هل الكورولا الشكل القديم (2007) ثابتة في السرعات العالية؟؟ طيب لغاية كام وهل ثابتة في الملفات؟؟
هل الكورولا الشكل القديم (2007) ثابتة في السرعات العالية؟؟ طيب لغاية كام وهل ثابتة في الملفات؟؟
اية هو مافيش حد معاة كورولا ولااية ؟؟؟؟
ياباشا أصل ده سؤال نادر حد يسأله
لأن كل الناس عارفه إنها بتعوم بعد ال 120
لكن فيه ناس بتؤكد إن العربيه ال 1600 أكثر ثباتا بنسبه كبيره بفضل الجنوط ال 15 وتعديلات بسيطه فى العفشه
لكن هى عامة ثباتها وحش
وده نظرا لإرتفاعها ولأن المسافه العرضيه بين المحورين الخلفيين أقل من المسافه بين الحورين الأماميين
الكورولا ثباتها سىء (اسوء من الياريس الى هيا نوعا ما سيئة بردو)
واحد اعرفه راح ترينج فى توكيل تويوتا والله اعلم هو صادق ام كاذب
بيقولى ان عفشه ال1600 مختلفه عن ال1300 علشان تتحمل الذبذبات الى جايه من المتور والعفشه ده بتخلى العربيه ال1600 اثبت من ال1300
انا قصدي علي ال1300
ملفات و كده انسي بعد ال 120...مراجيح
طوالي لحد 140-150 كويسة...بعد كده بتركب أحلي مراجيح
(عن تجربة لمسافة 1000 كيلو متواصلة)
يا جماعه الكورولا مشكلتها عرض الكاوتش اللي بتنزل فيه صغير بالنسبة لمقاسات وارتفاع العربيه
يعني من الأخر جنط 15 وكاوتش عرضه يكون 195 مثلا
يبقى انسي كل الكلام ده
العربيه عاليه والفجاوي بتاعت العجل كبيرة
والمفروض انها تنزل بجنوط 15 وده اللي بيحصل في 1600 سي سي
والكاوتش يبقى عريض
ياجدعان هوا في طريق في مصر اساسا ممكن تجيب فيه 120 اساسا ....ربنا يخللينا المطبات...اللكورولا مفيهاش ولا غلطه ولا مراجيح ولا بتاع بس هيا عاوزه تجربه في طريف مظبوط ووللاسف مش موجود
ابو عبد الله كلامه مظبوط جدا ...انا مثلا ناوى لما الكاوتش عمره ينتهى اجيب كاوتش 16 وعرضه 205 زى بتااع ال 307 وانا سألت فى التوكيل قالى عادى وعفشة الياريس تشيل ....يعنى انا حاليا لما بيكون الطريق نضيف بمشى بيها مستريح 150 اكيد بعد التعديلات الى هعملها هيبقى الثباات افضل نسبيا ..
أنا ماجربتش 2007 لكن جربت 2004
بعد الـ 120 إنسى العربية بيبقى الثبات بتاعها ضايع
انا كنت هجيب الكورولا دى بس واحد صاحبى قالى مش ثابتة طبعا منظر العربية لا يوحى بكدا اطلاقا المهم جربنا العربية فعلا مش ثابتة خالص و ثبات الانسر احسن بكتييييييير رغم ان البودى بتاعها تحس انها اكبر و اتقل من الانسر مش عارف ليه مش ثابتة ؟؟
يا أخواني اللي عاوز يتأكد من الكلام ده يجرب العربيه لو حتى بجنط 14 عادي ولكن بكاوتش اعرض من اللي بينزل في العربيه وهو يعرف
على فكرة الموضوع دا حقيقى مباالغ فيه جدا ....الكورولا ثبااتها مقبول جدا وخصوصا لو جبتلها كاوتش اكبر واعرض...لانها بجد بتنزل بكاوتش صغير اوى 14......وهى اقل واجب تااخد 15 او 16...
heya be jenot 14 we7sha awe bas ebn 7'alty 7ayrakeb fiha jenot 16 3alashan termy ma3ah we el sabat yeb2a 7elw
المعروف انا معظم السيارات بعد
الكيلو 120 بتعوم العربية
وبالنسبة للعربيات الاكبر فى الموتور
بتبقة اكتر ثبات
طيب الغرز اخرها كام؟؟
بجد العربية دى انا مش عارف ازاي تويوتا عملتها ... و حاجة غريبة جدا اننا نلاقى تويوتا العملاقة الى بيضرب بها المثل فى الجودة فى كتب الإدارة , إلخ ... يطلع منها عربية الثبات بتاعها بعد ال120 ضايع زي الــفيرنا مثلا ...
بجد تويوتا فى الإتجاه للأسوأ ...:)
" رأي شخصي "
ياجماااعه والله سيبكوا من الكلام دا كله ...انا مثلا سافرت مع واحد صاحبى بكورولا 2006 وكاان بيجيب لحد 180 ومش حاس بأى مشااكل ...وفى نفس الوقت سافرت على الطريق نفسه مع صديق تانى ب افنسيس 2005 وكنا بنجيب 130 او 140 اخرنا ومكنش عجبنى ثباات العربية ...خدوا بالكم اسلوب القياادة بيختلف برده ...والطرق هنا فى مصر بتخلى اى عربية ثباتها وحش مهما كااانت ......
