ممكن بتفسير علمي ايه سبب عطل المواتير؟ لو حد عندة معرفة بالسبب الفني و اذا أمكن الشرح بطريقة مبسطة حتي نفهم أكون شاكر جداً و اقدر افهم ازاي موتور جديد يحل المشكلة.
تحديث لما كتبت حتي تكون الصورة كاملة:
١) انا غيرت الطنابير الأمامية و التيل الخلفي و البوجيهات بالضمان لكن طبعاً بعد اجتهادات كتيرة، النتيجة ان في تعليمات من gm الآن بتغيير الطنابير وغيره في الضمان للمستحقين و انا مشارك في رابطة الفيس ( هي أهدافها المعلنة والغير معلنة مختلفة تماماً عن نايل موتورز) و تاكدت من بعض الملاك انهم غيروا الطنابير علي حساب الوكيل.
٢) اداء السيارة استمر غير جيد لفترة بسيطة و بعد كده (في التوكيل طلبوا مني أن أمون ٩٢ فقط) الأداء تحسن كثيراً و سحب السيارة اصبح ناعم و أسلس و قوي. يبدوا ان البوجيهات الجديدة عملت فرق.
٣) ما زال مسلسل عطل المواتير مستمر :) و الوكيل بيعرض عندها تغيير الموتور داخل الضمان والحقيقة انا لهذا السبب طلبت لو ممكن يكون في تفسير علمي لهذه المشكلة حتي افهم.
٤) التكييف أداءه الآن جيد بعد تغيير خرطوم التكييف ، المشكلة الآن هي احيانا تصدر عنه رائحة سيئة مع اني لا استخدمه كثيرا و ما باستخدمش معطرات الا نادر و غالبا هي الي بتتعلق علي المرآه و خفيف جداً.
٥) مهم جداً مركز الصيانة ، انا كنت باعمل الصيانات بمركز معتمد لكنة فاضي تماما علي عكس المراكز الآخري ، طبعاً لو السيارة ليس بها العيوب السابق سردها ممكن الامور تمشي ببساطة لكن طبعاً قله الخبرة أدت الي اني احتجت وقت طويل حتي احلىالمشاكل طَي او حتي اعرف انها موجودة.
شكرًا جزيلا
المفضلات