والله يا جماعة الشخص الي يتجراء بالشكل ده بعد وقوع الحادث يستحيل يكون إنسان......ده مجرم شرس في صورة إنسان.....أنا لو حصلي الموقف ده ممكن يغمى عليا من شدة الفزع!!!!!
عرض للطباعة
والله يا جماعة الشخص الي يتجراء بالشكل ده بعد وقوع الحادث يستحيل يكون إنسان......ده مجرم شرس في صورة إنسان.....أنا لو حصلي الموقف ده ممكن يغمى عليا من شدة الفزع!!!!!
البني آدم في مصر فعلاً مالوش تمن خالص و في ادله كتييييييييييييير عندنا كلنا بس احنا دايما مش بناخد بالنا من كدة غير لما تحصل حاجة و حشة زي الي حصلت دي
سؤال : الرهائن الي اتخطفوا في شهر 9 الي فات لو كانوا كلهم مصريين تفتكروا كان حد سأل فيهم و احنا كنا عرفنا عنهم حاجة
و ايه الدليل ان ما فيش مصريين أصلاً اتخطفوا قبل كدة
واحد صديقي ظابط قوات مسلحة بيقولي في عساكر كتير بيموتوا على الحدود كل شهر تقريباً و محدش يعرف عنهم حاجة
منظر شفته في وسط البلد من حوالي 5 سنين قدام مجمع التحرير الأشارة واقفة و في عربية أوكتافيا و اقفة عمالة تزمر لتاكس واقف قدامها ( في الأشارة )
سواق التاكس طله أيده و شاور على ألأشارة و قالة استنى لما تفتح
تخيلوا ايه الي حصل البيه نزل معاه طبنجة و فاتح باب التاكس و هات يا شتيمة و قلة أدب في سواق التاكس و تهديد انه هيقتله لو موسعش ( كل ده قدام الظباط و الرتب الي واقفة عند الجامعة الأمريكية ) و ما فيش حد قالوا حتى عيب
و حاجات كتيييييييييير قوي برصدها دايما و انا ماشي .
الناس دي كترت قوي و الواحد قرف من البلد دي خالص لازم واسطة يا أما فلوس
تخيلوا انا جبت واسطة علشان اغير بيانات في البطاقة مع انها مرفقة كلها بمستندات سليمة ( تغيير المهنة إلى محاسب ) مهذله في السجل المدني ( انا رافع شعار لا رشوة ) حتى لو هتحبس ما بدفعش خالص و الطريقة سهلة اي حاجة لازم تدفع فيها رشوة علشان تمشي كبر الموضوع قوي و زعق و اتخانق و حتلاقي الكل بيخدمك جربتها في حتت كتيير و نفعت .
والدي الله يرحمه قالي حكمة ( حقـــــك يقويــــــك ) طول ما انت ليك حق ما تسبهوووووووووووش و اعمل اي حاجة علشان تاخده حتى لو هتموت ( الله يرحمه )
ياجماعه الوضع مش كويس ابدا
انا السنه دي نزلت اجازه ٣٥ يوم
بعد اسبوعين بالظبط قولت لمراتي نرجع
احسن انا مش قادر اكمل الأجازه هنا
دي مش اجازه
مش عارفين نتعامل مع الناس الكل عاوز يسرقك
والكل مستني يتخانق من غير سبب وبدون اي
مقدمات
ربنا يستر......
ربنا يشفياها باذنه تعالى .. ويصبرك على الظروف اللى انت فيها ويجعله فى ميزان حسناتكم باذن الله
محمود حبيبي
الله يعلم اني مازلت مش قادر اقف من الزعل .......
الف حمد لله على سلامة اختك
انت عملت الواجب و أقل كمان
الأخ اللي بيقول عصبي ...
