ممكن معلومات اكتر عنها
عرض للطباعة
ممكن معلومات اكتر عنها
أشكرك على الأخبار العظيمة! :) إنت هايل و الله، النهاردة عملت تست درايڤ لل 118i و ماعجبتنيش عشان فاضية، و هأروح أشوف ال ٣٠٨ بنفسي و أوفر فلوسي :)
ردا على استفسار الزميل بخصوص المنشأ، ال ٣٠٨ بتتعمل في مصنعين كبار في فرنسا، و مفيش تصنيع لها في المغرب، فأغلب الظن إنها فرنساوي. و أنا برضه لما أروح هأشوف بنفسي و أقول لكم.
مشكور يا باشا على الموضوع :)
الصراحه كل عربيات بيجو الجديده تصميمها رائع و مميز و خامات داخليه ممتازه و تكنولوجى عالى و مواتير قويه منافسه جدا ...
الى شوفتهم على الطبيعه حتى الان ال ٥٠٨ الجديده و ٢٠٠٨ و ٣٠٠٨ ... و ال ٣ عربيات فئات مختلفه تنافس بشده ...
السعر فى رائ مقارنه بباقى الماركات مقبول على اعتبار انها كامله الاوبشنات ... القشقاى الجديده الكامله ب ٢٥٠ تسليم فورى ...
تحياتى لك ...
العربية رائعة بصراحة و تستاهل فلوسها لأن مش ناقصها حاجة حتى الموتور منزلين نسخة عالية منه
منافس قوي جدا للجولف و باقي الهاتشباك في الفئة دي و اعتقد تكتسحهم لولا سمعة توكيلها
مشكور على مجهودك
عربية جميلة ... ومجهود رائع
نازلة فئة واحدة؟؟
اولاً شكراً على الصور والمعلومات جزاك الله خير ...
انا هتكلم على التصميم الخارجى بعد ما ركبت الجولف والليون .. تصميم بيجو 308 الخارجى طبعاً جميل ولاكن الواجهة كانت محتاجة تكون مختلفة شوية عن سياسة توحيد التصميم الخاص ببيجو 508 ، التصميم الخلفى جميل ولاكن فى المجمل العربية تصميم متناسق بزيادة مش ليها طابع زى العربيات فى الفئة دة حاسسها 508 هاتشباك صغيرة + الانتريور مختصرين فية كتير يدى احساس بالفراغ ممكن بحكم تعود العين بتفرق طبعاً فية اماكن فاضية بزيادة :) انا فاهم طبيعة التصميم ولاكن مع رفع العدادات كمان مخلى فية فراغ كثير بالرغم من تصميمة البيميل للبساطة والكنت اتمنى انة يبقى افضل .. المحرك والانظمة الميكانيكية لا غبار عليها طبعاً وتلى الستروين ds4 فى عدد الاحصنة والاقوى فى الفئة دة فى مصر طبعاً ..
فى الفئة دة من راى بتتفوق جولف 7
ثم سيات ليون
ثم يليها بيجو 308
ثم يليها سيتروين ds4
..
العربيه فرنساوى حسب كلام التوكيل بس ميعرفش باقى الفئات
ياباشا مفيش وجه مقارنة بين البى ام 118 والبيجو 308
البى ام تكتسح من بدرى
دانت هتاخد اهم حاجة دفع خلفى وعفشة مالتى لينك
وموتور 1600 تيربو 170 حصان
ميغركش الأوبشن وكفاية انك هتركب عربية محترمة
واعتقد ان ال 118 سبورت فيها كماليات مرضية
فكر تانى ومتستعجلش
بالتوفيق :)
العفو ياباشا :)
معاك حق البيجو نازل بقوة وتصميمات رائعة ومواتير تيربو وحاجة اخر دلع
انا شوفت برده كل الموديلات وال508 رائعة بجميع المقاييس وعربية تلوح
انا شوفت القشقاى الجديدة برده ومعجبتنيش الحقيقة
وفى الفئة دى وبسعر 230 الف البيجو 3008 تكتسح وعربية ممتازة وموتور فاجر
تحياتى ليك ياباشا :)
العفو ياباشا ومؤيد لكلامك كله :)
لحد دلوقتى اه
العفو ياباشا
هو طبعا رأيك يحترم بس بختلف معاك شوية فى الترتيب :)
طب تمام
و الله محتار فعلا، انا معاك ان البي ام حاجة تانية، لكن اولا انا هاجيب ال premium اللي هي أول فئة، ثانيا، حاجة مثلا زي السماعات لا تقارن بسماعات عربيتي القديمة السيات ألتيا! كانت جبارة! لكن في البي ام ٤ سماعات صغيرين، اتنين في الباب و اتنين في الرف ورا! و من غير فتحة سقف و زينون. لكن طبعاً العربية مش بس كماليات، و في نفس الوقت البيجو ميكانيكيا مش وحشة خالص. المشكلة الوحيدة ان بيتهيألي مفيش تست درايڤ في بيجو فمش هاعرف أقارن اوي.