عقارب الساعة و يبين سرعة العربية و هي ماشية شغال هل ممكن تصليح البكر ده أو تغييره و لو ماينفعش أزاي أحدد توقيت تغيير الزيت بتاع الموتور ياريت حد يكون فاهم يقولي حل المشكلة دي ايه (هو ينفع تركيب عداد عربية تانية من أي ماركة غير ال128)

**amr011111** · 27-01-2015 09:07 AM

بالنسبه لعداد الكيلومترات اللى مش شغال المفروض لو فتحت الكبوت بتلاقى سلك المفروض بيبقى راكب فى الفتيس عليه يمكن مش متوصل بالفتيس. بالنسبه للا ار بى ام بشوف ناس مركبينه بس هوه مش هيفيدك فى حاجه

**نور كمال** · 27-01-2015 04:51 PM

المشاركة الأصلية كتبت بواسطة amr011111

بالنسبه لعداد الكيلومترات اللى مش شغال المفروض لو فتحت الكبوت بتلاقى سلك المفروض بيبقى راكب فى الفتيس عليه يمكن مش متوصل بالفتيس. بالنسبه للا ار بى ام بشوف ناس مركبينه بس هوه مش هيفيدك فى حاجه

حضرتك في حاجة مش واخد بالك منها و هي إن العداد شغال المؤشر إللي بيتحرك شمال و يمين حسب سرعة العربية هو إللي شغال تمام إنما أنا بتكلم عن البكر إللي عليه أرقام و بيسجل الكيلوات و إللي منه بنعرف عدد الكيلوات إللي بتمشيها العربية و بناءا عليه بنحدد كمان ميعاد تغيير الزيت حضرتك واخد بالك منه إللي هو موجود جوه مستطيل صغير أعلى منتصف العداد هو ده إللي مش شغال و بالتالي مابقدرش أحدد عدد الكيلوات إللي بتقطعها العربية عشان أقدر أحدد ميعاد تغيير الزيت و على فرض إن العداد كله مش شغال أزاي أقدر أحدد مواعيد تغيير الزيت هعتمد على ايه في تحديد ميعاد تغييره أنا اسف

أثقلت عليك