الانسان العصبي هو اللي بيزعق و يتخانق في الهايفة
او يزعق بدل ما يشوف حل عملي للمشكله
اللي حصل لمحمود انا عارفه و حاسه كويس
بتحس للحظة انك فار محبوس في قزازة
قزازة باردة من اللا مبالة و عفن الروح
و شفافة كمان ..يعنى تلاقي الكل شايفك بتتحرق و هما ولا على بالهم ...ما تتحرق
انا مش لاقي كلام اكتبه ولا أقوله
ولا هاقولك اصبر و لا هاقوللك معلش
لنه مش ماعلش
و لأن الصبر هو ضعف في الحالة دي
و للأسف
للأسف ما فيش فايدة من اي حاجة في الخرابة اللي احنا فيها
و لو فضلنا فيها هانتحول لكياس قمامة حقيقية كأكياس القمامة التي تجوب الشوارع حولنا كل يوم .
تقبل يا محمود تعاطفي الشدييييييييييييييييييييي ييد
و تمنياتي لأختك بالشفاء
و ربنا يكون في عونك
أخوك
أحمد
ربنا معاك ويصيرك وان شاء الله ربنا هيعوضكم خيرا باذن الله
اللهم أجره في مصيبته واخلف له خيراً منها
حسبى الله ونعم الوكيل فى اللى عمل كده فى اختك ربنا ينتقم منه
ربنا معاها و يقومهالك بالسلامة ان اشاء الله , و متهيالى دى كدة مش مجرد حادثة لانة عدى عليها بارادتة و هو عارف انة كدة هيموتها يعنى " شروع فى قتل "
يبقى لو لتمسك هيروح ورا الشمس من الى عملة دة
و ياريت لو فى محامى معانا هنا يوضح الموقف اية بالظبط
لاحول ولا قوة ألا بالله العلى العظيم
اللهم أتم شفائها على خير يا رب العالمين
أصبر واحتسب يا محمود.....أن شاء الله خير
و أخيراً حسبى الله ونعم الوكيل فى اللى عمل كده وفى اللى بيسمح بالتسيب والأهمال وفى اللى مبيهتمش غير بنفسه وتولع الناس............حسبنا الله ونعم الوكيل........حسبنا الله ونعم الوكيل........حسبنا الله ونعم الوكيل
الحمد لله على سلامتها ,
و انا عارف ان الواحد لو كان مكانك كان انفعل و عمل اكتر من كده ,
لكن كل اللي اقدر اقوله انك تحتسب عند الله و تحمد الله انه جت على قد كده .
لا حول ولا قوة الا بالله
احمد ربنا الف مرة يا محمود ان اختك بخير ...
الوصف اللي حصل دة بشع ....
والله ربنا هو اللي بيستر .......
قدر الله وماشاء فعل
الف سلامة لاختك وإن شاء الله ربنا يعافيها ويشفيها في أسرع وقت.
نفس مقولة والدى الله يرحمه , بس كنت دايما باختلف معاه ان الاوضاع فى مصر والتغير الاجتماعى والاخلاقى أصبح مش كفاية ان يكون معاك الحق ولو بعقد وختم وشهادة شهود , لو محطوط فى دماغ حد حقك لن يقويك وسينزع منك شرفك وملكيتك وحتى اسمك لو اقتضى الأمر .
الحق كان مع النبى عليه الصلاة والسلام بل أكثر من ذلك كان مؤيدا من السماء من عند الله عز وجل , لكن برغم ده لم يقويه حقه وظل مستضعفا ولاقى ما لاقى من جبابرة قريش .
أتمنى ييجى اليوم اللى اسمع فيه من الناس فى الشارع عند أى خلاف طبعا الراجل الحق معاه وغصب عنك لازم تخضع لقوة الحق .
كلام حضرتك مظبوط جدا , وانا أقلمت نفسى انى مش عايش مع بنى آدمين فمتتوقعش من حد انه يشاركك آلامك .
وهنروح بعيد ليه معانا هنا فى المنتدى حد بارز وناشط جدا فى المنتدى الاجتماعى وهاتك يامشاركات فى حب الخير والناس , حد سمع همسة من العضو تساند محمود مع ان موضوع محمود بقاله حوالى 24 ساعة والناس كلها واست محمود فى مصيبته !!!
صلى عالنبى وخلينا بهمنا
لا حول ولا قوة الا بالله.
انا لسة شايفة الموضوع دلوقتي لان الجهاز بتاعي كان فيه مشكلة ويادوب اتعدل شوية وفتحت وفوجئت بموضوعك انا اسفة على التأخير في الرد بس والله غصب عني.