ياجماعه انا معايا 1300 وركبت ال 1600 الفرق دلوقتى العربيه 1600 تحس انك راكب عربيه عزم العربيه بتاعتك نصف مره يعنى حاجه جامده اوى يعنى لو بتفكر هات 1600 هتديحك فاحاجت كتير
بحكم تجربتى مع الكورولا دى سنين
العربيه تجيب بيها 150 و160 عادى ولكن ما ينفعش بالسرعات دى ملفات
ما تتوقعش ان الفيرنا ثباتها زى الكورولا القديمه
كل ما فى الحكايه ان الكورولا سياره غير مصممه لحلبات السباق دى سياره للتنقل اليوم باقصى درجات الراحه والنعومه
تقبل تحياتى
على فكره اليايات بتاعت الكورولا الموديل ده
لو جبت الخليجي او الأوروبي او الياباني بتاعتها هتلاقيها واطية عن بتاعتنا في مصر
يعني احنا اللي بينزلنا العربية عالية عن الطبيعي
لأن شوفت اليايات اللي نازلة من عربيات الخليج اللي جايه متقطعه من هناك
لقيتها اقصر من اليايات بتاعتنا هنا
أبو عبدالله
الكرولا إللى فى الخليج نفس الإرتفاع بتاع الكرولا فى مصر
لا يا احمد
انا لسه النهارده شايف اليايات اللي جايه من الامارات والسعودية
تقطيع من عربيات التأمين هناك
ولا واحد طلع مقاس اللي هنا خالص كلهم اقل
وانا جايب عافشة كاملة من تقطيع اليابان نفسها يعني عربيه كورولا بتاعت اليابان نفسها دركسيون يمين
واليايات نفس مقاس الخليجي واقل من بتاعتنا هنا
وانا شوفت بعيني محدش قالي
إللى أعرفه إن المصرى نفس الخليجى بالظبط لإن مافيش أصلا كرولا مواصفات مصرى
انا استغربت بس ده اللي حصل
لأني كنت عاوز اشتري ياي للعربيه علشان بتوع الياباني اقل في الطول
لقيتهم كلهم مقاس واحد ماعدا اللي كان في العربيه اطول منهم
السلام عليكم يارجالة فعلا التويوتا كورولاثباتها مش كويس لان الكوتش بتاعها رفيع ومش بيناسب ولا وزنها ولا ارتفاعها انا معايا كورولا 2005 اوتوماتك كمان معايا 2004 مانيوال هم الاثنين زي الفل في العزل واستحمال المطات والنعومة ولا اقولك مافيش احسن من كدا انا ال 2004 مركبلها جنوط اسبور 15 ْ195 ْ60 والعربية ولا بتتحرك من على الطريق ثابتة مووووت وياسلام بقى لو زودت الكاوتش نيتروجين ولا الهوا يامعلم وعلى فكرة بردوا 2005 زي الفل انا بمشي عليها 160 عادي جدا بس بعد كدا هي فعلا بتعوم بس فيه ملاحظة انا لما زودتها بالنيتروجين العربية بقت انعم وكمان درجة احتكاكها بقت اقل لان النيتروجين غاز خفيف مش زي الهواء وكمان والله بقت تكلبش في الارض اكتر ومش انا بس اللي بقول كدا انا كل اصحابي بيقولولي انهم حسوا كدا في عربيتهم لما زودوها نيتروجين بس على كل حال انا مبسوط بالعربي بتاعتي جدا لاني اصلا نادرا جدا يمكن كل سنة او اكتر لما بمشي على طرق ممكن اجري عليها السرعات الكبيرة دي ....
