لو سمحتم ياخبراء .. قررت أشتري سيينا بإذن الله .. وعاوز رأيكم ... ايه هيا عيوب السيينا 1400 وشكراااااااااااا مقدما
عرض للطباعة
لو سمحتم ياخبراء .. قررت أشتري سيينا بإذن الله .. وعاوز رأيكم ... ايه هيا عيوب السيينا 1400 وشكراااااااااااا مقدما
انا كانت معايا سينا 1400 فبريكة بالكامل لمدة سنة ونصف
مميزاتها بالنسبة لى
صاج السيارة قوى قاعدتها حلوة فى السواقة الثبات والتكييف والباور مش بطال الشنطة واسعة ارتفاع السيارة على الارض مش وحشة بص مجمل السيارة كشكل وسواقة مش وحش
علشان السيارة ماتخربش لازم ميكانيكى يعرف تفاصيلها ( انا كنت بتعامل مع ميكانيكى متخصص سينا وفيات فقط امام ابو طارق ش شامبليون وسط البلد وبجانبه الكيلانى ملك قطع غيار فيات )
العيوب : ( دى تجربتي )
اسعار قطع الغيار غالية جدا مقارنة بالكورى وعن تجربة كتاوت الدينمو كلفتنى من 200 الى 300 ج مروحة التبريد 400 ج صيانة الباور كلفتنى 1250 ج عمل سرفيس كامل كلفنى 1150 ج شامل المصنعية 200 ج تغير جميع السيور والبوجيهات والتيل والفلاتر وزيت الماكينة علشان تحل الدينمو مشكلة لازم اما تحل فردة الكاوتش اليمين والكوبلن او تحل الباور بالكامل وده بيكلفك مصنعية كهربائى وميكانيكى كنت كل شوية رايح للميكانيكى والله كانت ايدى فيها ولما قررت اسافر المنصورة وانا على الدائرى سير الديبرياج انقطع فى حتة مقطوعة مشيت على التالت حتى رجعت البيت وتانى يوم روحت اجيب السير من الكيلانى 150 ج ركبهولى ميكانيكى ورجعت على الميكانيكى بتاعى جنب الكيلانى وحتى تركيبه مقرف مش زى العربيات التانية وروحت البيت وقررت اروح المنصورة فى الاجازة التالية وقبلها بيوم وانا رايح الشغل لقيت دخان طالع من الشكمان ركنت اشوف فيه ايه ( ايه حكايتك معايا ) بخار كتير طالع من الشكمان ماروحتيش الشغل وروحت للميكانيكى كشف وقالى جابت وش سيلنتر ( لبست 2250 ج وش ) ومن يومها قررت الببببببييييييع وبيعتها وجبت اكسنت والحمد لله على النعمة اللى انا فيها
الله يسامح الوكيل ( فيات ) هو اللى عامل كدة فى عربياته بسبب الغلاء المبالغ فيه فى قطع الغيار
هى عربية جميله بس تغور بسبب السخونة وغلاء قطع الغيار
والله انا رائى انك الفلوس اللى معاك تحطها تقديمة عربيه زيروووو افضل وهو اللى اللى تصلح بيه المستعمل تدفعه اقساط
وهو اسمك راكب زيرو يعنى لا اعطال ولا الهو لمدة مش اقل من 5 سنين شارى دماغك من وش الصنيعيه واستغلالهم
المقترحات
سوزوكى اللتو
سبرنزا a113
ده اللى متاح بالنسبه للمبلغ اللى معاك
يعنى قطع الغبار مبالغ فها ؟؟؟
لو عاز اعمل الصيانه الدوريه بوجيهات وسيور وكدة هتكلفنى كام ؟؟؟
انا كان معايا سيينا لفترة طويله واحب ااكد ان العربيه مافيهاش اى مشكله تتعلق بالسخونه.. كل الموضوع ان العربيه زيها زى غيرها حسب المستخدم بيحط ميه حنفيه او ميه خضراء من اللى بتتباع فى الشارع فا الريدياتير بيصدى مع الوقت والاملاح المعدنيه اللى فى الميه بتاكل الخراطيم وبتبوظ الكوع والمواسير والريدياتير.. انا العربيه قعدت معايا 5 سنين وبايعها عامله 211000 كيلو ومشاكل السخونه كانت طبيعيه زيها زى غيرها.. ولما غيرت العربيه مابقيتش احط غير ميه توتال ولازم لما تحطها كمان تروح لميكانيكى (مش بتاع ريدياتيرات) يفك طبه الميه اللى فى اخر الموتور تحت وينزل الميه كلها بالكامل ويحط الميه الجديدة ومابيتزودش عليها نقطه ميه من الحنفيه لان تركيزها 33% والميه العاديه طبعا بتبوظ التركيبه..
