بخصوص f3 tghdv

**emad2002** · 04-11-2008 08:47 PM

فى كام سوال محيرنى علشان انا لسه خايف من شراء العربية ده مش عارف ليه ممكن تكون تجربة جديده على وانا اتصلت بالشركة لقيت منها 3 تجهيزات
ب 68000 و70000و والنوع الثالث فتحة سقف مش فاكر كانت بحاجة وسبعين
المهم العربية بصراحه جميل بس انا عمال احسب التكلفة بتاعتها واقارن بين الاسعار مش عارف اقنع نفسى ازاى يعنى انا عرفت فعلا ان الموتور متسوبيشى
1600 سىسى وده حاجه جميل والعفشة تويتا وده اجمل طيب ايه اللى رخيص فى العربية وعمال احسبها مش راضية تيجى المهم ليه سوال عايز اعرف الاجابة علية الحاجات اللى احنا مش شايفنها زى طلمبة البنزين والتكيف وضفيرة الكهرباء والكمبيوتر (وحده التحكم) ياترى معموله ازاى صناعه اية علشان انا كده بفكر اخلص فى الموضوع بس دماغى عمال تجيب وتودينى مش عارف عندى اسئلة كتير
وانا بصراحه مشا اادر اشلها من دماغى خالص العربية ياجماعه على سعرها كده تحفة بجد

**adel_21381** · 08-01-2009 06:34 PM

السلام عليكم ورحمة الله وبركاتة

لو هتدفع كاش أبعد عن الصينى
انا امتلك السيارة موديل 2007 وعاملة 140000 الف كيلو

**OldVic** · 11-01-2009 09:43 PM

المشاركة الأصلية كتبت بواسطة emad2002

فى كام سوال محيرنى علشان انا لسه خايف من شراء العربية ده مش عارف ليه ممكن تكون تجربة جديده على وانا اتصلت بالشركة لقيت منها 3 تجهيزات
ب 68000 و70000و والنوع الثالث فتحة سقف مش فاكر كانت بحاجة وسبعين
المهم العربية بصراحه جميل بس انا عمال احسب التكلفة بتاعتها واقارن بين الاسعار مش عارف اقنع نفسى ازاى يعنى انا عرفت فعلا ان الموتور متسوبيشى
1600 سىسى وده حاجه جميل والعفشة تويتا وده اجمل طيب ايه اللى رخيص فى العربية وعمال احسبها مش راضية تيجى المهم ليه سوال عايز اعرف الاجابة علية الحاجات اللى احنا مش شايفنها زى طلمبة البنزين والتكيف وضفيرة الكهرباء والكمبيوتر (وحده التحكم) ياترى معموله ازاى صناعه اية علشان انا كده بفكر اخلص فى الموضوع بس دماغى عمال تجيب وتودينى مش عارف عندى اسئلة كتير
وانا بصراحه مشا اادر اشلها من دماغى خالص العربية ياجماعه على سعرها كده تحفة بجد

أستاذى العزيز،

كنت مع أحد الاصدقاء الذين دفعهم الفضول لرؤية تلك السيارة، بتسأل فيها إيه اللى رخيص؟! ببساطة كل شىء من أول أكرة الباب. و بالمناسبة أخذت بالى اليوم أنها بدون مساحة خلفية! سيارة هاتش بدون مساحة خلفية= خطأ غبى (و استرخاص ملوش حل)

إذغ كنت ترغب فى سيارة هاتشباك فعليك بالميتسوبيشى كولت (زيرو موديل 2007 ب 85000 جم) و ممكن تراجع قسم ميتسوبيشى ستجد العديد من الموضوعات عنها.

**أبومعاذ** · 12-01-2009 10:10 AM

بلاش تشتريها انا كانت عاجباني شكلها و انها موتور متسوبيشي بس مرة وقفت واحد في الشارع كان معاه الهاتش باك و قالي العربية زي الزفت بالحرف كدا و برضو حضرتك لو دورت عن المواضيع عن العربية دي هنا على المنتدى هتلاقي اغلب اصحابها بيسالو عن اسعار قطع غيار رغم ان العربية ملحقتش تمشي عشان تحتاج تغير اسطوانة و ديسك و التوكيل قالولوا الضمان من الأن على الموتور بعد ال30000كم والطقم الدبرياج على حسابك ب 900جنية وطبعا دا تهريج وواحد تاني مروحة التبريد باظت قبل العربية ما تكمل 5000
وشوف الاستاذ عادل غير ايه في المشاركة دي:
http://www.nilemotors.net/Nile/showp...6&postcount=37

**khaledazizeg** · 20-01-2009 08:20 PM

يا جماعة بردوا اكبر مشكلة هية الوكيل وهوا الامل
انا معاملتى كانت معاه وكان سئ جدا وبروح للميكانيكى بتاعى علشان يظبطلى اى حاجة احسن منهم

**sv065** · 25-06-2009 12:03 AM

السيارة أكثر من رائعة وصعب يكون فيه سيارة خالية من أي عيوب 100 100

غير أهم نقطة وهي سوء الإستخدام ودي حط عليها 100000 خط والكثير مش بيعمل حسابها وبيفترض إن العربية اللي تحت إيدة دي عبد عنده ولازم يطيعه بدون تفاهم خصوصا الشباب السخن في الشد والغرز والتفحيط وكل ده لازم يأثر علي العربية وعلي المدي الطويل

حتي في الماركات المشهورة

لذلك غالبية أي مشكلة تذكر عن ال byd بتكون في حدود المقبول ولا ترقي لأن تكون مشكلة تتسبب في رفض السيارة

وإذا دخلت علي الماركات الأخري فتسمع الكثير والكثير

بس بصراحة ال byd تعتبر من أجود الصيني

وصعب يتغير الرأي ده من شوية ملاحظات ليست بمشكلة