عاجل جدا لانسر بومه 2007 1600cc

**ahmed1127k** · 22-01-2015 08:13 AM

سلام عليكم
انا خدت عربيه لانسر بومه 2007 1600cc من الشركه اللي شغال فيها كانو بيصفوها وكانت عامله 178000 وكانوا قايلين انها بترشح زيت من الكارتيريه وده موضوع سهل خدتها ورحت بيها الحرفين قالي الكارتيريه مفيهاش حاجه ده هيا محتاجه عمره وهتكلف في حدود 4500 طبعا صدمت وخدتها ورحت بيها لهمام بتاع صقر قريش المعادي قالي انها محتاجه طقم شنبر في حدود 2500 ولو فكيت لقيت البساتم وحشه هتتغير وهتوصل التكلفه كلها في حدود 4000 وانا شاري العربيه ب 63000 هل مستاهله اعملها ولا ارجعها للشركه واريح نفسي ياريت يا جماعه ترودا عليا بسرعه عشان لازم اخد قرار سريع

**fepsceasar** · 22-01-2015 08:57 AM

رأي شخصي رجعها لو ما فيش خسارة

**David Micheal** · 22-01-2015 09:05 AM

يا برنس الفلوس اللي هاتدفعها ديه اللي هما 4 ولا 5 الف جنيه هايرجعولك العربيه جديده زيروو
وعربيتك ام 63 هايبقي تمنها 67 ولا 68 تبعها بسبعين مستريح بجد
انا جايب عربيتي 2007 1600 اتوماتيك خليجي فبريكا ب 85 الف و معروض عليا 90 فيها
فالمعاك ديه حلوه يا معلم

**ahmed1127k** · 22-01-2015 10:57 AM

شكرا للرد
انا كل اللي مضايقني انها ماشيه 178000
فمخليني متردد اني اصرف عليها فمش عارف ارجعها ولا اصرف عليها
وخصوصا ان الاداره في الشركه معتبرنها اني واخدها بسعر لقطه ومميز وكده اتحسبت عليا لو خدتها

**David Micheal** · 22-01-2015 11:42 AM

المشاركة الأصلية كتبت بواسطة ahmed1127k

شكرا للرد
انا كل اللي مضايقني انها ماشيه 178000
فمخليني متردد اني اصرف عليها فمش عارف ارجعها ولا اصرف عليها
وخصوصا ان الاداره في الشركه معتبرنها اني واخدها بسعر لقطه ومميز وكده اتحسبت عليا لو خدتها

يا برنس الموتور اليابني مافيش بعديه وماتقلقش من موضوع 170 و 180 ده

انا عربيتي لحد 140 الف و كانت لسه الشكمان بيطلع ميه

ماتقلقش بجد السعر ده فرصة و اكشف عليها كويس اهم حاجة مايكونش فيها حاجة في الشاااااااااااسية من تحت بس
وربنا يباركلك فيها

**amr_8800** · 22-01-2015 12:18 PM

رأيي الشخصي دي عربيه شركه يعني مهروسه شغل وتكسيير من كل الي كان بيركبها وكل يوم هيطلعلك فيها مشكله جديده

**amr_8800** · 22-01-2015 12:25 PM

اسأل نفسك كده الموتور دع عايز عمره على ١٨٠ الف كيلو ليه وانت تعرف هي كانت بتستعمل ازاي موتير الميتسوبيشي مبتشتكيش وانا اعرف نلس عاملين ٤٠٠ الف بكرستاله والمتور بتعها لسه زي الفل متفتحش عربيات الشركات بيبقا فيها اهمال كبير ازي في الثيانات حتى الزيت ممكن ميتغيرش وربنا يوفقك للاصلح

**David Micheal** · 23-01-2015 01:01 AM

المشاركة الأصلية كتبت بواسطة amr_8800

اسأل نفسك كده الموتور دع عايز عمره على ١٨٠ الف كيلو ليه وانت تعرف هي كانت بتستعمل ازاي موتير الميتسوبيشي مبتشتكيش وانا اعرف نلس عاملين ٤٠٠ الف بكرستاله والمتور بتعها لسه زي الفل متفتحش عربيات الشركات بيبقا فيها اهمال كبير ازي في الثيانات حتى الزيت ممكن ميتغيرش وربنا يوفقك للاصلح

انا معاك في الكلام ده بس هو علي حسب كل شرطة انا مقلا عندنا العربيات بيتغيرلها زيت قبل معاده علي طول اصرف من المخازن و غير عشان معظمها بيبقي متامن عليها و كمان عليها قروض