انا عربيتى ماشيه 150000 كم وعمرى اصلا ماجيت جنب الريدياتير بغير ميه بس كل 60000 من باب النضافه مش اكتر
وبالنسبه للسيينا عموما عيوبها:
مراياتها تعبانه وبتبوظ على طول
العربيه واطيه لما اتنين بيركبوا ورا
التنك مكانه سخيف جدا لان برة مافيش مطبات وهنا المطبات بتحك فى التنك (بس ليها حلول ممكن تعملها قميص حديد)
الصاج مش مجلفن ضد الصدا فا لو حته اتخبطت ممكن تصدى لو ماتمعجنتش
ملحوظه: الكيلانى اغلى واحد بيبيع فيات والميكانيكيه اللى حواليه كويسين بس حراميه جدا جدا جدا واسعارهم هبل بمعنى الكلمه
يعنى مثلا علبه الدركسيون مكتوب فى بوست فوق انها اتكلفت 1250 جنيه علما بانى عملت طقم اصلاح قبل كدة ف علبه الدركسيون كلفنى 100 جنيه كله
والصيانه عندك مثلا فتر هواء 30 جنيه فلتر بنزين 50 جنيه بوجيهات 60 جنيه سير دينامو ب 40 و 80 جنيه سبر تكييف او باور او دينامو كل واحد مايعديش 40 جنيه بليه السير كبيرها 50 جنيه (انا كنت بجيبها ب 25 جنيه اصلا) وطبعا الميكانيكى المفروض اخرة 100 او 120 جنيه
وعموما لازم العربيه دى تتجاب حاله كويسه جدا والحلو اوى فيها مش بيقل عن 39000
يارب اكون افدت
ربنا يباركلك وبجازيك خير
35000 مش هايجيبو حاله كويسه فيها الكويس فعلا اللى ماشى قليل وفابريكه بتلعب فى رينج 40000 ولو معاك 35000 بلاش تجيب حاجه حالتها نص نص هاتتعبك ومافيش حد هايبيعها تحت ال 38000 الا وفيها مصاريف او تبقى حالتها مش قد كدة
معاك ربنا
الاكصدام الخلفي غير متوفر او قليل جدا
علبه الدركسيون بتعمل 2000 الى 2500 جدبده
موبينه من 300 الى 600 على حساب الصناعه
مارش اصلي 1450
راديتتير صيني 300 اصلي 500
قواعد راديتير فبر 80
طقم كاتينه وبليها مش اقل من 450
شوف انت الباقي ؟؟؟؟؟؟؟؟؟؟؟؟؟؟؟؟؟
طلمبه مياه استيراد 200 بالهاوسنج او بالشجره بتاعتها
كوعه ترموستات 200 اللي فوق عند الوش
المكنه 1600 الشورت بلوك ب 3500 ( ماتور فاضي من غير اي حاجه)
ضفيرة 1600 ب 900 جنييه استيراد
كبالن صيني 450 ج
السيينا النضيفه مش هاتقل عن اربعينات وصيانتها مكلفه كقطع غيار بس العربيه ركوبه حلوه
لو منك اركب اكسيل او ياباني تسعينات او شاهين نضيفه اوفليشيا بيتي
العربيه المتصانه تستاهل اهم شي الحاله
[gdwl]أولا ::[/gdwl]
الاسعار مبالغ فيها شويتين ، الموبينة كنت جايبها ب 200 تقريبا ، وكوعة الترموستات ب 135 تقريبا ، طقم السرفيس كله ( كاتينة وبور وتكييف وفلاتر ) ممكن يعمل فعلا 500 ، بالعكس انا بعتبر فعلا ان اسعار قطع الغيار معقولة ..
[gdwl]وثانيا : [/gdwl]
يا mbx4e لو قفلت من اي عربية بيعها.ولا تشغل بالك وبلاش تطبق حالة عربيتك على جميع العربيات
[gdwl]ثالثا : [/gdwl]
هات شاهين او فليشيا وهما شهرين وهتولع فيها وفي اللي باعها لك :10_1_104v[1]:
معلش هى الاسعار دى انت جايبها منين؟؟ انا كان معايا العربيه دى 5 سنين انا عاوز اقوللك ان طقم الكاتينه كله على بعضه انا كنت بجيبه ب 150 السير بالبلى بتاعه (دة كدة كمان والسير الغالى المفتخر ابو 80 جنيه مش 40 جنيه)
الكوبلن الصينى انا جبته ب 70 جنيه الواحد وقعد فى العربيه 5 شهور وكان شغال زى الفل وبعدين انا بعت العربيه
مش عاوز اقوللك انى جبت مرتين اكصدام قدام من الوكاله مرة جبته ب 100 جنيه والمرة التانيه ابويا اللى راح جابه واتضحك عليه جابه ب 250 جنيه.. وجبت جوز فوانيس من الوكاله ب 250 باللمبه الاصليه بتاعته كان زى الجديد فعلا وجبت مرايا استيراد برضه ب 100 جنيه
وكمان مثلا محدش بيجيب علبه دركسيون جديدة بالذات بقى لما يبقى ليها طقم اصلاح اساسا.. يعنى تتغير ليه مثلا واصلا بتاعه البيجو ال 307 فى الوكاله ب 700 جنيه قبل الفصال لما سالت عليها مابالك بقى السيينا..
