الموضوع: Business Insider: مصر سابع أرخص دولة في العالم من حيث تكاليف المعيشة

المشاركة الأصلية كتبت بواسطة curbis

تاني مبدأ الهجرة مش غلط ومش عيب.... لكن العيب في اللي عاوز يهاجر ويشتم في البلد وفي أهلها ويقولك "ربنا أخرجنا من هذه القرية الظالم أهلها" على أساس يعني انه مهاجر من مكة للمدينة.... وهو أصلا بنسبة ٩٩٪ مهاجر لدنيا يصيبها أو امرأة ينكحها

الحاجه التانيه كمان انه عاوز يهاجر وهوه مش مؤهل للهجره يعنى ايام ما كان بيتعلم مكانش مهتم بالتعليم وبالتالى هوه مفيش فيه ميزة تخلى الدوله اللى هيهاجر اليها تخطفه
وهناك يبقى مستعد يتبع اشارات المرور ويحترم القوانين ويشتغل فى شغلانات ميرضاش يشتغل زيها فى مصر ويعمل اللى ما يعمل

المشاركة الأصلية كتبت بواسطة curbis

الاحصائيات عموما بالنسبة لـ "نصيب الفرد من الدخل القومي" بتفترض توزيع الدخل القومي بالتساوي على عدد السكان....

لكن الواقع غير كده وفي فعلا في سوء في توزيع الدخل القومي.... لكن دي مش مشكلة مصر.... دي مشكلة البشرية كلها إلى أن يرث الله الأرض ومن عليها.... وموجودة في الدول المتقدمة زيها زي الدول المتخلفة.... والنقطة بالذات كانت محور الصراع العالمي لنصف قرن كامل بين المعسكر الرأسمالي والمعسكر الشيوعي.... ونظريات كتير اتعملت زي الماركسية وثورات وملايين الناس ماتت وفي النهاية البشرية موصلتش لأي حاجة والمشكلة موجودة زي ما هي وكل يوم أكبر من الأول

بالنسبة ليا أفضل أعيش فين؟

أنا أفضل أشتغل في أي دولة مرتباتها جدا كام سنة (سنتين تلاتة عشرة) لغاية لما أعمل مبلغ محترم وبعدين أستقر في بلد من البلاد اللي تكلفة المعيشة فيها منخفض زي مصر (ومش شرط مصر ممكن المغرب مثلا لو الأوضاع في مصر مش كويسة وقتها لا قدر الله)

يعني لو مثلا اشتغلت في ألمانيا ٧ سنين وحوشت ٣٠٠ ألف يورو مثلا.... المبلغ ده هناك عادي مش مبلغ ضخم قوي وهتعيش كمواطن عادي خالص.... انما لو جيت هنا مصر هعيش بيه ملك فوق القانون أصلا :)) و مش هحتاج أشتغل تاني أصلا بقيت حياتي.... يعني بدل ماعيش مواطن درجة تالتة بره... أعيش درجة أولى هنا أحسن

ومفيش مانع طبعا ان أزور أوروبا أو أي حتة مرتين تلاتة أربعة في السنة بعد كده

ولو جيت مصر مش هعيش في القاهرة.... لأ هعيش في مدينة هادية زي الغردقة أو الجونة أو شرم أو دهب

يعني هي طريقة تفكيري ومش شرط أكون صح....... (وناس كتير قبل الثورة كانت عايشة برة وبتفكر كده فعلا وكانوا بيفكروا يرجعوا)!!!!!!!

انت رجل مثقف وفاهم يعنى ايه معيشه فى اى دوله
وفعلا اللى يفهم الكلام ده حد احتك باجانب وشاف عيشتهم واتعامل معاهم
نظرا لوجودى فى الغردقه وعيشتى فيها ونظرا لوجود اجانب مقيمين كتير جدا وبيبوسو تراب الغردقه ومصر
وعارفين قميتها وقيمه المعيشه الرخيصه اللى فيها وجوها المشمس فى الشتاء اللى عندهم تليج وانعدام للمعيشه
خاصه روسيا واكرانيا ودول الاسكندناف
وكل كبار السن من جميع دول اوروبا بيصرفو معاشهم ال700يورو اللى ميكفهمش لنص الشهر هناك فى بلدهم اكل وشرب بس بيخدو المعاش ويصرفوه هنا فى مصر وشرب وسكر وبارات واكل وشرب وبحر وكل حاجه وبيتبقى منهم كمان (7000ج مصرى)
احييك على دماغك وتفكيرك السليم
على الرغم من طبعا وجود سلبيات كتيره فى بلدنا

المشاركة الأصلية كتبت بواسطة amrelsha3er

انت رجل مثقف وفاهم يعنى ايه معيشه فى اى دوله
وفعلا اللى يفهم الكلام ده حد احتك باجانب وشاف عيشتهم واتعامل معاهم
نظرا لوجودى فى الغردقه وعيشتى فيها ونظرا لوجود اجانب مقيمين كتير جدا وبيبوسو تراب الغردقه ومصر
وعارفين قميتها وقيمه المعيشه الرخيصه اللى فيها وجوها المشمس فى الشتاء اللى عندهم تليج وانعدام للمعيشه
خاصه روسيا واكرانيا ودول الاسكندناف
وكل كبار السن من جميع دول اوروبا بيصرفو معاشهم ال700يورو اللى ميكفهمش لنص الشهر هناك فى بلدهم اكل وشرب بس بيخدو المعاش ويصرفوه هنا فى مصر وشرب وسكر وبارات واكل وشرب وبحر وكل حاجه وبيتبقى منهم كمان (7000ج مصرى)
احييك على دماغك وتفكيرك السليم
على الرغم من طبعا وجود سلبيات كتيره فى بلدنا

