الموضوع: الى ملاك سيفيك 2007-2010 افيدونى ارجوكم

انا معايا حوالى 115 الف و كنت عايز اجيب عربية مستعملة و محتار بين السيفيك و الجيتا , و فى ناس كتير بيقولو السيفيك احسن من الجيتا فكنت عايز اعرف اسعار قطع غيارها و العيوب من وجهة نظركم و موضوع انها واطية عن الارض , و استهلاك بنزينها جوة البلد و على الطريق , و لو حد يعرف لو كشفت فى التوكيل عن عربية , بتبقى التكلفة كام تقريبا , و لو حد من طنطا او المحلة يا ريت يقول لو حد بيبيع قطع غيارها و الصيانات بتاعتها فين .. معلش عندى اسئلة كتير :d , اشكركم

طيب هو في سؤال انت في طنطا قطع الغيار هتلاقيها فين ومين في طنطا بيفهم في الهوندا اصلا مش تشوف الحجات دي الاول ورد علينا واحنا معاك

لو حضرتك بتسال في مصر فين اقولك لكن انا كان سؤالي انك تتاكد في في بلدك صيانه ليها وقطع غيار ولا كل ما هتعطل هتطلع بيها مصر انزل عندكم في اماكن بيع قطع الغيار واسال متوافره ولا لاء

هو حضرتك فى مركز صيانة بيشتغل فيها

باختصار السيفيك واطية بس مصفحة يعني مهما حكت مابيبانش حاجة من تحت الا لو العتب جالة حاجة ودة بيتسمكر الكشف في التوكيل ٤٠٠ جنية مراكز الصيانة الموثوق فيها في الحرافيين ماتخليش اي حد يلعب فيها هاتقل من قيمتها و هاتتبهدل قطع غيارها اكيد اغلي من الكوري بس تستاهل هيه ركوبة وشكل حلو جدا و طبعا اداء و اعتمادية رائعة يكفي انها مخلياني مافكرش اغيرها الا لو هاجيب بي ام دبليو الفئة الثالثة الشكل الجديد

نسيت استهلاك البانزين جوة البلد لما بفول من ٣٥ الي ٣٧ لتر بعمل بيهم حوالي ٣٥٠ كيلو وطبعا بتفرق جوة البلد طرق سريعة زي الدائري في القاهرة او وسط القاهرة المعدل بيزيد في السفر تقريبا بتعمل من ٦.٥ الي ٧ لتر في ال ١٠٠ كيلو

المشاركة الأصلية كتبت بواسطة madooomad

نسيت استهلاك البانزين جوة البلد لما بفول من ٣٥ الي ٣٧ لتر بعمل بيهم حوالي ٣٥٠ كيلو وطبعا بتفرق جوة البلد طرق سريعة زي الدائري في القاهرة او وسط القاهرة المعدل بيزيد في السفر تقريبا بتعمل من ٦.٥ الي ٧ لتر في ال ١٠٠ كيلو

تسلم ربنا يخليك , يعنى فى نظرك احسن من الجيتا

بص يا غالي العربيه جميله ما شاء الله عليها وافضل من اي حاجه بس الشراء لو حجات تانيه كتير غير انها احسن او اوحش اسال الاول صيانتها عندك في الدلتا فين وفي صنيعيه لها عندك ولا لاء ولا كل ما العربيه هتحتاج حاجه هتسافر مصر عادي لو كده جبها وبالنسبه لقطع الغيار هي مش اغلى من الكوري هي اغلى من الياباني كله ويمكن زي بي ام في سعر قطع الغيار وبالتوفيق يا غالي شوف ورد علينا واحنا كلنا معاك

المشاركة الأصلية كتبت بواسطة خالد دياب

بص يا غالي العربيه جميله ما شاء الله عليها وافضل من اي حاجه بس الشراء لو حجات تانيه كتير غير انها احسن او اوحش اسال الاول صيانتها عندك في الدلتا فين وفي صنيعيه لها عندك ولا لاء ولا كل ما العربيه هتحتاج حاجه هتسافر مصر عادي لو كده جبها وبالنسبه لقطع الغيار هي مش اغلى من الكوري هي اغلى من الياباني كله ويمكن زي بي ام في سعر قطع الغيار وبالتوفيق يا غالي شوف ورد علينا واحنا كلنا معاك

شكرا يا استاذ خالد ربنا يخليك :d