بجد انا قريت كلامك ومش مصدقة اللي حصل وعيوني والله دمعت .
ايه ده ؟ بجد في ناس كده؟ مش بس يخبطها بعربيته بمنتهي الحقارة بسبب التهور والغرز والقرف ، كمان يدوس عليها عشان يهرب ؟ ازاي عنده القلب انه يعمل كده؟ ايه الوحشية دي وايه القرف ده؟ ده الحيوانات متعملش كده وبيخافوا علي بعض ده المفروض يتشنق في ميدان عام عشان يبقي عبرة لمن يعتبر
بجد حسبي الله ونعم الوكيل وربنا يصبرك يارب ويقومها بالسلامة يارب.
وحق اختك لو مأخدتوش من الشخص ده في الدنيا صدقني ربنا هايأتي بيه يوم القيامه واختك تقتص منه لإن ربنا مبيضيعش حق حد ابدا.
بجد قلوبنا معاك وبدعيلك ان ربنا يطمنك عليها ويقومها بالسلامة ويتم شفاها علي خير يارب.
وبقول حسبي الله ونعم الوكيل في الشخص اللي عمل كده وحسبي الله ونعم الوكيل في المهملين والناس اللي بتستخف بحياة البشر بالشكل ده.
ولو محتاج اي حاجة بجد قلنا كلنا هنا في المنتدي اخواتك ومحدش ابدا هيتأخر عنك في اي شئ.
ربنا يطمنك عليها يارب ويصبر قلب والدتك علي اللي حصل
انا لسه شايفه الموضوع دلوقتى
و الله انا أخدت فترة عقبال ما فهمت اللى حصل
لا حول ولا قوة إلا بالله
انا سمعت كتير عن حوادث مشابهة بس بصراحة مكنتش بصدق ان ده ممكن يحصل فعلآ و بالذات لحد مننا
ربنا يصبرك يا محمود و يتمم لأختك الشفا
و ماتقلقش ربنا يمهل و لا يهمل
لا حول ولا قوة الا بالله
الف سلامه على اختك يا محمود وربنا يشفيها وتقوم بالسلامة وتبقى احسن من الاول
وخليك واثق في الله انه مش هيضيع حقكم وهينتقم من المجرم ده
وربنا يصبركم ويصبرنا
رينا يشفيها ويقومها بالسلامة تاني على رجليها يــــــــــــــــارب
بالله عليك تطمنا عليها دلوقتي عاملة ايه
حسبنا الله ونعم الوكيل
طول عمري بقول ان اللى يحصله حاجة في البلد دي مالوش دية ولا تمن
كان زمان لو حاجة حصلت زي كده قدام الناس تلاقي خمسين واحد نطوا على الواد ده قطعوه حتت قبل ما يسلموه للقسم وكنت تلاقي خمسين واحد غيرهم بيتخانقوا على مين يشيل البنت في عربيته للمستشفى وكان طلع كذا واحد يقول وسعوا شوية انا دكتور أو انا ممرض أو .. أو .. (ايام ماكان الدكاترة يتعدوا على الصوابع!!!) ... لكن تقريبا خلاص الشعب كله مابقاش عنده دم ولا إحساس
حسبنا الله ونعم الوكيل
لكي الله يامصر وأصلح الله حالك وقومك
ربنا يصبرك ويجعله فى ميزان حسناتكم ويشفى اختك وتقوم بالسلامه ان شاء الله
حمدا لله على سلامة اختك يا محمود
وربنا ينتقم من كل واحد مهمل معندوش دم
انا لو مكانك كنت حعمل نفس اللى عملته ويمكن اكتر
الناس بقت عندها لا مبالاه غريبه
بجد انا متغاظ جدا جدا
لا حول ولا قوة الا بالله هى وصلت للدرجة دى
تاكد ان الى عمل كدة ربنا عمره ما حيسيبه وحيصله اكثر من الى حصل عندك
انه الجبار المنتقم
لا حول ولا قوة إلا بالله العلي العظيم
بجد ربنا يصبرك ويصبر اهلك ..يارب العرش العظيم ...وتقوم أختك باذن الله أحسن وأقوى من الاول
آمين آمين...يا ذا الجلال والاكرام
البلد فيها تسيب كبير ...وقلة ضمير ....بس صدقني برضه في ناس كتير عندها ضمير وبتخاف من ربنا سبحانه وتعالى
مصر بلد الخير ....الشر للأسف هو إلي ظاهر للناس ...بس البلد دي بلد خير
كان الله في عونك
مش لاقي غير حاجة واحدة بس اقولها
الله يلعن ابو اللي كده في البلد اللي كل همه يمسك ابنه الكرسي وملعون ابو المهم هو عايش مبسوط
