يمهل و لا يهمل
كما تدين تدان
لا تظن أن عقاب الله سوف يرحمه (دنيا و آخرة)
عرض للطباعة
قدر الله وما شاء فعل . ألف مليون سلامة على صحة أختك يا محمود وأعذرنى جيه متأخرة والله أنا لسه لامح الموضوع حالآ , الف سلامة عليها وإن شاء الله تعالى تقوم بالسلامة
لا حول ولا قوة الا بالله ...
دعواتنا لاختك ان ربنا يتم شفاها على خير ..
ودعواتنا على اللي معندوش ضمير ربنا ينتقم منه .. وربك يمهل ولا يهمل .. وحقك عند ربنا ومش هيضيع ..
وفوق كل ده وده ..
دعواتنا على كل المستشفيات "القذرة " والمهملين والمتباطئيين في اداء واجبهم ..
ده لسه الوزير قريب قافل كل غرف العمليات ووحدات العناية المركزة في مستشفى مصر الدولي بسبب الاهمال وعدم توافر التعقيم المناسب ..واهي مش هنقول مستشفى حكومي وكل واحد على قد فلوسه .. لا دي مستشفى خاص بالشيئ الفلاني ..
مهو لو فيه رقابة وفيه حساب عسير مكانش كل ده حصل .. مادام الناس انعدمت في قلوبهم الرحمة والضمير ونسيو مراقبة الخالق وعقابه.. يبقى لازم يكون فيه عقاب انساني شديد لمعدومي الضمير ..
الف سلامة على اختك وان شاء الله خير .. وابقى طمنا عليها ..
أخونا الفاضل محمود
طمنا على أختك
هى عاملة ايه دلوقتى؟
اللهم اشفها شفاءاً لا يغادر سقما
و اعلم أخى كما قال الحق تبارك و تعالى
ان بعد العسر يسرا
لا حول ولا قوة الا بالله
حسبى الله و نعم الوكيل
أنا لسه شايف الموضوع دلوقتي وبجد بأعتذر إني إتأخرت كل ده
أنا مش عارف أأقول آيه .... لما قرأت الموضوع تخيلت إن ممكن الواحد يكون في نفس الموقف ده
يارب صبرنا على اللي بيحصل ده
ربنا يكون في عونك وألف سلامه على أختك وبإذن الله تبقى كويسه قريبا
كفاااااااااااااااااااية حرااااااااااااااااام ..... متفكرنيش. :(
ألف سلامة على أختك ... الحمد لله جت سليمة.
يعنى مش كفاية انها متنيلة بنيلة والبنى ادم فيها ميسواش نكلة..
كمان انت لما حقك يضيع متعرفش تاخده من مين ولا مين لا مين ولا حتى تتحسبن على مين !!!!
انا عمرى في حياتى ماشوفت بلد ولا بنى ادمين بالتغييب العقلى والانحدار الانسانى دا بجد ..
بلد كل حاجة فيها غلط , كل حاجة فيها مُهملة, وكل حاجة فيها قذرة ..
دا اكيد الى بيحصل فيها دا غضب من ربنا .. اكيد
يا صاحبى انا مش عارف انطق ولا اقول جملة مفيدة عشان معنديش حاجة اقولها اكتر من انى ادعى لاختك بالشفا وانها تقوم بيالسلامة وترجع زى الاول واحسن يارب..
والحيوان ابن الحيوان الى خبطها وكمل عليها كمان دا باذن الله هاتتردله في امه ولا اخته ولا حد غالى عنده - وان كان الى زي دا بيبقى معدوم الانسانيه - عشان يعرف ان الله حق .. او حتى تترد فيه وساعتها بس هايعرف قذارة الى عمله وهايندم ندم عمره..
الحمدلله بجد انها جت على قد كده , قدر اخف من قدر..
اما بقى بقية مسلسل الاهمال الكوميدي دا .. فا هيا دى بلدنا الى لسه في ناس بيدافعوا عنها .. بتدافعوا عن ايه وليه ؟!
وكان نفسى بجد ابقى معاك في اليوم دا يا محمود .. لانى اكيد كنت في ظرف 5 دقايق عندك .. بس معلش انا عاذرك وعارف ان الواحد في الحال دى بيبقى مش عارف يعمل ايه ..
دى اختك برضه .. ومفيش اغلى عند الواحد من عرضه , اخته ولا امه.
