اسئله عن صيانه كورسا 1000 سي سى موديل 99

**Yarisawy** · 18-01-2008 09:24 PM

انا معايا عربية كورسا 1000 موديل 99 من سنه ونص والحمد لله ماشيه كويس بس احب اقولكم انى دى اول عربية اركبها فى حياتى وهى اللى اتعلمت عليها السواقه اصلا

وطبعا اجهل اى حاجة عن صيانه العربية وايه المفروض يتعمل دا انا حتى لما اشتريتها قعدت فترة كبيرة ولا ابص على الزيت ولا مياه لحد فى مرة واحد قالى صوت الموتور عالى اوى وكشفت عليه وطبعا كان فى الضياع والراجل قالى الحمد لله ان محصلش حاجة

المهم انا معلوماتى يادوب دلوقتى انى اغير زيت كل 10 او 5 الاف حسب اللى باشتريه وانى بغير الفلتر معاه
وكل كام يوم ابص على المياه والاقيها ناقصه وبزود ... دا كمان اليومين دول بلاقى العربية بعد ما بامشى بيها الصبح شوية الاقى درجة الحرارة على اخرها واكتشف انها بتسرب المياه كلها فبزودها

المهم يارجاله معلوماتى بس انى اغير زيت اجيب ينزين 92 وبس

ولما العربية بيحصل فيها حاجة "اللى دايما يحصل معايا مشكلة فى الحساسات" بروح التوكيل

بصراحة انا بقيت بخاف اروح التوكيل لانى بصرف مبلغ وقدره

ومش عارف واحد كويس اثق فيه يضبط العربية .. لانه لو اكتشف ان مبفهمش اى حاجة اكيد هايشتغلنى

ممكن حد يقولى ايه هيا الصيانه الدورية للعربية دى وليها زيوت ولا حاجة لازم تتغير كل فترة

وياترى فى حد كويس يفهم واسعاره كويسة يعرفوا

ياريت اى حد عنده معلومه ما يبخلش عليا

وسلامو عليكو

**volcano12** · 18-01-2008 11:35 PM

بس يا سيدى :) شكل كده موتورك ابتدى يهيس زى باقى المواتير الالف ... اسمع منى بقى :)
1)العربيه بتسخن عشان احتمال بنسبة 90% الزيت ناقص عشان بتليك زيت... و بالتالى الموتور بيسخن و المياه بتتبخر و تغلى و تخلص....

لمعالجة الموضوع ده شيك على الزيت كل فتره أسبوع مثلا على حسب بينقط اد ايه و ان شاء الله المياه حتظبت معاك
بالنسبه للزيت عشان التلييك و صوت الموتور العالى بسبب التاكيهات .. حط زيت بنزينة التعاون اللى لونه أسود و ب 40 جنيه أول حاجه المفروض الصوت يتحسن عشان الزيت ميقعش على طول فى اللفه جوه الموتور و ده ناتج عن تلف بلوف التاكيهات... و تلنى حاجه الزيت التقيل سرعة التلييك بطيقه.... ده كلام واحد فى التوكيل .. المهندس

2)موضوع الحساسات ده مالهاش حل .. أوى !! ده عيب فى الموتور!!

الحل 3 حجات
1)عمرة موتور و ده حتكلف من 2000-5000 جنيه :( بس مشكلة السينسور لسه قايمه
2) بيع العربيه و ريح دماغك و سيبها لحد يعرفلها صرفه
3)تغيير الموتور بموتور تيجرا 1400 2 كامه.. و بصراحه الاداء أكثر من رائع و أظن Modux يقدر يشرحلك أكتر من تجربه شخصيه و زى ما شرحلى... حتكلفك حوالى 6500 و بجد بتبقى أحلى من الجديد
أنا فى اسكندريه لقيت واحد بيغير كله عنده مراوح موتور و كمريسور ب 7000

شوف الحل اللى يناسبك أكتر من التلاته و للاسف هى ده بس الحلول!! و ربنا يوفقك!! معلش العيب ده موجود فى العربيه ده بس :( ال 1200 لأه ...
على فكره حتلاقى عندك الدريكسيون بيحدف شمال كمان صح؟

ربنا معاك و معانا :(

**modux** · 19-01-2008 03:36 AM

اولا احب اقولك يا محمد ( فولكانو ) انك واحشني جداااااااااااااااااا

ثانيا انتا شرحت و زيادة و قولت كل الحلول

بالنسبة لموضوع تغير الموتور ب 1400
اتكلف عليا 6500
بس ده بطقم فرامل قدام جدبد ( 300 جنيه )
و اسطوانة و ديسك و بليه الدبرياج ( 950 جنيه )
و طرمبة ميه 250 جنيه
و كمان ظبط التكييف و شحنة 300 جنيه

