هل الراجل ده ينفع يتعمله اشغال طريق ؟ !!

**sting_2010** · 22-01-2015 07:54 AM

فى عمارة سكنية بجوار البيت الذى اسكن فيه ! فيه جراج مؤجر لراجل عنده خلاطة اسمنت وجرار زراعى صغير !! ..المهم ان الراجل له 6 شهور او اكثر يركن الخلاطة امام الجراج اللى هو مؤجر ليه ..وتقريبا خلاطة الاسمنت واخدة نصف الشارع (الشارع عرضه 4.5 الى 5 متر تقريبا . طبعا بكل سلبية من سكان الشارع ولا حد كلم الراجل اللى مؤجر الجراج ....المهم انا قلتله مرة ما ينفعش تركن بالطريقة دى . عاوز تركنها اركنها قدام بيتك جوه البلد (..انما ما تسيبش حاجتك كده تشغل بيها طريق عام ..!! المهم شالها يومين ورجعها تانى مكانها . !! كلمت ابنه تانى مرة انبارح ..انه ما ينفعش يسد نص الشارع بالطريقة دى . ! بيرد يقولى مانا سايب حتة تعدى عربية !! والشارع كله بيسيب حاجته وجراراته والخ الخ قدام بيته !!!(انا رديت عليه انه اولا ده غلط ثانيا ان دول اصحاب بيوت فى الشارع ..خد اركن الحجاتادى قدام بيتك فى شارعكم ..انما مش كل واحد يأجر جراج يعمل قدامه موقف) المهم يعنى هو شالها تانى مرة .انبارح .! وانا بصراحة مخنوق من سلبية سكان الشارع وسلبية والدى من الموضوع ده وموضوع ركن الناس للجرارات فى الشارع اللى احنا ساكنين فيه .!

هل ينفع الواحد يشتكى فى المجلس المحلى او يعمل محضر اشغال طريق للناس دى لان انا كلمتهم كذا مرة بالذوق ..وبصراحة الناس عندها برود اعصاب .!
وفى نقطة بس اناه بلد ريفى والناس معظمها عارفة بعض
بس الخواطر حاجة واستغلال طيبة الناس حاجة ... ..
ارجو الرد من الاخوة اللى عندهم خبرة فى هكذا مواضيع .؟

**أبو آسر** · 22-01-2015 08:25 AM

مش عايز أحبطك
بس لا المجلس المحلي هيعمله حاجة ولا الراجل هيبطل يعمل كده مهما كلمته آه هيريحك يوم واتنين وبعدين هيعملها تاني
من الآخر مش هينفع معاه غير واحد يا إما كلمته مسموعة عنده يا إما واحد بيخاف منه يهدده ويحمرله عنيه غير كده انسى وكل ما تكلمه انت أو تقدم فيه شكوى في أي مكان هيعند أكتر وهياخد الموضوع تحدي
هنا في العبور الجهاز نفسه بيجيب قوة من القسم وكل يوم نازل إزالة مخالفات ويشيل بضاعة باعة جائلين ويكسر تند محلات ورصيف إلخ مش عايز أقولك تاني يوم ! لأ ده اليوم مش بيعدي غير لما الناس دي بترجع تاني وكأن شيئا لم يكن !
عليه العوض ومنه العوض

**sting_2010** · 22-01-2015 08:53 AM

رد مكرر

**حسام الغرباوي** · 22-01-2015 09:12 AM

اقلك انا موقف مشابه بس اوسخ بقي

انا اصلا عايز في السعودية وبنزل مصر اجازات بعربيتي ...

المهم البيت اللي في وشي مدخل البيت بتعهم قداما لجراش بالظبط وانا عربيتي طويلة والجراش يدوب بيدخلها ...المهم صاحب البيت بيركن عربيته تحت البيت بس بيحضنها اوي ومحترم ..المشكلة في الناحية الشمال اللي بدخل منها واحد مستاجر في العمارة ...وبيبسب المكان كلو فاضي ويجي يزنقني جدا

المهم كنت ساعات بركن عربيتي برة ..لحد ما في يوم لقيتو بيركن وانا بركن ..استأذنته وقلتلو معلش حضرتك ترجعلي بس متر واحد ورا عشان اعرف ادخل عربيتي الجراش وانتا وراك بتاع 4 متر فاضي !!

يقوم يقلي طيب ويخليني ادخل العربية ويقوم راجع مكانة تاني ههههههههههههههههههههههههه ههههههههههه

قلت بقي هي كدا ...ماشي ياولاد التيت

وبقيت كل يوم اجي في نص الشارع بالظبط واقوم راكن عربيتي وطالع ..في نص الشارع كلو ..لا حد يعرف يطلع ولا حد يعرف يدخل ..لازم اي حد عنده عربية في الشارع يرجع الشارع من الناحية التانية كلو بضهره

لحد ما جم وحلينا الموضوع ومن ساعتها الناس بقيت محترمة :d

من الاخر لا مجلس ولا شرطة ولا بتنجان ...لو عندك عربية اقفل عليه قفلة السواد ومتخليهوش يعرف يتحرك ...او اعمل حاجة عافية ...لان الموضوع مش هيتحل غير كدا

**ENG.MaRk** · 22-01-2015 09:22 AM

المشاركة الأصلية كتبت بواسطة حسام الغرباوي

اقلك انا موقف مشابه بس اوسخ بقي

انا اصلا عايز في السعودية وبنزل مصر اجازات بعربيتي ...