يا جماعه الاسعار دى بجد مبالغ فيها وغير منطقيه انا كان معايا العربيه وبجد مافيش كدة وكمان انا عشان معايا جراند بونتو دلوقتى بضطر اروح للكيلانى عشان قطع غيارها مش كتيرة اوى يعنى بس لما كان معايا السيينا عمرى مارحتله غير لو مالقيتش حاجه يعنى
أنتم الاتنين في معاكم سيينا دلوقت؟ كل كلامكم معدي عليه سنتين على الأقل بالنسبه للاسعار دي كانت الاسبوعين اللي فاتو واتصلوا بالكيلاني واسالوه عن الاسكترا والموبينه والكاتينه بالبلي والشدادات الخلاصة ألعربيه ركوبه بس الحاله وفي ناس بتشوف ان أسعار قطع الغيار مرتفعه مقارنه بالكوري نفس الموديل والفئة في الأخير الحاله تحكم
السلام عليكم ورحمة الله وبركاته:
يا جماعة الخير انا اشتريت سيينا 1400 موديل 2002, العربية بعد ما مشيت بيعا يومين لقيت مافيهاش سحب خالص وبتاكل بنزين جامد . روحت كشفت عليها فى مركز صيانة فى ابو رواش الكيلو 28 قاللى العربية كأساسات حلوة ومرشتش قبل كدا والدواخل كلها فابريكا بس الموتور عايز عمرة والشكمان محتاج يتغير , انا كدا خدت مقلب عمرى واللى باعهالى نصاب معرفتش اخد معاه حق ولا باطل والميكانيكى الحمار اللى شافهالى بيقوللى الموتور ميعيبش عربية وهو طقم شنبر والعربية تبقى زى الفل . انا محتار ومش عارف اتصرف ازاى , ياريت لو حد يدلنى على ميكانيكى وكهربائى بيفهموا فى العربية يكونوا قريبين فى الشرقية او الدقهلية يدلونى الصح ايه. وشكرا
الميكانيكية دووول الله يحرقهم موش فاهمين ف حاجة وبيألفوا ف كل حاجة
لو حضرتك من القاهرة كنت وصفتلك اكتر من واحد ممتازين وعن تجربة ....
وأكيد بعد ماتحط العربية على الكمبيوتر تقدر تعرف ايه المشكلة بالظبط ...
أعتقد في حالتك دى العربية عاوزة حساس شكمان وده هيبقى ف حدود 450 ج
والعربية هتبقى زي الفل ان شاء الله
ابقى قوللى عملت ايه
صحيح نسيت اسأل جبت العربية بكام ومنين ؟؟
يعنى ياجماعة الخير
انا من بنها
معايا لحد 35
اجيب انى عربيه من ناحية قطع الغيار والبنزين والسخونة
فيات تمبرا والا سينا والا 31 والا شاهبن والا اكسيل
السلام عليكم ورحمة الله
انا للاسف اتهورت و اشتريت سيينا ٢٠٠٢
١٤٠٠cc
عندي مشكله:العربيه بتنتش جامد( عداد rpm بينزل لوحده فجأة).
مع العلم انا بحط بنزين ٩٢ و مغير البوجيهات و فلتر البنزين و فلتر الهوا، بس المشكله ان قلب طلمبه البنزين نوعه صيني.
انا مش عارف المشكله من طلمبه البنزين و لا حساس rpm ولا من ايه؟
ارجو الافاده.. و في النهاية لا انصح اي حد يشتري هذه السياره
لا انصحك بشراء السيينا..
معايا دلوقت و ندمت اني اشتريتها. قطع غيارها انا شايفها غاليه. و المشكلة مش اي ميكانيكي يشتغل فيها
انا كان معايا ١٣٢ كانت برقبتها.. ياريتني ما كنت بعتها..
كنت بحمل فيها حموله عربيه ربع نقل +٥ اشخاص
مشكله السيينا لا هيا موديل قديم (كاربراتير و من غير حساسات) و لا هيا عربيه حديثه منتشره.
انا كل ما اروح لميكانيكي او كهربائي بيزحلقني علشان ما يشتغلش فيها..
انا عندى سيينا 1400 موديل2001 عاوز اسأل فيه زيت بيطلع من المكنة لما بشد المقاس بتاع الزيت أو بفتح غطاء المكنة من فوق يا ترى دا طبيعى ولا المفروض غير كدا