لا بيعدي شارع وبيمشي والشارع فاضي
حسبي الله ونعم الوكيل
ويوكل عربيات الاسعاف منتشرة و 5 دقايق وتيجي
يأخي الامريكان اللي هما لا دين ولا مله والله والله والله كمان مرة ان لما قطة تتعلقفي شجرة بيجبلوها عربيه اسعاف وفرقة انقاذ نتقذ القطة
واحنا هنا بنمسح بكرمة البني ادم التراب
والله مرة قادم عيني في مستشفى الهرم كنت في زيارة مريض ودخل راجل تقريبا حد ضربة بسكينه والناس بتتحايل على الممرضه تقوم تشوف في ايه او تكلم الدكتور يقوللها الراجل بينزف ويموت توقعوا ترد تقول (ما يموت انا مالي)
ربنا يخليك لينا ياريس ربنا يخليك لينا يانظيف يا ابو النظافة كلها
حسبي الله ونعم الوكيل
عذرا للتاخير يا محمود ..
و الحمد لله علي كل حال ..
ربنا يطمنا علي اختك .. و يشفيها و يعافيها .. و يقومها بالسلامة ..
و اذا كان ليك حق ضايع مع البني ادمين .. اذا كان ينفع نقول عليهم بني ادمين .. فحقك لن يضيع عند ربنا سبحانه و تعالي ..
و هو اعلم بالحال ...
-------
نسأل الله العظيم رب العرش العظيم أن يشفيها
ربنا معاكوا يا محمود...
و ياريت تبقي تطمنا علي اختك و بحالتها...
و معلش علي التأخير انا والله لسه شايف الموضوع دلوقتي
و ماتقرفش نفسك اكثر ما انت قرفان....
هي بلد باللي فيها مش عايز اقول الباقي...
المهم ان اختك في حاله مستقره و ربنا يشفيها
لله الأمر من قبل ومن بعد
وحسبي الله ونعم الوكيل في كل مفتر وظالم
ربنا يمن على أختك بالشفاء يا محمود ..
وربنا ينتقم من الظالمين
لو عاوزين دم انا فصيلتى O+
0127460636
محمد
ولو فى حد معاه تلفون محمود ياريت يتصل بيه و يقول له على موضوع الدم
طمنا على أختك يا محمود، عاملة ايه دلوقتي؟
لا حول ولا قوة الا بالله ..............حسبنا الله ونعم الوكيل.
اصبر يا محمود واحتسب كل ده عند ربنا سبحانه وتعالى وتمالك اعصابك هو ابتلاء من الله ليك ولاختك شفاها الله ولاسرتك ادعوا ليها بالشفاء ووالله العظيم يا محمود الحيوان اللي عمل كده انا كلي ثقه في عدل ربنا سبحانه وتعالى وصدقني والله العظيم مهما هانعمل احنا فيه كابشر اخرنا ايه حتى ؟ ؟ ؟ نقتله ولا نشنقه ؟؟ دي مش عقوبه والله لحيوان زي مرتكب الحادثه دي ........العقوبه هاتكون اشد من الله سبحانه وتعالى ......ابتلاء مماثل واشد لحد قريب منه او ليه هو شخصياً....مش هانعدد ايه ممكن يحصله لكن دائما كل ما تتذكر الموضوع يا محمود ادعي ربنا واسأله سبحانه وتعالى انه يثبتك ويجيبلك حقك ووالله والله كن واثق تمام الثقه ان حقك وحق اختك عند الله سبحانه وتعالى وربنا يتم شفاءها على خير يا رب ويكرمكم جميعاً ويصبركم ان شاء الله
التعايش «المشترك»
ظهر شرخ في جدار بيتكم، اكتشفتم الأمر فانتشر فيكم أول يوم إحساس رهيب بالفزع، وثاني يوم بدأ كل واحد يسأل: ماذا يمكن أن نفعل؟ وبدأت الخطط للبدائل، ثالث يوم اكتشفتم أنه من الصعب - إن لم يكن من المستحيل - أن تغادروا البيت لأن الخروج منه يعني الخروج إلي المجهول والضياع، رابع يوم أحسستم بالحزن وصعبت عليكم أنفسكم، خامس يوم بدأتم تتوقعون أن ربنا سوف يستر ولن يحدث شيء سيئ بإذن الله، سادس يوم بدأتم تتجاهلون الموضوع ولا تأتون له بسيرة، سابع يوم كنتم تنظرون للشرخ وكأنه لا يعني أي شيء، من ثامن يوم مشيت الحياة طبيعية ونسيتم الشرخ.