المهم البيت اللي في وشي مدخل البيت بتعهم قداما لجراش بالظبط وانا عربيتي طويلة والجراش يدوب بيدخلها ...المهم صاحب البيت بيركن عربيته تحت البيت بس بيحضنها اوي ومحترم ..المشكلة في الناحية الشمال اللي بدخل منها واحد مستاجر في العمارة ...وبيبسب المكان كلو فاضي ويجي يزنقني جدا

المهم كنت ساعات بركن عربيتي برة ..لحد ما في يوم لقيتو بيركن وانا بركن ..استأذنته وقلتلو معلش حضرتك ترجعلي بس متر واحد ورا عشان اعرف ادخل عربيتي الجراش وانتا وراك بتاع 4 متر فاضي !!

يقوم يقلي طيب ويخليني ادخل العربية ويقوم راجع مكانة تاني ههههههههههههههههههههههههه ههههههههههه

قلت بقي هي كدا ...ماشي ياولاد التيت

وبقيت كل يوم اجي في نص الشارع بالظبط واقوم راكن عربيتي وطالع ..في نص الشارع كلو ..لا حد يعرف يطلع ولا حد يعرف يدخل ..لازم اي حد عنده عربية في الشارع يرجع الشارع من الناحية التانية كلو بضهره

لحد ما جم وحلينا الموضوع ومن ساعتها الناس بقيت محترمة :d

من الاخر لا مجلس ولا شرطة ولا بتنجان ...لو عندك عربية اقفل عليه قفلة السواد ومتخليهوش يعرف يتحرك ...او اعمل حاجة عافية ...لان الموضوع مش هيتحل غير كدا

العنف مش حل و إن كان بينفع في بعض المواقف ... روح اتكلم جد مع الراجل و اقنعه بوجهة نظرك و لو ماقتنعش ولّع فيه :)

**khaled_sabry** · 22-01-2015 10:33 AM

اقول لحضرتك بصراحه البلد دى ماشيه بالدراع
و مش حتقدر تعمل حاجه بالقانون - و اصلا مافيش حاجه اسمها اشغال طريق علشان راكن جرار
اشغال طريق ده لو كان حاطط حموله رمل او ظلط مثلا او حاطط مواسير حديد و الله اعلم

اقول لحضرتك موقف معاكس
انا كنت الوحيد فى عمارتى اللى معاه عربيه + انى اعتبر الوريث الوحيد اللى ساكن فى العماره
مشكله شارعى بقى ان كل العمارات اللى حواليا كل شقه فيها عربيه و اتنين و كمان اتبنى برج 11جنبى على طول دول (طبعا نص الارتفاع ده مخالف) و جم الساكنين بعربياتهم ده غير ان فيه عربيتين مركونين و عطلانين من الركنه و 3 عربيات تانى مش بيتحركو من مكانهم غير مره او اتنين كل اسبوع
و طبعا بقى مستحيل تعرف تركن فى الشارع من اول الساعه 4 العصر
فى الاول ماكنشى هاممنى و كنت بركنها فى اى شارع جانبى - مشكلة الشوارع الجانبيه بقى انها ضلمه و فضلت كده لغايه لما لاقيت مره الزجاج مكسور و الكاسيت مسروق
قولت مابدهاش و عملت مواسير حديد علشان اقدر اركن تحت بيتي - و فضلت كده لغايه لما ربنا كرمنى و اتنقلت لمنطقه الركنه فيها سهله

**ahmedwagdy03** · 22-01-2015 11:37 AM

ينفع يتعمله إشغال بس مش حتلاقى اللى يعمل .
أحسن حل مع الأشكال التنحة هو الرزالة زى ما قالولك .
إنت تقفل عليه الطريق بحيث ما يعرفش يحركها و دى خلاطة أكل عيش يعنى العطلة بخسارة

**حسام الغرباوي** · 22-01-2015 01:36 PM

المشاركة الأصلية كتبت بواسطة eng.mark

العنف مش حل و إن كان بينفع في بعض المواقف ... روح اتكلم جد مع الراجل و اقنعه بوجهة نظرك و لو ماقتنعش ولّع فيه :)

منا يابشمهندس اول مرة كلمته ووريتو كمان اني مش عارف ادخل عربيتي نهائي الجراش ووضحتلوا اني كل مرة اجي وابيت العربية برة عشان معلموش ازعاج ...وكمان استأذنته انو بس يرجع متر واحد لورا مش اكتر ....يقوم يروح موسعلي ادخل العربية ..بعد ما ركنت وبقفل الجراش لقيتو قام طالع المتر دا تاني ,,بعد المحاضرة اللي انا اديتهاله وبعد اذنك وحضرتك ويافندم ...الخ

من بعد ما عملت كدا ووقفت العربية في نص الشارع ...مفيش حد بقي يستجري يركن ركنه مش مظبوطة في الشارع كلو !!!!!!!!!!!!!!!!

**ENG.MaRk** · 22-01-2015 02:21 PM

المشاركة الأصلية كتبت بواسطة حسام الغرباوي

منا يابشمهندس اول مرة كلمته ووريتو كمان اني مش عارف ادخل عربيتي نهائي الجراش ووضحتلوا اني كل مرة اجي وابيت العربية برة عشان معلموش ازعاج ...وكمان استأذنته انو بس يرجع متر واحد لورا مش اكتر ....يقوم يروح موسعلي ادخل العربية ..بعد ما ركنت وبقفل الجراش لقيتو قام طالع المتر دا تاني ,,بعد المحاضرة اللي انا اديتهاله وبعد اذنك وحضرتك ويافندم ...الخ

من بعد ما عملت كدا ووقفت العربية في نص الشارع ...مفيش حد بقي يستجري يركن ركنه مش مظبوطة في الشارع كلو !!!!!!!!!!!!!!!!

الحمد لله ده طلع راجل رخم بس غلبان ... النوع ده من البشر هو اللي بيخليني أفكّر جدياً أسافر ألمانيا و ما أرجعش تاني