الموضوع: بخصوص f3 فلاير gli

المشاركة الأصلية كتبت بواسطة ابوشريف

أعرفك أخى مسلم انى مازلت من أشد المعجبين بهذه السياره وأتمنى لها النجاح

بعض الأشياء فى نظرى التى كنت أرى عندما قارنتها بالنيسان صنى أنها أفضل

1- اليايات مثل يايات الكرولا ذات مسافه واسعه بين الحلقات مما يجعلها مرنه فى المطبات

بعكس الصنى الملفات بين الحلقات ضيقه جدا ( وده السبب اللى بيخليها تدب فى المطبات )

2- الفرامل الخلفيه أقراص مهواه مثل الاماميه وده نظام موجود فى الكرولا 1600

3- فرامل abs وده طبعا غير موجود بالصنى

4- الايموبليزر وايضا غير موجود بالصنى

5 - بعض الاهتمام بالتقفيل غير موجود بالصنى مثل الاطارات الفبر حول العجلات الخلفيه والتى تقى الشاسيه من الطين

لكن فى نفس الوقت تدور فى ذهنى أسئله كثيره

المواد المصنع منها الاجزاء المهمه فى السياره كمثال اليايات او الاكسات او الكبالن

هل نثق انها صنعت من الخامات الاصليه ذات الصلابه والكفاءه المطلوبه كما تصنعها شركه مشهوره

تخاف على سمعتها مثل تويوتا او نيسان او هوندا .....الخ

الالكترونيات المستخدمه فى نظام abs للفرامل والايموبليزر

هل تقنيتها صنعت بالكفاءه المطلوبه والتى تجعلنا نطمئن لها ..؟

بالطبع الايموبليزر من الاشياء المعقده التى يمكن لاى عطل بسيط فى دائرتها الالكترونيه ان يتسبب فى تعطل دوران المحرك

وايضا لو مكونات نظام ال abs الحساس كانت من مكونات رديئه فاذن ذلك سيكون خطيرا جدا

عندما تفحصت موتور السياره وجدت انه بالفعل مختوم ميتسوبيشى

لكن عندما دققت فى كل طلمبة الباور _ كومبرسور التكييف _ جهاز ال abs

وجدت عليهم كتابه باللغة الصينيه مما يرجح انهم صناعه صينيه

هذا ما استطعت رؤيته بالنظر لكن هناك مكونات داخل الموتور مثل الكرنك والسبايك وطلمبة الزيت والحساسات

والبساتم والشنابر وغيرها من مكونات داخل الموتور هل نضمن انها من ميتسوبيشى أم صينية الصنع ..؟

أتمنى أن يكون كل مايدور فى ذهنى مجرد وساوس وشكوك

ولا يبقى أمامنا الا الايام وحدها هى التى تستطيع البى واى دى من خلالها اثبات كفاءتها وازالة كل الشكوك حولها

أحد أصدقائى يقول لى دائما ان شراء المنتج الصينى حظوظ

وأرجو من الله أن يكون حظك جيدا أخى مسلم

بص اخى ابو شريف فكرة ان الشركة ممكن تكون حطت مثلا اجزاء غير الاصلية فى المتور اظن دى مستبعدة لانها لما اشترت المتور اشترته من ميتسوبيشي و اذا غيرت فيه اظن ميتسوبيشي حتشيل قطعا العلامة لانه متغير و اصبح متور مش من صناعتها بل متغير يعني المفروض العلامة تتشال و يتحط ميتسوبيشي تكنلوجى زى ما محطوط فى البرلينس frv
بخصوص باقي الجزاء من مقصات و كبالن فهى ممكن تتغير بكرولا و ده اللى مميز العربية دى عن غيرها من الصيني يعني اقصد مينفعش اغير انا فى عربية اسبرانزا قطع يابانى بعكس البي واى دي يعني اشترتيت يابانى بس رخيص تمهيدا لشراء قطع يابانى اصلى علشان تكون العربية يابانى
و ده اللى اقصده من الموضوع كله لكن الصنى الفرق هوالتفنيش اللى ردئ جدا ف الصنى و خامتها برضوة
لكن قطع الغيار هى اللى تفرق انها ياباني عن البي واى دي لكن اللى يشتر البي واى دي يعمل حسابه انه يغير اللى حيغيره من قطع الى يابانى
بس اللى انا فهمته من حضرتك انك بتقول ان اللى قابلتهم كل واحد فيهم عنده عيب شكل يعني مش عيوب مشتركة اقصد انها ممكن تكون على حسب استعمال العربية
ان شاء الله تكون فهمت قصدى

