محتاج مساعدتكم ضرورى اشترى بريليانس v5 اخر فئة ولا تيريوس glx موديل 2015

**manny3000** · 20-01-2015 09:14 PM

معلش محتاج مساعدتكم ضرورى انا بدور على العربية اللى تعيش معايا اطول و من غير مشاكل و اقل فى العيوب مش مجرد اسم و علامة او شكل فياريت تفيدونى خصوصا الأتنين حجمهم و ارتفاعهم عن الأرض مناسب جدا و عايز اعرف معاملة التوكيل لأعطال و الصيانة مين احسن منهم . محتاج رد من الناس الخبرة فى اسرع وقت لأنى ان شاء الله هجيب واحدة منهم الأسبوع اللى جاى كاش

**ENG.MaRk** · 20-01-2015 09:45 PM

بريليناس كشكل و كماليات أحسن من التيريوس

**ENG.MaRk** · 20-01-2015 09:47 PM

و كمان فرق القوة لصالح البريليانس (118 hp مقابل 105) و فرق السعر انت أولي بيه

**a7med ezz 20** · 20-01-2015 10:36 PM

انت بتقارن ايه بايه ، مع احترامي للاراء التريوس تكسب طبعا ، عربية اعتمادية لاقص درجة وتستحمل ويباني

**manny3000** · 20-01-2015 11:30 PM

شكرا جدا لردك السريع و انا مقتنع بكلامك بس كله عمال يقولى فى الأخر صينى و فى اعادة البيع مش حلوة و بيخوفونى منها و من توكيلها و انا محتاج ابقى متاكد من انى ما اندمش من اجيبها

**manny3000** · 20-01-2015 11:33 PM

طب ممكن يا استاذ احمد تشرحلى بتفصيل اكتر عن التيريوس مع خبرتك بيها لأنها معاك و اخبار الصيانة و التوكيل ايه معاك لو مفيش ازعاج ليك

**manny3000** · 20-01-2015 11:35 PM

و ياريت تقولى اخبارها فى السرعات ايه معاك

**ENG.MaRk** · 21-01-2015 09:24 AM

المشاركة الأصلية كتبت بواسطة manny3000

شكرا جدا لردك السريع و انا مقتنع بكلامك بس كله عمال يقولى فى الأخر صينى و فى اعادة البيع مش حلوة و بيخوفونى منها و من توكيلها و انا محتاج ابقى متاكد من انى ما اندمش من اجيبها

-جنسية العربية مش مقياس لجودتها أو اعتماديتها و غالباً اللي بيفضل يقول صيني و الكلام ده مش بيبقي من ملاك العربية ولا عمره ساقها قبل كدة ... يدوب شافها مرة مرتين في الشارع أو آخره اتفرج عليها في معرض !!!
-اللي يفيدك فعلاً في موضوع زي ده واحد من ملاك العربية أو واحد ساق العربية لفترة لا بأس بها :) !!!
-موضوع الاعتمادية ده يتناسب تناسباً طردياً مع اهتمامك بالعربية و طريقة سواقتك يعني لو انت بتحافظ علي العربية و سواقتك هادية و بتعمل الصيانات الدورية في ميعادها العربية هتعيش معاك !!!
-التوكيلات في مصر عموماً مش بالمستوي المطلوب و سواءً كنت بريليانس أو تيريوس التوكيل هيقرفك !!!
-بالنسبة لإعادة البيع ... هقولك نصيحة صغيرة :) ... لو بتفكّر تبيع قبل ماتشتري يبقي بلاش تركب عربيات لأن العربيات معمولة للمتعة مش لوجع الدماغ يعني من الآخر كدة make the most of it !!!
-التيريوس أنا عن نفسي ماسوقتهاش غير 3 مرات بس و علي سبيل التجربة و هي عربية ككل مش وحشة بس في نفس الوقت مش حلوة و ثباتها علي السرعات العالية مش قوي :)
-البريليانس ركبتها مرتين بس ماكنتش أنا اللي سايق بس عموماً هي كشكل و خامات و اداء أحسن بمراحل من التيريوس و أظن التقرير ده هيفيك و يحببك في العربية :) !!!
http://www.nilemotors.net/Nile/319925-v5-5000-a.html
أنا حكمي محايد جداً و مش ميّال لأي عربية لأن الأهم بالنسبالي الsafety و الperformance و ده الفيصل بين أي عربيتين عايز تحكم بينهم !!!
تحياتي و آسف علي الإطالة

**a7med ezz 20** · 21-01-2015 05:23 PM

بالنسبة للصيانات انا عملت فالاول الصيانات مع التوكيل لحد ما خلصت فترة الضمان ، بعد كدا بعمل الصيانات بنفسي الصراحة وبشتري قطع غيار اصلية من خارج التوكيل ، التوكيل مشفتش منه حاجة وحشة الصراحة ، تقيم العربية فالسرعات العالية جيدة لحد 120 ، بعد كدا مقبولة ل 140 ، بعد كدا خطر وهتعوم جامد . فالمجمل العربية مش عربية جري وسرعات عالية ، العربية عفشة متينه اوي ، ارتفاع جيد جدا عن الارض ، طاج متين لاقصي درجة ، موتور اعتمادي من الدرجة الاولي اعطاله تكاد تكون منعدمة ، العربية تنغع للخدمة الشاقة اوي والطرق المبهدلة " ودي ما فيش اكتر منها دلوقتي " سعر اعادة البيع حلو جدا وقطع الغيار متوفرة جدا وسعرها مقارنة بباقي السيارات من الفئة دي رخيص . تقريبا نفس رنج الكوري ، تقفيل العربية ممتاز جدا ، العيب الوحيد هو قلة الرفاهية فيها بس مش اكتر والثبات علي السرعات . ملحوظة انا مركبتش البريليناس v5 ومبقولش عليها عربية وحشة . بس سمعت عنها مشاكل كتيرة بس

**manny3000** · 21-01-2015 11:45 PM

شكرا جدا ليك يا استاذ احمد و يا بشمهندس مارك و انا لسة محتار بعد ما شفت كمان سوزوكى sx4 الموديل الجديد 2015 هى زى البريليانس و اوسع كمان بس مش ﻻقى حاجة تنافس التريوس فى ارتفاعها عن الارض