الحمدلله نزلت امبارح اشتريت 2 مساعدين خلفى للنوبيرا من نوع منرو

زي ماقلي محمد ممدوح وبشكره جدا لان بجد الراجل ده مش بيبخل على اى حد بحاجه سواء بمعلومه او باى حاجه

المهم انا ركبتهم وطلعت اجرب العربيه وبقت بنقى المطبات علشان اسمع صوت

العربيه والحمدلله العربيه زي الفل مفيهاش اى اصوات بس حسيت ان العربيه

بقت ناشفه حاجه بسيطه من الضهر بس انا فى رائي ان ده احسن بكتير اوووى

ولسه ان شاء الله هاطلع اجربها النهارده باليل على الدائري على سرعات عاليه

علشان اشوف ايه اخبار الثبات بتعها وهابقي ابلغكم بكل الجديد لما رجع ان شاء الله

على فكره ثمن المساعدين 560 جنيه بضمان سنه من عند ابو الحسن

واشتريت كمان اوكر داخليه للبيبان الاماميه علشان اللي عندي كان النيكل بتعها

اتقشر وسعر الاكره 15 جنيه للصيني و 30 جنيه للكوري ومافيش اي فرق يزكر وده للعلم فقط

وعلى فكره يا ممدوح انا سالت عن طقم الشمبر عند ابو الحسن لاقيت تمنه 160 جنيه ال GM

وكمان ال جوان بتاع وش السلندر لاقيته ب 90 جنيه الاصلي بارضو وشكلي

هابتدي في الشغل ده قريب بس ده فى حاله انها تكون ديه التكايلف بس ايه رايك ؟؟ ابتدي ولا استني شويه ؟؟