الموضوع: جبت تاب جالاكسي نوت اصدار ٢٠١٤ و مقارنه سريعه مع الايباد و شوية مشاكل سخيفه

صباح الخير
امبارح كلمت شركه عن طريق النت و بعتت الجهاز على البيت ب ٣٤٠٠ شامل التوصيل و بضمان ١٤ يوم ربنا يستر
طبعا اول صدمه لقيت الجهاز بدون سماعه
طبعا اتنرفزت جدا و حسيت انهم علقوها من الكرتونه لغاية ما كلمت شركات تانيه و اتاءكدت ان بيبقى فيه شحنات معينه بتييجي من غير سماعه و الشركه نفسها بعتت ليا لنك بيوضح انه من غير سماعه
اول حاجه نزلت ركبت واقي شاشه قبل الاستخدام و شغلته و ده انطباعي :
الجهاز كتصميم مش بطال و الضهر بتاعه جلد و وزنه خفيف بس برضه تحس ان الايباد افخم
الجهاز سريع جدا مقارنه الايباد ٣ و جربته في عملية نقل الصور من الكاميرا عن طريق الواي فاي فعلا فرق شاسع
سهولة نقل المعلومات و فتحها اولا عن طريق الفلاش ميموري و دي اكتر حاجه محتاجها

نييجي للعيوب و فعلا الحلو ما يكملش
الشاشه رغم جودتها العاليه الا ان شاشة الايباد اقوى و الموضوع ده بيبقى واضح لما تفتح الصور من على الفيس عشان بتبقى مضغوطه بتحس ان السما مثلا فيها بكسله و نويز بعكس الايباد انما في الحجم الطبيعي للصوره شغال بس حاجه تضايق عشان انا دايما برفع صور على الفيس
الخط بتاع الفيس صغير جدا و مش عارف يكبر منين حاجه تعمي

نييجي بقى للعيب الصعب الجهاز ساعات بيقفل لوحده لو سايبه مده و دورت في الاوبشن ملقتش ليها ظبطه و لقيت كلام كتير على النت بخصوص العيب ده و فيه ناس عملت ابديت و المشكله اتحلت و انا لقيت الابديت معمول و حصلت معايا مرتين لغاية دلوقت من امبارح مش عارف ايه الحل و يمكن ارجعه

المشاركة الأصلية كتبت بواسطة horas3000

انا قلت لك كده بس انت مصدقتنيش :)
انا كان جالي tab 4 (كان معاه سماعه بالمناسبه) و معجبنيش رجعت لل ipad 3 تاني

عموما انت محتاجه لهدف معين و اعتقد هيفيدك و برضه متستغناش عن ال ipad
و بالمناسبه شوف الاختراع ده هينفعك قوي قوي
جبت زيه من الكويت و انا راجع

ده عباره عن ايه شريف بيه ؟