مشكلة فى دوارة العربيه صبح وبليل

**m0stafa** · 05-11-2008 12:34 AM

السلام عليكم

كنت بدور عربيتى كل يوم الصبح بعد رابع او خامس مره
رحت جبت بوجيهات ngk يابانى ب 45 جنيه من واحد مضمون اصلا بيستوردهم يعنى مضمون مش مضروب

و ركبت البوجيهات ورجعت العصر كده وركنت العربيه فى الشارع .. بس انا نزلت الساعه 12 علشان اركن العربيه تحت البيت .. وبدور العربيه مدارتش الا من المره التالته
فانا معرفش ايه المشكله بالظبط .. ممكن اقتراحاتكم؟

ومعلش فى سؤال تانى : انا كنت ماشى بنزين 90 وغيرت لبنزين 92 فتره ورجعت ل90 تانى .. وفى كركره مع تزويد البنزين وقرفتنى بصراحه (العربيه فتيس اتوماتيك) وانجيكشن ..
كنت بسأل على العلبه دى معرفش اسمها الى بتنضف رشاشات الانجكشن .. هل هى فعلا مفيده؟ وبتتباع فين . علما بانى مش من القاهرة .من بورسعيد .

وارجو الرد لانى مش عارف اعمل ايه وشكرا

**ibrahimsaad** · 05-11-2008 05:58 AM

نفس المشكله معى فى الدواره وخاصه الصبح والليل

كانت بدور بعد كام مره ولكن بعد ان غيرت طقم الكهرباء والبوجيهات لفرنساوى مستورد حدث نفس اللى بتقول عليه بتغيب العربيه على ماتدور

ياريت حد يعرف السبب

اما بخصوص البنزين لديك

روح اى بنزينه او مكان تغير زيوت وقل للبائع انك عايز السائل اللى بيتحط مع البنزين علشان الانجكشن انا الصراحه مش فاكر اسمه لكن همه عارفين وده فعلا بيجيب نتيجه كويسه بعد خلطه بالخزان مع البنزين

**ramyiar** · 05-11-2008 04:53 PM

اتاكد الاول ان العيب مش في البوجيهات الجديدة ركب مكنهب بوجيهات متجربة قبل كدة ياما من عند المكنيكي يااما من عربي واحد صحبك
تاني حاجة شوف اسلاك البوجيهات جايز عوزين يتغيرو
والله اعلم

**m0stafa** · 05-11-2008 07:13 PM

شكرا ramyiar و Dr Ibrahim Saad على الرد

البوجيهات تمام و العربيه بقى سحبها احسن مفيش مشاكل منها

مش ممكن يكون العيب من تغيير البنزين من 90 الى 92 الى 90 تانى؟
وايه اخبار فلتر البنزين؟ بيتغير كل اد ايه؟

ومعلش يا جماعه ممكن حد يقولى اسم علبة السائل الى بينضف الرشاشات .. مهو ممكن ده يكون سبب برضه فى ان الرشاشات عايزة تتنضف و سعرها كام وازاى استخدمها ؟

**hic** · 05-11-2008 09:04 PM

انا اعرف ان احسن نوع هو (اس تى بى) و ممكن تلاقيه فى كارفور بس خلى بالك علشان فى منه نوع للكاربيراتير و نوع للانجكشن و كمان فى منه زيت ممكن يتحط فى زيت الفتيس لتحسين اداؤه
بالنسبه لسعره فى حدود 20 -25 جنيه على ما اعتقد

**moby** · 05-11-2008 10:10 PM

STP
وأسم المنظف

راجع موقع الشركة :
http://www.stp.com/fuel_scfict.html

**m0stafa** · 06-11-2008 05:36 PM

شكرا hic و moby على التوضيح والمساعدة

وبما ان معندناش كارفور فهدور فى اى محطة بنزين

بس معلش رجعت تانى لموضوع ان العربيه لسه مش بتدور من اول مره
هو ممكن يكون بنزين وحش مثلا .. والبوجيهات اسلاك البوجيهات مش هى المشكله لانهم كويسين

انا عربيتى انجيكشن 1500cc و فى ناس اصحابى قالت ان العلب السائل الى بتنظف الرشاشات والى بتنقى البنزين كلها كلام فاضى و مش بتعمل حاجه..

ايه رأيكم ؟

**aYaBooY** · 06-11-2008 05:53 PM

1 تدور على ميكانيكي بيشتغل في العربية بتاعتك و لو موصلتش في بورسعيد يبقي تشد حيلك على الحرفين

أ- يراجعلك على سلوك البوجيهات و ليس البوجيهات
ب- فلتر الهواء يشوف ها يتنضف و لا هايتغير
جـ- فلتر البنزين المفروض يتغير كل 10 الاف كيلو و ممكن يكون ناسر على سحب العربية و ممكن يتعبلك طرومبة البنزين لو مش نضيف
د- يفك نظام الحقن و الرشاشات و يراجع عليهم كويس و ينضفهم ( ليهم اسبراي مخصوص و يا ريت ميستخدمش طنر عادي )
هـ- تخلص الكلام ده و تشد على كهربائي يشوف شحن البطارية بتاعتك و الدينامو ايه اخبارهم ( و على فكره ممكن يكون ده لب المشكلة اصلا )

بعد كل ده لو المشكلة فضلت موجودة يبقي هاتدور على مركز يكشف على الماتور بالكمبيوتر