مظبوووووط هو دا المقاااس المثالى للكاوتش الى مفروض يتركب على الكورولا..ان شااء الله انا هجيب نفس المقاسات دى للياريس....بس متعرفش هتتكلف كاام؟؟؟
طيب لغاية سرعة كام الثبات يبقي كويس
علي فكره يا ouba2 انا سوقت الكرولا 1300 و احنا راجعين من الاسكندريه الطريق الدولي جبت ما يقرب من 140 و العربيه كانت ممتازه
بس ألي بيدي الكرولا 1600 استابيلتي اكترمن 1300 مش بس الجنوط دا كمان فيها اسبويلر ودا بيزود الاستابيلتي
انا راكب كورولا 2002 بصراحة انا شايف ان العربية ثابته وثباتها معقول جدا اانا مشيت بيها على 170 والعربية مش بتقول لأ ولا اتقلبت ولا مراجيح ولا حاجه العربية زيها زي غيرها مفيش عربية ممكن تمشي على الطرق المصرية وتفضل ثابته وده بسبب عيوب الطرق ومطبات الهوا وفواصل الكباري ده غير بقه اخلاقنا وسلوكياتنا كسائقين
بس العربي كويسه ومش بعيدة عن غيرها كتير ومش معيوبه
ازاي موتور 1299 سي سي يخدم فتيس اوتوماتيك وباور ستيرنج وتكييف فريون ويبقى سحب العربية كويس دا غير عدم الثبات بسبب الجنوط والكاوتش
خليك في الموتور 1600 سي سي لانه فعلا قد القول وبيفرق كتير والكلام ده بيحس بيه الركيب مش اي حد بيسوق والسلام وخصوصا في الغرز والطلعات واكيد بنحس بده واحنا مركبين العربية خمس افراد في عز الظهر في شهر يوليو واغسطس في مشوار محترم من القاهرة لمصيف مطروح واحنا مشغلين التكييف على اخره ولا واحنا في وسط البلد في عز الزحمة والدنيا حر موت دا غير انها اثبت بكاوتش وجنوط 15 والله اعلم بموضوع العفشة المتغيرة دي مظوبط ولا اشاعة وفتوى من الفتاوي
لذلك انا معايا تويوتا كورولا 2007 كاملة اتوماتيك لونها فضي ميتالك 1600 سي سي وباعتبرها عربية العمر
زفت و زباله و زى النيله
و بتقلب و سياره لو بجنيه ما هشتريها
كل اللى استفدت منها كسر رجلى و زراعى اليسار على سرعة 120
واضح ان تجربتك يا Mrgmm
كانت سيئه اوي
ربنا يسترها معانا
يا جمااعة الناس مش عاارف ليه بتباالغ .......يعنى فى نااس بتقول العربية ثباتها جاامد على 170 وكلام كبير كده..........وناس تانية تقولك دى ريشة وضايعة من بعد ال 120 .......الصرااحة العربية متوسطة وثبااتها ممتاز لحد 120 بعد كده لحد 150 جيد .....بعد ال 150 ربنا يستر على الى سااايق...........بس عموما انا بالياريس دلوقتى بجيب 180 عاادى لما بيكون الطريق فااتح وبليل......بس طبعا فى جميع الاحواال التيوتاات كلها ثبااتها مش عاجبنى بعد 150 ....حتى الافينسيس والله ثباتها مش قد كده ..........بس عموما دى مشكلة فئة كبيرة من السيارات لان زى مانتوا فاهمين احنا هنا فى السوق المصرى بنلعب فى اصغر فئة وطبيعى مش هيبقى ثباات الفئة دى جااامد اوى فى كل الاحواال ......
ياريت اللى بيتكلم يكون ساقها بالفعل
ويكون بيسوق من مده وعنده خبره
وياريت كمان اللى بيقول زفت وزباله ورقبته اتكسرت يقول التفاصيل وما يقوللش لا تقربوا الصلاه ويسكت
يعنى يقول:
-الطريق اللى بنى عليه الحكم كان ايه
-الطريق كان جاف ولا مبلل
-الملف اللى حكم بيه كان نصف قطره كام؟ وكان فيه Super-elevation ولا لأ
(ده اذا كان عارف معنى الكلمه دى)
-الكاوتش كان نوعه وعمره ايه
-أخد الملف على سرعة كام
عشان الفتاوى كترت قوى وبقت تقرف
أنا معايا كرولا خليجي 2007 أعتقد إن ثباتها معقول مش مراجيح ولا حاجة أنا بأجيب بيها 140 - 150 على طريق 6 أكتوبر مع إن الطريق مكسر ووحش جدا وممكن اللى بيروح 6 أكتوبر من طريق الفيوم يحكم على الطريق العربية كويسة جدا بس متقدرش تقول إن ثباتها رائع لكن معقول ومعقول يعنى آمنة وهو ده المطلوب فى الفئة دى الفئة الصغيرة من السيارات متبقاش تحفة فى الثبات .
أنا جربت اللانسر الأسبورت ثباتها كويس بس تفاعلها وحش يعنى تحس إنك فى وادي والعربية فى وادي تانى .
العربية اللى فى الفئة الصغيرة دي ممتازة فعلا الشيفورلية الأوبترا
انا والدى اشترى الكورولا 2005 بعد فيكترا 2001(ثبات مش محتاج اتكلم عليه لان ثباتها معروف) بالنسبه للكورولا فهى فيها حاجه غريبه و هى ان سحبها حلو جدا و ناعمه و ده بيشجعك على الجرى .و فى نفس الوقت ثبات العربيه انا شايفه سىء جدا (جايز عشان قبلها فيكترا)و ده بيخوفك من الجرى .
و الرأى ده برده رأى والدى الى بيركب عربيات بقاله اكتر من 30 سنه و على فكره هو باع الكورولا دى بعد مشوار اسكندريه و كانت قعدت بالظبط اسبوعين ساقها اسبوع و سافر بيها و رجع ركنها فى الجراج لحد متباعت و جاب اوكتافيا .
الى انا عايز اقوله ان موضوع الثبات ده بيختلف من شخص للتانى و حسب الشخص ده اتعود يركب عربيه ايه المانى ولا يابانى ولا كورى ؟؟؟؟لو المانى يبأه مينفعش يركب كورولا اساسا لانها فى نظره مش عربيه (من ناحيه الثبات).
يا ريت الاستاذ الى عمل حادثه يقولنا التفاصيل و 10000000 سلامه عليك