انما الموتور نفسه اتكلف 4500 بالتركيب

ثالثا واحشني بردووووووووو

**Yarisawy** · 19-01-2008 10:19 AM

اولا شكرا على المساعده

ايه ده ... انت بجد عرفت ازاى انها بتحدف شمال .... المفروض قالولى انى اغير علبه الدركسيون مع الدراعات لان الدركسيون ساعات يبقى خفيف اوى معايا ومرة يبقى تقيل اوى ده غير انه كده كده حادف شمال .... بس بجد عرفت ازاى وايه حلها وكمان على فكرة عداد السرعة بيقف لوحده وساعات اسمع صوت هوا جاى من على يمين التابلوه

بالنسبه بموضوع الزيت انا كل كام يوم بشوفه والمفروض انه مش بينقص ... بس هاكشف عليه النهارده اول ما انزل واقولك الاخبار

عمره الموتور ولا ان اغيره اعتقد انه مش حل مادام هاتفضل مشكة الحساسات يبقى ليه اكلف نفسى 5000 جنيه على الفاضى ... يعنى مفيش افاده

بجد انا اتصدمت لان فاكر ان العربية مفيهاش مشاكل كبيرة لان بصراحة العربية مش بتعمل مشاكل جامده فى ناس تانيه كل يومين عند ميكانيكى لكن انا الحمد لله مش كده وانا حاسس لو كنت باعمل صيانه دورية ليها كل شوية مش هاتحصل مشاكل كتيرة كده ولا ايه رأيكوا

**ghost10** · 25-03-2008 10:43 PM

انا معايا عربية اخت اللى معاك ومافيش اى مشكلة من اللى بتحكى عليها حصلت معايا العربية اكثر من رائعة وكان نفس مأضطرش لبيعها ولكنى سوف ابيعها عما قريب
ومن الاسباب اللى منرفزانى ان العربية ما شفتش منها حاجة غلط من ساعت ما ركبتها من عامين
بصراحة العربية اكثر من رائعة وتتحمل طبيعة الطرق فى مصر المهم الميكانيكى يكون فاهم علشان ما يتوهكش ويفتح فى حاجة ملهاش لزمة
ورببنا يبارك لك فيها ويهدهالك

**ahmed5506090** · 01-01-2010 05:12 AM

معلش يا جماعه اخوكم احمد من اسكندرية ومعايا كورسا 1000cc موديل 98 كنت عايز اسئل الاخ الكريم هو جاب المتور التجرا 1400 ده منين عاشان انا بجد نفسى اغير المتور قبل محلته تضعف قوى ..
وشكرا

**N.a.j.d** · 02-01-2010 06:18 PM

نشوف رد علاوي باشا

**tamertamer** · 03-01-2010 07:31 AM

المشاركة الأصلية كتبت بواسطة ahmed5506090

معلش يا جماعه اخوكم احمد من اسكندرية ومعايا كورسا 1000cc موديل 98 كنت عايز اسئل الاخ الكريم هو جاب المتور التجرا 1400 ده منين عاشان انا بجد نفسى اغير المتور قبل محلته تضعف قوى ..
وشكرا

خليك فى 1200 اسهل وافضل فى قطع الغيار لان 1400 هتعيش عمرك كولو على الاستيراد ولما تيجى تبيع العربية هتبقا معيوبة بالمتور دة نصيحة

**hanykd** · 03-01-2010 09:18 AM

المشاركة الأصلية كتبت بواسطة ahmed5506090

معلش يا جماعه اخوكم احمد من اسكندرية ومعايا كورسا 1000cc موديل 98 كنت عايز اسئل الاخ الكريم هو جاب المتور التجرا 1400 ده منين عاشان انا بجد نفسى اغير المتور قبل محلته تضعف قوى ..
وشكرا

السلام عليكم ورحمة الله وبركاته

لو عايز موتور 1200أو 1400 وإنت من إسكندرية يبقى عليك وعلى على لادا جنب قسم الجمرك فى بحرى بعد باب 10 علطول
أو عليك وعلى يسرى كورسا اللى فى صلاح الدين الشارع ا قدام مطعم الجمهورية اللى فى أول الشارع بعد شركة الكهرباء بشوية
ولو حبيت تاخد تليفوناتهم كلمنى على الخاص وأنا أديهالك

أخوك فى الله هانى

**N.a.j.d** · 03-01-2010 11:43 AM

تمااااااام يا هاني باشا

الموضوع: اسئله عن صيانه كورسا 1000 سي سى موديل 99

LinkBack

أدوات الموضوع

عرض

-

-

-

المواضيع المتشابهه

صيانه ال 1000 تيجو موديل 2012

كوستبنات كورسا 1000

أول صيانه ليا مع الصني (صيانه ال 1000)

سعر كمبروسور تكييف كورسا 1000 موديل 99

سير الكاتينة - كورسا 1000

الكلمات الدلالية لهذا الموضوع

المفضلات

المفضلات

ضوابط المشاركة