هذا بالضبط ما يمكن أن أسميه التعايش، نعم التعايش مع المصيبة وهذه أهم سمة فينا كمصريين، قدرتنا الفذة علي التعايش مع المصيبة، الأصل في الأشياء أن نواجه المصيبة ونحاول أن نجد لها حلاً ونقاومها ونحاول أن نغيرها ونعدلها ونبدلها ونزيحها عنا.. لكن المصريين يجربون حلاً تاريخيًا مدهشًا وهو أن يعيشوا مع المصيبة، كمن وجد جثة علي السرير فقرر أن ينام بجوارها بدلاً من أن يدفنها.
وهكذا قررنا أن نتعايش مع الفقر ونحاول أن نتعامل معه علي أنه قَدَر لا يمكن نغيره، وهكذا نتعامل مع القهر في مجتمعنا من أول المدرس الذي يفرض علينا دروسًا خصوصية أو المدرسة التي تمص دمنا رسومًا أو تبرعات إلي زحام المرور الخانق الذي تحول إلي فوضي، وإلي انهيار الآدمية في ازدحام الأتوبيس، إلي الفكهاني الذي يغشنا في الفاكهة، إلي رئيسنا في الشغل الذي يستغلنا، إلي الموظف الذي يرتشي منا، إلي الحكومة اللي مطلعة دينا، إلي الوزارة التي تسرقنا، إلي الدولة التي تعاملنا كأننا حشرات تحت البوتاجاز ليس لنا إلا الرش، ثم الضابط الذي يبهدلنا في القسم أو في الكمين، ويرميك في الحجز بتهمة الاعتداء عليه أثناء تأدية عمله، حيث إن عمله هو أن يهزأك، إلي أي شخص عابر يقولك ابعد عن هنا ياله فتبعد ، إلي موكب السيارات الرسمية السوداء التي تعطل الطرق كي يعبر الباشا ونحن نقف في الإشارة معطلين عن الحياة عريانين من الكرامة ثلاث ساعات، ثم ابن الرئيس الذي يريد أن يأخذ مصر هدية باعتبارها لعبة «بلاي ستيشن» بتاعته اللي بابا جابها له من فرنسا وهو راجع من السفر، ثم أمريكا التي تذلنا إلي العلاج الكيماوي وأكل الكيماوي والفشل الكلوي والفشل في الحصول علي وظيفة، إلي إسرائيل التي تغتصبنا إلي الدول العربية التي ترفض المصريين لأنهم حاملو فيروس «سي».
وخلاص
كل هذا كنا نعتقد في الأول أنه مصائب، شرخ في الحيطة سوف تسقط العمارة علي إثره ثم عجزنا عن أن نفعل شيئاً فعملنا مش واخدين بالنا ونسينا المصيبة وتعايشنا معاها، يعني نمنا مع الجثة ولا مؤاخذة وماله ما الظروف تحكم.
والمشكلة أننا فعلاً نصدق أن هناك طرفين فقط في الحياة يحكماننا.. الحكومة تحكم، والظروف تحكم أما نحن فلا نحكم أبداً، علينا فقط أن نتعايش لا أن نعيش، علينا أن نتجاهل ويستحسن أن نجهل، علينا أن نسكت ويفضل أن نخرس.
