صيانه كورسا 2005

**Mohamed Fathy** · 21-01-2015 09:00 AM

تم بحمد الله شراء كورسا 2005 شكرا لكل واحد وجهنى لانى اجيب العربيه دى بدل ما كنت اجيب فيرنا ربنا يبارك لكل ملاكها :D انا بس كان عندى كام استفسار بخصوص قطع الغيار كسعر وميكانيكا
انا مفروض انى اغير سير كاتينه وسير مجموعه وزيت وفلتر المفروض اشترى منين والحاجه ليها اسم معين والزيت نوعه ايه وكام الف والفلتر اغيرو كل قد ايه وهل ممكن ميكانيكى عادى يعملى الصيانه دى وممكن لو حد يقولى اسعار قطع الغيار دى كام وامتى ابص على زيت الفرامل زيت الباور وزيت الفتيس والفلاتر انا مع العربيه دى ابيض لانى راكب بيجو 205 كوبيه مش معقده تماما بس دى فيها حاجات كتير وانا قلقان اغلط ابوظ الدنيا ولو فى احتياطات اخد بالى منها اى معلومه اى حاجه هتفيدنى ارجو المساعده وربنا يبارك فى احلى منتدى

**elctroman** · 21-01-2015 12:11 PM

بص ياباشا انا لسه مغير الاتى
سير كاتينه 80 جنيه
سير دينمو 125 جنيه
بلية شداد 100 جنيه
طقم بوجيهات جى ام 150 جنيه
فلتر بنزين 50 جنيه
فلتر هواء 25 جنيه
والحاجات ده فى محل اسمه الصابرين فى اخر شارع فيصل وفى محل اسمه التيسير ده بتاع قطع غيار اوبل فقط امام ابوزيد بتاع قطع الغيار فى المريوطيه فيصل
والميكانيكى اسمه احمد فى فيصل متخصص اوبل وشيفلوليه 01009843514 ومحترم جدا وسعره ممتاز

**Mohamed Fathy** · 21-01-2015 07:02 PM

متعرفش حد فى مدينه نصر طيب اصل انا ساكن فى شيراتون مطار القاهره

**eng wael** · 21-01-2015 07:30 PM

مبروك ربنا يباركلك فيها ويكفيك شرها
لو كنت ناحيه اكتوبر كنت قولتلك على واحد شاطر
ماتقلقش من حاجه بس لو لا قدر الله ظهر عندك اى عطل ماتسلمش نفسك لاول فتوى من اى حد اسأل الاول كذا واحد لان فيه ناس بتحب تعمل شغل