يا جماعة لو انتا سايق على التالت أو الرابع وداخل على مطب :
1 - هتهدى .. وبعدين وانتا فوق المطب تاخود الغيار المناسب لنزولك من المطب .
2 - وللا هتمور ... وتاخود غيار أول أو تانى وانتا فوق المطب
3 - وللا هتعمل ايه بالظبط
عرض للطباعة
يا جماعة لو انتا سايق على التالت أو الرابع وداخل على مطب :
1 - هتهدى .. وبعدين وانتا فوق المطب تاخود الغيار المناسب لنزولك من المطب .
2 - وللا هتمور ... وتاخود غيار أول أو تانى وانتا فوق المطب
3 - وللا هتعمل ايه بالظبط
هتهدى و تاخد الغيار المناسب قبل المطب
هأقولك أنا عادة بأعمل إيه و معرفش إذا كان ده صح و لا غلط:
لو عارف مكان المطب (طريق عارفه) بأمور العربية قبل المطب بمسافه كافيه علشان العربية تمشى بالقصور الذاتى ليها و رجلى عالفرامل تشعر خفيف علشان توازن السرعه مع المسافه الباقية للمطب, و قبل المطب على طول ضغطة فرامل قوية و تسيب الفرامل خالص أول ما العربية تبدأ تطلع المطب (كل ده و أنا مور)
فوق المطب عادة بأخد الغيار التانى و أكمل.
لو أتفجأت بالمطب (جديد أو فى طريق معرفوش) فرامل بدون دبرياج (يعنى بأكون واخد غيار, أرفع رجلى من البنزين و أدوس فرامل من غير ما أدوس دبرياج) العربية مش هتبطل غير لو الـ rpmنزل أوى تحت الـ 1000 لفه/د), و بعد كده .... إلبس المطب أياً كانت سرعتك بدون فرامل برضو
و ربنا يكفينا شر المطبات و النقر و الحفر و الطرق المكسرة و يكفينا شر المهملين فى شغلهم و النصابين و الحرامية
أهلا بيك ..
سؤال مهم جدا ..
بخبرتى المتواضعه ..
أولاً : الأصل إن لو فى طريق ماشى فيه جديد فلازم نمشى براحه عشان منعرضش نفسنا للمطبات الفجائية.
ثانياً: نحاول نركز فى الإرشادات اللى مكتوبة ع الطريق بيبقى فيها ارشادات مهمة .. يعنى مطب على مسافة كذا .. أو احذر اصلاحات .. أو منحنيات أو كذا وكذا
ثالثاً : نشوف العربيات اللى ادامنا وبردوا منعتمدش على كده ..
رابعا: إذا تفاجئنا بالمطب .. اللى بعمله إن بفرمل قبليها بمسافة اللى اقدر الحق نفسى فيها .. وقبل المطب بلحظات بشيل رجلى من ع الفرامل تماما لأن أثناء الفرملة وش العربية بيبقى ضاغط على الأرض وقريبا منها .. فممكن تتطير وش العربية بسبب قوة انضغاط السيارة لأسفل ، وكمان هتحس بقوة المطب بسبب الإنضغاط الشديد ده ساعة الإرتطام.
خامساً: ما تمورش العربية .. لأن وانت ممور العربية سرعتها بتبقى حره وبكده بتبقى اسرع .. غير ما تكون الغيارات متعشقة بتبقى اضعف شوية .
سادساً: مش هتلحق تنقل الغيارات فقط اكتفى بالفرملة قبل المطب وترك التعشيقة زى ما هى .. وخود المطب بالسرعة اللى توصلها .. ده أهون كتير .
والله أعلم .. وربنا يحفظنا ويحفظكم
متابع
عن نفسي لو لقيت مطب بهدي جامد فرامل بس, و اول ما بقرب من المطب بدوس دبرياج و اجيب الأول, اول ما انزل من المطب بجيب اول او تاني و ارفع الدبرياج و امشي تاني,
و ساعات بهدي جامد و اجيب الغيار الاول قبل المطب و ادوس بنزين خفيف و انا بعدي المطب بس بعدين اكمل سواقة عادي.