هذا أصل الداء؛ إننا لا نواجه بل ننخ ونخضع ونتعايش، الشعب المصري يشبه الرجل الذي ركب سيارة يقودها سائق، وسارت السيارة ولم يسأل السائق الراكب إلي أين تريد أن تذهب، ولم يقل الراكب للسائق إلي أين يريد أن يذهب، ومع ذلك السائق ساق والراكب راكب وأهي ماشية«!!».
مقال رئيس التحرير من جريدة الدستور
إبراهيم عيسي
معلش يا أخ محمود أعذرني لأني لم أعلم بما حدث لاختك سوي اليوم , و لا أعلم ماذا أقول لك .
لاحول و لا قوة الا بالله , قدر الله و ماشاء فعل , استعن بالصبر و الصلاة علي ابتلاء الله لك , و تأكد ان الله يمهل و لا يهمل
ربنا معاك و يشفي أختك بس ابقي طمنا
معلش يا محمود لسه شايف الموضوع النهارده احتسب عند ربنا وان شاء الله الواد ده حياخد جزائه من عند الله
ابقي طمنا علي اختك عن حلتها ربنا يتم لاختك بالشفا ان شاء الله
لسة شايف الخبر حالاً..ومدخلتش الموضوع قلت يمكن بيعاني من اكتوبر كالعادة ولكن بجد انا دلوقتي في صدمة خلتني كنت هكسر شاشة الكمبيوتر قدامي
بجد مفيش حاجة الواحد ممكن يقولها. لكن في حاجات ممكن تتعمل...زي ان الكلب اللي جري دا يتجاب و ميتسلمش لحكومة ولا لغيره...وحقها تاخده بنفسها..وزي ما عمل يتعمل فيه.
المهم دلوقتي :
1- تحاول تشوف مين كان واقف من الناس ساعتها او الحرس وتديله قرشين في سبيل انه يديلك اي معلومات عن العربية
2- تحاول تدور على اي حد كان واقف من صحباتها او معارفها و يمكن يفيدك. و من ثم متسكتش و بلغ قسم الشرطة وياريت لو ليك واسطة تستغلها كمان.
والأهم من كل دا، طمئنة أختك بإنها فترة و هتعدي بإذن الله على خير، والاهتمام بحالتها النفسية جدااااااااا
وطبعا مش هوصيك على الاهتمام بإلتئام الجروح والكسور.
و اي حاجة تعوزها اخواتك هنا..وانا اولهم وبجد مش كلام و ان شاء الله خير وتقوم سالمة كما كانت وأحسن.
لاحول ولا قوة الا بالله العلى العظيم
أتمنى لأختك الشفاء العاجل وأناشدك ان تصبر وتحتسب وتجعلها تقول : يارب سامحت هذا الشخص لوجهك الكريم من قلبها.
وصدقنى مش هقدر أوصفلك قد ايه كمية الحسنات اللى هاتخدها لما تعمل كده وانت كمان اعمل كده عشان تحس بالراحة والحمد لله على كل حال وقدر الله وماشاء فعل وتذكر دائما ( مأصابك لم يكن ليخطئك وما أخطئك لم يكن ليصيبك).
قلبي المشلول يزحف على حافة الوهن ..
حنجرتى ملقية على اخر رصيف عبرته ..
يقرع أجراس الألم من نأي البكاء
وقيثارة المساءاات تغني اليأ س بلا ملل
حين عانقت أطلالي هوية الكتابة الممسوخة
ماتت حروفي الرثة
وذابت الأحاديث الطافحة بالعفن
وثمة غيبوبة امتدت فوق الأرض اليباب
تنهشه نسور الصمت
لترافقنا المسيرة العقيمة
كظل قصيدة مهترئة / محشورة داخل قصب مالح
تلثم عنق الروح بانكسارات تحتشد فيها غصة حارقة
...
ربما باتت كل السبل إلينا مغلقة
ربما نعشقنا
ولكن ثمة ضجيج فينا / يخنقنا
لم نعد نستوعب الحب
أو ما عاد يستوعبنا .........