ابو عماد
انا امتلكتها سنة ونصف بس بصراحة العربية ماشوفتش منها غير كل خير
بس انا ماكنتش مستريح نفسيا خالص ...حاسس انها زى القنبلة الموقوتة اللى ممكن تنفجر فى اى وقت...عشان صينى والسمعة ..انت عارف طبعا...
كمان كنت خايف من مستقبل العربية خصوصا لما عرفت ان العربية اتمنعت نهائيا من دخول الاسواق الاوروبية والامريكية بعدما رقعت تويوتا قضية عليها وكسبتها ودا طبعا اكيد هيأثر على طموحات الشركة الام وخططها بالمستقبل لانة كان اهم اهدافها دخول السوقين دول...
قلقان كمان من الوكيل لان الوكيل لية سابقة مش كويسة مع عربية ايرانى اسمها سايبا وانا شوفت وسمعت بنفسى ....كنت مرة بالتوكيل بعمل صيانة الالف وواحد اتصل بالتليفون بيسأل على تنك بنزين للسايبا ....(كان طبعا سابوا التوكيل ) وطبعا لازم يوفروا قطع الغيار لسنين عشان الناس اللى سبق واشتريت منهم السايبا ...لاقيت الراجل بتاع المخزن بيسأل المدير ...
يا باشمهندس هو احنا عندنا تنك سايبا؟؟؟؟
لاقيت الباشمهندس العظيم بيقول من بعيد للراجل اللى ماسك السماعة ....نفض نفض ...ماعندناش
قلت فى بالى يا نهار اسود ...يعنى عشان الامل ساب السايبا يعذبوا الناس اللى اشتروا ...واية مصير الراجل اللى محتاج تنك لعربيتة ..اكيد العربية عاملة زى البيت الوقف دلوقتى
ففكرت لية مايحصلشى دا فى يوم من الايام مع البى واى دى...بعد سنة او اتنين ....
واقعد بقى ادور على بدائل ليها بالسوق ويبقى تمنها فى الارض خالص ...
زى العربية الصينى الماريو اللى كان واخدها الفرسان(رحمة الله) دلوقتى اصحابها مش لاقين حتى فلتر البنزين

لكن بصراحة لما اشتريت الهوندا استريحت نفسيا ..عربية ليها اصل وفصل ..يابانى ومعمرة جدا وسعرها فيها ...وحتى لو جة يوم ووقع الوكيل هتلاقى الف واحد برة بيبعوا قطع الغيار بتاعتها
لكت برضة لاجل الامانة العربية البى واى دى عربية كويسة ..فعدت معايا 10200كم كانت كويسة جدا
وانا بعتها للاسباب السابق ذكرها
وشكرا