لا حول ولا قوة الا بالله العلى العظيم ..
ربنا يشفيها يارب والكسور تخف بسرعه وترجع زى الاول واحسن باذن الله.
انا لحد دلوقتى مش قادر اتصور مدى حقارة البنى ادمين الى وقفوا يتفرجوا عليها .. في قلب الشارع واحده بين الحياة و الموت ومفيش حاجة تهز البقر دول؟!
مش ممكن بجد اللامبالاة دى .. مش ممكن كل حاجة في ام البلد دى..
كفاية بقى كده .. كفاية بجد !
واسف يا صاحبى 100 مرة انى مشوفتش الموضوع يومها .. كان زمانى حتى عامل اى حاجة بدل ام الغيبوبة الى الواحد فيها دى ....
و يظل الإهمال و عدم محاسبة الجانى هم المسيطرين ...
كان الله فى العون :)
و اقولك اية ؟
احمد ربك ... فى ناس بيحصلها اكتر من كدا و مفيش فلوس و لا ادوية ...إلخ ...
بصراحة انا برضة كل بكره البلد دى كل يوم زيادة عن اللى قبله ..
ياصديقى العزيز حصل والله ووقفنا معاه بأضعف الايمان وعملت موضوع عن اللى حصل لاخت محمود ورفعت صورة لعربية بنك الدم ومتعلق عليها فساتين يمكن حد من زملائنا المحترمين يكون صحفى ولا حاجة ينشرها ويكون موضوع محمود ضارة ونافعة باذن الله .
اما الخناقات الجانبية اللى حضرتك بتسميها دى انفعالات وقتية بحكم الموقف , يعنى لما تكون زعلان على اللى جرى لاخت محمود وعلى اللى جرى فى البلد وحاسس انك مش بعيد عنه وتبص تلاقى أكتر من 100 مشاركة ورد لمواساة اخونا محمود فى مصيبته والاقى الشخصية اللى انا باتكلم عنها اسمها ظاهر برة ومتواجدة معظم اليوم ومشاركة فى مداخلة بشأن عربية فى نفس اليوم بتاع محمود دون أى مشاركة ولو بهمسة تواسى فيها العضو , يبقى كل مواضيع الشخصية دى عن الخير وعن حب الناس والانسانية اعتقد عليها علامة استفهام ؟؟؟ وسبحان الله أول ما علقت ظهرت تلك الشخصية فجأة بمشاركة على استحياء !!
هو ده بس اللى لفت انتباهى وانا برد على العضو بان عدم المشاركة ممكن يكون من المحيطين ايضا بجانب الغرباء .
أما حكاية هو فيه ايه بالظبط , اظن ان التعليق واضح !!
اخونا العضو المحترم مهندس البترول لقيته بيقول تعليقا على ماحدث لاخت محمود ان مصر بخير وجميلة وزى الفل بس الشر هو بس اللى باين وظاهر !! الصراحة استفزنى كلامه جدا ولا كأنه عاش هنا ولا سمع كلام زملائنا فى مواقف مختلفة عما وصل اليه حال بلدنا , فحبيت اقوله انه لما يستقر فى مصر ويعيش ادق تفاصيل الحياة هيغير كلامه وينزل للأرض تانى !!
ياريت ناخد الكلام والتعليق من سياقه ومنخرجهوش منه عشان معناه ميختلفش !!
اما الشخصية اللى بتقول اصل الناس بقت تعشق الخناق لذاته , ربنا يقدرك على فعل الخير وحب الناس والانسانية !!!!!!!!!!!!
وكلامى مفهوم
واضح ان الكلام علية، و بالرغم من إني مش مضطرة أوضح موقفي لحد، إلا إني في نفس اليوم اللي قرأت فيه الموضوع أخدت رقم محمود و كلمته على الموبايل و لما عرفت انه مشغول بعت له رسالة على الموبايل أتطمن فيها عليه و على أخته و هو ممكن يقول لك كده بنفسه. أنا بس عايزة أسأل سؤال: هي الناس هنا بتدخل ترد و تواسي عشان الناس تقول فلان أو فلانة وقفت جنب أخوها و ساندته؟ و لا عشان هي فعلا قلقانة على البني آدم ده و عايزة تطمن عليه؟ متهيألي أترك الإجابة ليك أفضل.
