مقارنه بين الشارك 2015 وسيراتو 2015

**ابو رضوان** · 20-01-2015 07:42 PM

السلام عليكم
انا عضو جديد وبتمنى انكم تشاركونى الرأى مقبل على شراء سياره فى حدود 170000 وكنت محتار بين الشارك هاى لاين هاى تريد وبين السيراتو ....
الشارك شكلها حلو والهاى لاين فيها كماليات كتير لكن بصراحه شكل السيراتو جاذبنى اكتر بس مش عارف السيراتو بنفس السعر ده هيكون فيها اوبشن ايه؟؟
ممكن حد يفيدنى وشكرا

**Hunting_Eagle** · 20-01-2015 08:29 PM

ب 170 الف ممكن تجيب سيراتو محترمة بردو و مليانة اوبشنز اكتر من الشارك مرة و نص

ده ما يمنعش ان سواقة الشارك احلى من سواقة السيراتو

بالنسبة لأسعار السيراتو عندك الوكيل منزل تقريبا 8 فئات .. و عندك عدد لا نهائي من الفئات عند تجار الخليجي

ممكن تاخد فكرة في قسم كيا عن الأسعار .. و بعد كده تسأل بنفسك في المعارض و تشوف على الطبيعة

خلي بالك بردو توكيل ميتسوبيشي دايموند عامل خصم على الشارك .. و أسعاره بقت ارخص من هاي تريد و الرواس

بالتوفيق

**ابو رضوان** · 20-01-2015 08:40 PM

اولا شكرا على الرد السريع
ثانيا هاى تريد عنده اوبشن اكتر فى الهاى لاين من دايموند زى غطاء عازل صوت وحراره والجريده اللى على الباب وخشب ابانوس عشان كده كنت هختار هاى تريد...

**Hunting_Eagle** · 20-01-2015 09:11 PM

تحت أمرك ..

الهاي لاين في الاتنين انا شوفتهم عند سمير ريان

كانوا زي بعض .. بس الهاي لاين بتاعة هاي تريد كانت زيادة حاجة واحدة بس مش فاكرها الصراحة

الاتنين كان فيهم ابانوس و غطاء محرك و كاميرا خلفية و الحاجات الباقية .. و تقريبا بردو الاتنين كانو بنفس السعر

دلوقتي الهاي لاين بتاعة الوكيل رخصت 5 جنيه من 166 الف ل 161 الف .. يعني السعر في صالح الوكيل

اتأكد تاني من السعر و المواصفات قبل الشراء و بالتوفيق

**hugan** · 20-01-2015 09:40 PM

سيراتو

**crazy car** · 21-01-2015 01:24 PM

سيراتو

**ابو رضوان** · 21-01-2015 04:38 PM

شكرا لكل الاعضاء ..
بس عايز اسأل العضو Eng.Mark يعنى ايه اليابانى اعتماديه اعلى ...ممكن تشرح

**janjon1978** · 21-01-2015 07:02 PM

مبداءيا انا مش معايا دي ولا دي انا معايا مازدا فمش متحيز لعربية منهم
الشارك احسن في الثبات علي سرعات عالية يعني اعلي من 150 و كمان العربية عالية جدا فانسي انها تحك في مطب
اما السيرتو انعم و صوت الموتور واطي و العفشة ملبن و كماليات كتيرة زي البلوتوث مرايات ضم و مثبت سرعة الحاجات دي مش موجودة في الشارك
الاتنين زي بعض في الاعتمادية و اسعار قطع الغيار و سعر اعادة البيع
اختار انت عايز اية