حاجة برضة انا نسيتها
انا من النوع اللى بهتم جدا بعوامل الامان اللى فى العربية
1- العربية مفهاش ebd زى ما هم بيقولوا ودى ممكن تعرفها لو دخلت على موقع الشركة الام
www.byd.com
2-العربية المفروض فيها abs وبالفعل فيها الجهاز دا لما تفتح الكبوت
لكن الواقع العملى غير كدة خالص ...العربية فراملها مش وحشة ومش حلوة يعنى لازم تكون حريص شوية وانت سايق ...انا عندى رينو كليو 2003 ومفهاش abs لكن اقولكم بمنتهى الامانة العربية الرينو فراملها اقوى بكتيييييييييير من البى واى دى
يعنى لازم وانت سايق تسيب مسافة كافية بينك وبين اللى قدامك عشان تدى فرصة للفرملة
والحكاية دى ممكن تختبرها بنفسك
abs المفروض انك لما تدوس فرامل جامد تحس بنبضات زى نبضات القلب فى دواسة الفرامل وتحس ان تسارع العربية بيقل جدا لما تبدأ النبضات دى ...والنبضات دى معناها ان الجهاز المسئول عن الخاصية دى بيبعت كميات مكنم الزيت اكتر من المعتاد للفرامل عشان العربية تقف
لكن للاسف الكلام دا مش موجود فى البى واى دى
فاذا كان الشىء السهل تجربتة مشموجود فأية اللى يضمنلى انة فى الحوادث لا قدر الله ...الايرباج تطلع؟؟؟؟مش يمكن تكون زى ال abs مجرد كلام وخاصية موجودة وخلاص
3- اية اللى يضمنلى ان العربية فعلا عفشتها تكون مصنوعة طبقا للمواصفات القياسية المطلوبة من الصلابة والمتانة...
كل الاسباب دى تخليك مش شاعر بالامان لا فى
1-القيادة الامنة خصوصا مع التحميل والسرعات
2-استمرارية الوكيل وتواجدة وبالتالى تواجد قطع الغيار
3-سعر اعادة البيع

غريبة حكاية الABS دى انا بخاف اضغط على فرامل جامد لانه بتشتغل عندى و مش عايز اتك على الكاوتش ليتمسح

بس اخى ابو شريف حكاية الضعف اللى انت كنت حاسس بيه ده بعد الضغط جامد على بدال الفرامل ولة ايه؟
لان عندى على سبيل المثال لما اضغط على الفرامل كل ما ازود الضغط تزود الفرامل كأنها درجات يعني و طبعا اذا دوست مرة واحدة جامد بيشتغل الABS على الاقل فى عربيتي و كانت العربية تفضل تعمل فعلا نبضات رجرجة كده و مكنتش فاهم ايه ده لغاية لما حماى قال ده زى نظام الطيارات
علشان العجل ميقفش ففهمت بقي ان ده الABSاصل حماى مهندس طيران

المشاركة الأصلية كتبت بواسطة ابوشريف

المفروض أن ال abs يحمى كاوتش السياره من انه يتمسح بسرعه

مهما كانت قوة دوستك على بدال الفرامل

بالنسبه لسؤالك عن احساسى بضعف الفرامل

كنت حاسس ان دوستى العاديه غير كافيه ومحتاجه مجهود اكبر

نمتلك نيسان موديل 76 فراملها حساسه كتير عن ال f3 موديل 2007اللى انا جربتها

اهاانا فهمت الان الحكاية اخى شريف شوف العربية بتنزل بتيل فرامل بيتأكل بسرعة يعني المفروض يتغير على 5000 و طبعا المفروض لما يتغير يتغير بتيل تويوتا بقي مش صيني تانى علشان ميحصل نفس الحكايةتانى فى تآكل التيل و اهم ميزة فى العربية لازم نستخدمها الا و هى تغير القطع الصيني بياباني بقي

مهما كانت قوة دوستك على بدال الفرامل

اللى عايز افهموا لك ان الفرامل باللمس يعني لو دوست عليها زي العربية مثلا 125 حيكون دوسي ده جامد جدا عليها يعني كاانى دوست على الاخر
يعني اقل دوسة بتفرملها و بالتدريج طبعا
فعلشان كده بحاول اعاملها بلطف علشان مدوسش على الاخر و يشتغل الabs اللى بيقل من تقفيش العجل يعني هو بيقفش ايوة لكن النظام ده بيسيبه و يمسكه و يسيبه و يمسكه يعني كده كده مسح برضوة للعجل
زى ما قال الدكتو رميشيل كده نبضات النبضات دي بتسيب العجل و بعدين تقفشه على وتيرة سريعة فميقفش ده بناء على شرح حماى زى ما قلت لك و ده الى فهمته منه لان النظام ده بيشتغل فى الطيارات