استفسار ما هو افضل يو بي اس ..او انفرتر ..او مانع انقطاع التيار الكهربائي

ما هو افضل جهاز يو بي اس ups (مانع انقطاع التيار الكهربائي)

كنت عاوز اشتري جهاز ups واللي بيركب على بطارية خارجية.

ياريت اللي جرب جهاز وشغال معاه تمام... يقول لنا نوعه ايه .. ونشتريه منين ؟

في انتظاركم

من افضل الانفرترات سوكام ولمينوس
لكن الموضوع اكبر من مجرد اسم ماركة نظيفة
فيه عملية حساب الاحمال ونوع التيار اللي بيخرجه pure sine wave
ونوع البطارية وعدد البطاريات

حاول تبحث على النت عن موضوعات بتتكلم عن الموضوع ده

سوكام هندى بس تخلى بالك انه بيور pure ودى نوعية الطاقة الخارجة
ممكن تقرأ الموضوع ده يفيدكhttp://www.nilemotors.net/Nile/430457-a.html

شكرا لنصائحكم

وانا فعلا الان اشتريت سوكام اللي هو 825 تقريبا كيلو الا ربع

بس انا ملاحظ حاجه انه من وقت ما ركب .. منذ اكثر من اربع ساعات وهو بيشحن في البطارية ... واللمبه بتاعت الشارجر منوره

هل هو بيقى على طول بيشحن في البطارية
ام المفروض انه بيفصل بعد ما البطارية تكتمل الشحن

ده صورة ال ups
http://stat.homeshop18.com/homeshop1...bf003d4003.jpg

هيفصل على طول بس اربع ساعات كتير جدا

الفروض لو انت مركبه على الاحمال مباشر بيكون فى وضع استعداد
انا عندى اللومينوس بيكون 2 لمبه لوضع الاستعداد... وعند الانقطاع لمبه واحده بتشتغل مع صفاره الانذار
وفى وضع الشحن بيكون 3 لمبات فيهم لمبه الشحن وبتفصل بعد الشحن مباشر

شاكر اهتمامك استاذ طارق
انا موصل الجهاز على مفتاح اوتوماتك في لوحة الشقة ... والمفتاح ده محمل عليه خط طوارئ محمل عليه اناره واشياء بسيطه حسب قدرة الجهاز

اول حاجه الجهاز لسه ما جربتوش لم الكهربا تقطع لان انا لسه جايبه انهارده والكهرباء ما قطعتش النهادره
بس انا فصلت المفتاح العمومي للشقه وجربته لمدة خمس دقايق اشتغل تمام

و دي طبعا المره الاولى لشحن البطارية
مع العلم ان البطاريه كانت عندي وما اشتغلتش من ثلاث شهور تقريبا
بطارية 150 امبير

انا قرأت في الكتالوج بتاعه انه اللمبه بتاعت الشحن لو بتنور وتطفي يبقى بيشحن في البطارية
اما لو منوره على طول بشكل ثابت يبقى هو في وضع الاستعداد وان البطارية اكتملت الشحن

هو عندي اللمبه بتنور وتطفي من ساعت ما ركبته .. يعني من الساعه تقريبا سته ونص العشاء يعني دخلت في اربع ساعات
مع العلم ان زي ما قولت : ان دي اول مره يشحن البطارية .. يعني اول شحنه للبطارية عن طريقه .

تمام كده فتره الشحن طويله لان البطاريه اكيد فاضيه

انا هقولك هو راكب عندى ازاى لان اللى ركبه مهندس تبع اللى جابلى الانفيرتر وممكن تفهم دى للكهربائى واظنها ممتازه جدا ومريحه جدا

هو صفى لى الاحمال من لوحه مفاتيح الشقه.. يعنى تقريبا نور لى الشقه كلها ماعدا المطبخ والحمام والتكييفات اصلا لها توصيله لوحدها بعيد عنهم وركب توصيله الانفيرتر مباش مع الاحمال
وقت انقطاع الكهرباء انا لااتدخل فى اى شىء حتى مبعرفش انها قطعت غير من صفاره الجهاز او لو لقيت لمبه واحده هى اللى شغاله بصراحه ممتازه جدا ولاتحتاج منى فصل او وصل الجهاز

وكل حاجه مكتوبه فى الموضوع ده


http://www.nilemotors.net/Nile/435676-a.html

اقتباس:

---

المشاركة الأصلية كتبت بواسطة طارق _عبد السلام

هو صفى لى الاحمال من لوحه مفاتيح الشقه.. يعنى تقريبا نور لى الشقه كلها ماعدا المطبخ والحمام والتكييفات اصلا لها توصيله لوحدها بعيد عنهم وركب توصيله الانفيرتر مباش مع الاحمال
وقت انقطاع الكهرباء انا لااتدخل فى اى شىء حتى مبعرفش انها قطعت غير من صفاره الجهاز او لو لقيت لمبه واحده هى اللى شغاله بصراحه ممتازه جدا ولاتحتاج منى فصل او وصل الجهاز

---

نفس الفكرة انا منفذها عندي

تمام دلوقتي اللمبة استقرت وده معناه انه تم الانتهاء من الشحن بعد خمس ساعات تقريبا

وده موضوع عن كامل تفاصيل الجهاز بس الانجليزي
Home UPS/Inverter Back Panel switch – How to Use it?

تحياتي