فوضى الشعور
وجدائل الرغبة المخنوقة
وليالي النزف / الشوق المعلقة على صدرونا كجثث الخطيئة
وفي دواخلنا كونٌ جنائزي بشع لأعوام من الاحتراق
وبين شذرات من رماد نتذكر حكايات تشبهنا
توارت ظلالها في مسارب القهر المنسلة
من انتحاب الصبح
وعطب الجراح يفتح نوافذ العتمة
وانغماس الأمنيات
نشتمه في هزيع الفجر الكئيب
كأننا مدن تُراقص مُزن الأحزان
و تتأرجح في صحراءها مهرجانات الأوجاع
ووجوهنا العابسة
مواكب وحشة على نعش الفقد
كسيرة .
هذيان داخل رأسي
يطحن المواعيد الهشة لعمر بلا معنى
ويُصادر فتات أفراحي المستعارة
تعاويذ حلمي
صندوقي الأسود
حقائبي المختومة بصيغة الإعدام
وذكريات خبأتها داخل آنية مكسورة
والوقت العابر يتسللني بصيفه المشئوم
حين تتدلى لعناته الليلكية كشهقة احتضار
تحفر على زجاج النسيان
قصائد موت ومقبرة من طين ودموع
موت لعله لا يعرف كيف يصل الىّ
و قدسقطت من حقيبته منذ اعوام صدئه
سقطةً متناهية بى فى اغوار ظلمات ظلاله ، الى فضاءات العدم
ابحث لانفاسى عن لحظة ولادة جديدة.. مسروقة من الزمن المستحيل !!
ماتزعلش
و فكر فى اللى جاى
و اعلم ان هذا طبع الحياة و لا يمكن تغييرة فى وقت انتصارات و فى وقت انتكاسات
موجة عالية و موجة و اطية بص على ايجابيات الموضوع مهما كانت ضئيلة وبص على ناس مثلا زى الفلسطنيون كل يوم بيخسروا
اب ام اخ اخت ولكن بيعيشوا اوقاتهم صح بحلوها و مرها عشان يقدروا يكملوا و انت لازم تعمل كدة عشان تقدر تعيش صح
و ربنا يشفى اختك و انا قولتلك الكلام الغريب دا عشان فهمت من ردود الاعضاء انك مسئول عن اسرتك مثلى و بعيد عنك و تعرضت لظروف مشابهة
وشكرا
ربنا يصبرك على ما ابتلاك واعرف ان المرض ده يطهر البني أدم من سيئاته الله يكون معاك
الحمد لله يا جماعة عدينا يومين القلق و هي كويسة دلوقت .. انا مليش إخوات غيرها لكن في اليومين دول حسيت إن لي إخوات كتير الحمد لله تقريباَ كل الناس كلمتني و متابعاني و حسيت بإهتمام كبير حتي دكتور شيكو كلمني من كندا و قاللي أعمل إيه بالزبط .. و بصراحة عدد الناس اللي كلمتني أكبر من إني أفتكرهم كلهم .. و انا بعتذر إني مقدرتش أرد علي بعض المكالمات لأن كنت مشغول في حاجة أو بخلص ورق في المستشفي أو القسم .. و إنهاردة نمت الصبح كله لأن كان بقالي يومين لا نوم ولا أكل فا معرفتش أرد عالناس اللي كلمتني و معرفش نمرها .. و برضه كلمت بعض الناس و انا تايه شوية لأن كنت بخلص إجراءات برضه أو سايق لمشوار و مكنتش مركز فا معلش و الله (حتي رديت علي أستاذ أحمد إبراهيم قلتله إزيك يا دكتور أحمد :) معلش من كتر الدكاترة اللي شفتها يا أستاذ أحمد) بس انا بشكركم جميعاَ و انا بجد لو حسيت إن محتاج مساعدة في حاجة مش هتردد أكلمكم و ربنا يقدرني و أرد الجمايل بس في حاجة حلوة إن شاء الله .. متشكر لكم جميعاَ و هي الحمد لله دلوقت كويسة حتي قدرت إنهاردة تتني ضهرها في السرير و دي حاجة مكانتش عارفة تعملها من يوم الحادثة بس إنهاردة قعدت نص قعدة كدة في السرير عقبال ما تنزل تمشي علي رجليها إن شاء الله .