اما باقي كلامك.. فلا تعليق رغم اني عندي الكثير و الكثير لأقوله، إلا اني مش عايزة أحول موضوع مؤلم زي ده لحوار جانبي في موضوع تاني أيا كان.. فما بالك بأه بتشكيك زي اللي انت بتحاول تعمله بطريقة مؤسفة مش لاقية لها وصف الصراحة.
يا اخ فياتو ..
بداية .. مشكرو لشعورك الجميل نحو محمود اخوك .. و غيرتك علي الموقف اللي هو فيه ..
لكن اولا و اخيرا ..
انت متعرفش ظروف الناس ايه .. يمكن واحد يحب يتواصل مع محمود علي الخاص .. او علي التليفون .. او يمكن هو معاه دلوقتي في المستشفي او البيت .. او يمكن ميعرفش محمود اساسا .. و محرج انه يتكلم معاه .. او ..او .. او يمكن هو في ظرف اقسي من اللي اخوك محمود فيه ... الله اعلم
الشاهد ..
كل واحد ليه ظروفه .. و كمان كل واحد ليه وجهة نظره .. و عمرنا ما حنعرف الناس جواها ايه .. ولا نعرف نقفل افواه الناس .. كل اللي عايز يشارك اخوك محمود في ازمته ..يشاركه بالطريقة اللي تعجبه .. وربنا يجزيه خير ..
----------
خلينا نركز احسن مع محمود .. و ندعيله و لاخته ان ربنا يقومها بالسلامة ...
قوووول امين
اعتقد دى حاجة ماتخصكش اذا كانت تواسى او لأ
انت مش طرف فى الموضوع ومش من حقك تتكلم فيه اساسا
الموضوع هنا مأساوى ومش ناقصين ناس تدخل تقول كلام بايخ ومالوش لازمه
اللى عنده كلمه حلوه يقولها واللى ماعندوش يسكت احسن
ربنا يهدى الجميع
غلط يا علا انك رديتى
حتى هو لو قاصدك انتى هيطلع بكل سهوله يقولك انا مش اقصدك
ولو قال انا اقصدك انتى برده غلطتى انك رديتى عليه
واضح انه عاوز يعمل مشاكل او عايز يوضح وجهة نظر معينه محدش شايفها غيره
هو هنا مجرد واحد بيشارك برأيه فى قضيه معينه
معنى انه يتجه لقضيه تانيه انه بيخالف هدف الموضوع وبكده يستحق حذف مشاركته من الموضوع
بدل ما تدرى عليه ابعتى للمشرف ان فى مشاركه سيئه فى الموضوع عشان يحذفوها خالص
لكن مش كل ما حد يقول حاجة هنرد عليه كده هنعمل مشاكل ملهاش لازمه
ياريت الاداره تحذف مشاركة فياتو ومشاركة علا ومشاركتى عشان يفضل الموضوع ليه هدف واحد اننا نطمن على محمود واخته
بالنسبة لاخويا محمود واخته
الف حمد لله على السلامة اختك
الحمد لله انهارده قدرت تقعد بكره ان شاء الله هتقوم وتقف وتجرى كمان
المهم بس تطمنا عليها كل شويه
وكلنا بندعيلها ان شاء الله تقوم بالسلامة
الف حمد الله على سلامة اختك يامحمود.
وربنا يتم شفاها على خير ويقومها بكامل صحتها يارب.
ومتقلقش كل الالم اللي هي اتعرضتله ده هايتحط في ميزان حسانتها وبجد الإبتلاءات اللي من النوع ده بتبقي اختبار لأهل المريض اكتر من المريض نفسه وبجد ربنا يصبرك ويصبر والدتك وتعدوا الإبتلاء ده على خير ان شاء الله.
وان شاء الله ربنا هايعوضكوا خير عن كل ده بإذن الله.
ومرة تانية الف الف سلامة عليها وربنا يتم شفاها على خير امين
الف حمد الله على سلامة اختك
اقسم بالله انا لو مكانك و اتليمت على صاحب العربيه لنا ضاربه بالنار
و عادى حتاخد برائه , اصل الى عايز يعمل حاجه فى بلدنا بيعملها بفلوسه او بنفوزه
و اذا اجتمع الاتنين أصبحت فوق القانون
الف الف سلامة يا محمود على أختك الغالية
و يوم بعد يوم كل حاجة هاتتحسن و ترجع تجري و تبقى عال العال
بس جرح البلد دي مش هايروح منها و لا منك ولا مني بسهولة
كويس انك فوقت علشان ترد عليا بقى بدل القلبة دي :)
الحمد لله .... ربنا يتم عليها الشفاء بكرمه ورحمته ولطفه
....
