نتشه خلفيه فى x3

**Medomedoz** · 19-01-2015 06:55 PM

السلام عليكم ورحمه الله وبركاته ...عندى مشكله فى x3 وهى ان وانا ماشى على سرعات قليله واحى ادوس بنزين بحس بنتشه كده جايه من الخلف ..ومكنت شاكك انها فى الفيس بس النتشه بتحصل على نفس الغيار والحمد لله فى النقلات مبسمعش صوت اى تنتيشه .ف هى غالبا مش من الفتيس ..العربيه موديل 2007 ماشيه ١٢٠ الف كيلو ..وياريت لو عنوان اى ورشه او مركز صيانه محترم يكون بيفهم فيهم ..وشكرا جزيلا

**NaderNabil** · 19-01-2015 07:09 PM

لو بتحس بيها من الخلف يبقى احتمال فيه حاجة في الdifferential او الكرونة

لازم توديها لحد متخصص بي ام يكشفلك عليها

**Medomedoz** · 19-01-2015 07:40 PM

هى بحس بيها من الجنب اليمين الخلفى

**ahmed 999** · 19-01-2015 08:02 PM

السلام عليكم ياريت يا استاذ / ميدو تعملنا تقرير عن العربية ومميزاتها وعيوبها واسعار الصيانة وقطع الغيار وهل متوفرة ولا لآ وحضرتك شاريها زيرو ولا مستعمل وكل شئ عنها لآنى ناوى ان شاء الله اجيبها مستعملة بس الحاجات دى مخوفانى منها ومعلش هاتعبك معايا شوية ولك جزيل الشكر .

**eng.m7md.ali** · 19-01-2015 08:05 PM

مدام جنب من الجنبين بيحصل فيه كدة ممكن يكون في مشكلة في كوبلن

**م/أحمد عبد الفتاح** · 19-01-2015 09:57 PM

فيه شوية حاجات سهلة تعملها الأول :
- تظبيط ضغط الكاوتش .
- الكشف على كاوتشات وقفزان تعليق علبة وماسورة الجاكمان الخلفية.
- تربيط العفشة .
ولو كنت مغير مقاس الكاوتش لمقاس أكبر يبقى إحتمال كبير يكون هو السبب وترجع تانى للمقاس الأصلى .
وكمان تشوف اخر مرة غيرت زيوت الكورونة الخلفية والأمامية والـ transfer case إمتى وتغيرهم لو كان موعد تغييرهم قرب.
الحاجات دى تعملها كل حاجه لوحدها وتجرب علشان تعرف السبب وتقولنا عليه :)

وبالتوفيق إن شاء الله وإبقى تابع النشر وطمنا على التطورات

**م/أحمد عبد الفتاح** · 19-01-2015 10:11 PM

ساعات كمان بيبقى فيه مسمار أو حديدة فى الكاوتش بس مش مسبب خرم للكاوتش برضه دى ممكن تسبب الصوت يبقى بالمرة إكشف على الكاوتش الخلفى لو فيه مسمار غارس فيه