اعتقد تقصد رقم اعلى من 700 يورو

المشاركة الأصلية كتبت بواسطة أبو آسر

700 يورو يعني 7000 جنيه بيكفوهم سكن وأكل وشرب وخمرة وبارات وفسح ودول أجانب مش مصريين وقاعدين في مدينة سياحية وبيحوشوا منهم كمان ؟!!
يا راجل ده ال7000 جنيه دول المصري بيصرف ربعهم دلوقتي إيجار شقة بس مش هقولك منطقة راقية لأ منطقة متوسطة فضلا عن فواتير كهرباء ومية وتليفون وأكل وشرب وأدوية وعلاج ومواصلات أو بنزين ومدارس ودروس ... إلخ
أعتقد حضرتك بتبالغ جدا لأني أنا شخصيا ال7000 جنيه دول مبيكفونيش ولولا ستر ربنا كان زمان الواحد بيشحت وأنا مصري فما بالك بواحد سائح ؟!!

للاسف احنا كمصريين مبنعرفش ندبر امورنا
لا ياباشا مفيش مبالغه كل دوله حسب المعاش بتاعها اللى بتكلم عليها دى واحده بليجيكه زوجه واحد صحبى وبتاخد المبلغ ده وبيكفيها وعايشين و100 100
الاجانب عموما بيعرفو يصرفو القرش ازاى انما احنا كمصريين معندناش الثقافه دى
تلاقى الست المصريه ولا الرجل ايا كان ومقصدش حضرتك بالعين تنزل السوق تشترى 2 3 كيلو موز تاكل نصهم والباقى بيترمى الناس دى بتشترى بالموزه
حضرتك كاسره الله اعلم مصصاريفك ايه انا بتكلم عن فرد واحده ست معاها 7000ج مصرى بتاخدهم كل شهر من بلدها بتعيش بيهم هنا ملكه وانا مش ببالغ لان ده محسوس وامور انا عايشها هنا مع ناس محيطه بيا
اومال هم بيجو هنا يعيشو فى بلدنا ليه وتتجوزلها شاب مصرى بصحته عشان يمتعها ويظبطها وتمصص فى امه وفى صحته وهو قابل على نفسه كده هروبا من تكاليف الجواز من المصريين وهى محدش هيبوصلها فى بلدها
الموضوع كبير ومحتاج شرح طويل
مقصد الكلام ان بلدنا فعلا رخيصه مقارنه بدول العالم ودى احصائيات مش كلامى انا ولا كلام الرجل صاحب الموضوع وان سكان اورروبا اهم بيجو هنا يعيشو
وعلى سبيل المثال لسه متعرف على شاب تركى المانى متجنس كان عايش فى المانيا وبقاله فى مصر سنتين
بقوله المانيا احسن قالى كده بالنص fuck to germany
ليه ياعم ازاى بتقول كده دى المانيا يعنى
قالى ياسيدى انا كنت هناك بقبض 1200يورو
ادفعلى منهم ايجار 700يورو
اعيش ازاى بالباقى
قالى الناس مفكره انى عايش فى المانيا او انى فى اوروبا اوو نووو انت غنى انت باشا
ميعرفوش اللى فيها
نحمد ربنا والله احنا فى مميزات كتيره فى بلدنا بس محدش يعرف قيمتها الا اللى سافر واتغرب
سواء فى دول عربيه او اجنبيه
وانا صحابى كتير فى المانيا وبلجيكا وفنلندا وكانو هنا فى الغرقه معايا وكانو بيسبو ميه مله للبلد لما كانو هنا
دلوقتى بيقولو قصايد فى مصر وبيسبو فى اوروبا واهلها والعيشه الصعبه
اخيرا الحمد لله رب العالمين على نعم ربنا وده ميمنعش ان فى عيوب وبلاوى وفساد فى بلدنا انا بتلكم فى نقطه تانيه خالص
الف شكر لصاحب الموضوع احييه عليه صراحه

المشاركة الأصلية كتبت بواسطة amr011111

اعتقد تقصد رقم اعلى من 700 يورو

لا فى بياخدو 700يورو وبيدفعلهم ايجار شققهم هناك اذا كنت انت مش بتشتغل ومش مسجل عند الحكومه انك تعمل او سواء كبرت وعلى المعاش
وفى بياخدو اكتر 900يورو وفى 1200يورو
واحد صحبى شغال فى المانيا فى تقطيع السيارات شغل خاص الحكومه ليس لديها علم بيه
ومع ذلك كل شهر بيتبعتلو ايجار الشقه بتاعتو على حساب صاحب الملك على طول على الرغم انه مش محتاج ماشاء الله يعنى بس اهو تحايل من مصرى على الحكومه الالمانيه
مع العلم انه متجنس لانه عايش بقاله 8 سنين فى المانيا