ما تفتكرش يا محمود ان اللي عمل كدة ده نفد .... لأ .... ده ربنا ح يسلط عليه عذاب ضميره ... إذا كان عنده بقية من ضمير ....
ولو ما عندوش خالص ..... ح يسلط عليه شيطانه .... يقعد يخوفه ... يمكن حد خد النمرة ... يمكن حد بلغ باوصاف العربية .... يمكن البنت تفتكر اي حاجة تدل عليه ....
وده طبعا غير عذابه عند ربنا في الدنيا والآخرة .... هو ربنا بيضيع حق حد ....
ويمكن يكون ربنا بالحادثة دي بعد أختك عن شر اكبر من كدة بكتير ...... ده ربنا لطيف ... بيجعل من الامر الذي ظاهره شر ... بيجعل فيه كل الخير ....
الحمد لله رب العالمين ....
اما حكاية دكتور دي .... يا رب يا محمود ... ربنا يسمع منك .... انا بافكر فعلا احضر دراسات عليا .... يمكن دي بشرة خير .....
الحمد لله علي سلامة اخنك
ايوة يا دكتور ما انا قولت ان ده غير عذابه عند ربنا في الدنيا والآخرة ....
لكن تعرف يا دكتور .... انا شبه متأكد ... ان اللي عمل كدة .... رجع تاني بعد ما ركن العربية بعيييد .... ممكن يكون رجع بتاكسي او ما شابه ذلك .... عشان يشوف ايه اللي حصل وحد خد نمرته ولا لأ و البنت حصلها ايه .....
اللي بيصدم حد بالشكل ده .... غالبا بتبقى تصرفاته بعد الحادثة غريبة
بيبقى زي ما يكون بيحلم .... وبيبقى مش عارف يعمل اية .... يقف .... ولا يجري .... ولا ينقل المصاب للمستشفي ....وغالبا بيسمع كلام اللي قاعد معاه في العربية .... بيبقى متلهف علي حد يقولو يعمل ايه
بيبقى في حالة ذهول تام ..... وربنا بيلهم كل واحد التصرف حسب نيته وعمله .....
يعني الزبون ده .... لو كانت نيته سليمة و كان وقف او حاول ينقلها مستشفي .... اكيد هي واهلها كانو ح يقدرو الموقف ده بعد صدمة الحادثة ما تروح ..... لكن لسوء نيته ربنا خلاه يهرب .... وكمان لما ييجي يهرب بشكل غبي ويصيبها اصابة اضافية .... عشان ماحدش حتى يتعاطف معاه او يسامحه ....
والله برغم ذلك فيه ناس بتسامح لوجه الله من غير ما تشوف مين اللي خبط ومن غير ما يقف ..... بيبقو مسامحين كصدقة .... ابتغاء مرضاة الله
نحمد ربنا انها بخير وربنا يتم شفاها
تعرف سليمان الحلبي ؟
لأ
هنعرفهولك :devil:
يا ريت بس الموضوع يمشي زي اللي في دماغي
و يا حج أحمد و الله لو كان وقف كان أخر حاجة ممكن تتعمل معاه هو إنه هياخد كلمتين في جنابه و لكن كان هيثبت حسن نيته و إنه مش قصده و ساعتها كان ممكن نقول برضه ماهو أصله طريق سريع .. إنما يخبط .. و يطلع بالعربية فوق المخبوط .. و يجري .. دي تحولت من حادثة إلي جريمة .. لأن كله كوم و إنه يطلع فوق المصاب ده كوم .. و بصراحة لو إتمسك لن نتنازل عن حقنا القانوني علي الأقل ، لعل ده يكون عبرة لدايرة معارفه علي الأقل ، سواء أصدقائه اللي أكيد هبل زيه و فاكرين الجري في المدينة و الغرز دي شطارة و صياعة و إنهم خلاص كدة العيال اللي من الأخر و مقطعين البطاقة .. أو أهله اللي معرفوش يربوه و محاولوش يطلعوه إنسان سوي يخاف علي غيره بدل ما يجري ورا أهواء شخصية قد تضر الأخرين شر الضرر و سلموله طوربيد بيوصل لسرعات 160 و 180 كيلو في الساعة يقتل بيه الناس في الشارع .
ملحوظة : صاحب الجامعة حلفلنا بأغلظ الأيمان إنه بيتذلل للمحافظة إنه يعمل كوبري مشاه "علي حسابه" لطلاب جامعته لأن مش أول مرة تحصل حادثة بين الناس اللي بتجري و الناس اللي بتعدي .. و لكن مطلعين عينه و مبهدلينه في الروتين لدرجة إنه خصص موظف لمتابعة الموضوع فقط ، و لكن محدش معبره .
ايه حكاية يا دكتور يا دكتور دي:euro: ؟؟؟؟
انت نسيتني ولا ايه ؟؟
انا أخوك الصغير :k10: ايوة ايوة بتاع المقابلات
عموما ..
أما عن موضوع الصدقة يا أ. أحمد :biggrin24: و المسامحة.. طبعا لها أجرها
ولكن (العفو عند المقدرة)
يعني لما نجيبه
ونكتفه
و نكب عليه جاز
و نولع عود الكبريت
و هو يغرق الكرسي
ممكن نقوله ساعتها " ولا بلاش روح يابني المسامح كريم, الله يسامحك"
انما يهرب و نقول سامحناه ! لأ
و لاتنسى أن "العين بالعين" ..و "لكم في القصاص حياة"
ألف حمد لله علي سلامة اختك يا محمود , و تأكد أن ربك لبالمرصاد و أنه يمهل و لايهمل , اللي عمل العملة دي أكيد هايجي يوم و يدوق من نفس الكأس اللي انت دوقت منها انت و أختك
المهم دلوقت ان الحمد لله اخت محمود بتتحسن يوم بعد يوم وربنا يتمم شفاها يارب وتقوم بالسلامة وربنا يطمنك عليها يا محمود ويخليكوا لبعض
لأ يا دكتور ...الواد ده ما يستاهلش كده...حتى ده خسارة فيه...هو يتولع فيه ذات نفسه من غير ايه حاجة ...الا لو انتوا ناويين تشربوه الجاز ده قبل ما يولع ..فى الحالة ديه يبقى عندى انا
عموما يا محمود حمد لله ع سلامة اختك ربنا يتم شفاها ع خير..و يعينك على ما ابتلاك بيه.
الف سلامة على اختك يا محمود و ربنا يتمم لها الشفا
اما عن تفاصيل الحادثة فحدث و لا حرج طول ما انت فى البلد المنكوبة دى
الحمد لله على سلامتك أختك أخونا محمود
أسأل الله العظيم رب العرش العظيم أن يتمم شفائها على خير .
أما من قام بفعل الحادث فاعلم يقيناً أن الله يُمهل و لا يُهمل
ايه الاخبار النهاردة يا محمود ؟؟؟
ربنا يكون في عونك احنا في بلد بنت *&*()*
مفيش اي تقدير للبني ادم و بعدين يقولو ليه الشباب بيهاجر
بس ياباشا ربنا يصبرك ويشفيلك أختك وحق عند ربنا عز و جل وعمرة مهيضيع ابدا ...ربنا يصبرك
اخى الحبيب تماسك
ربنا ان شاء الله هيشفى اختك
ما تقلقش
اسأل الله العظيم رب العرش العظيم ان يشفيها
اسأل الله العظيم رب العرش العظيم ان يشفيها
اسأل الله العظيم رب العرش العظيم ان يشفيها
ما تحمل هم وأحنا كلنا تحت امرك فى اى شىء
انت اخويا وأختك اختى لو أحتجت اى شىء اامرنى امر فى اى شىء مهما يكون هوا ايه هتلاقينى جنبك
متشكر للجميع مرة أخري .. ربنا يخليكم ليا :)
ياباشا انا مش عارف ازاي الكلام دا حصل طب و فين البني أدمين اللي كانوا في الشارع اي حد معدي كدا معدي كدا
كل الناس ولا كانهم شافوا حاجه محدش يعني صعبة عليه البنت اللي اتخبطت و اتداست دي ادام عنيهم لا حول ولا قوة الا بالله
قلبي معاك ياباشا والله قدر الله و ماشاء فعل و ابقي بلغنا بالاخبار و ان شاء الله تقوم بالسلامه