الموضوع: ممكن سعر و مواصفات a200 أول فئة ٢٠١٥؟ و هل حد إشترى مستعمل من التوكيل قبل كده؟

المشاركة الأصلية كتبت بواسطة oldvic

مساء الخير،

محتاج أشتري عربية جديدة و رحت اتفرجت على ال bmw 118i premium و عملت لها test drive لكن مش عاجبني فيها إن الكاوتش ١٩٥ و حاسس إنه مخلّيها مش ثابتة من ورا و كمان فاضية بزيادة. و دلوقتي بأفكر أشوف ال a200 أول فئة، مع إدراكي التام طبعاً لفرق ال running costs عشان بنزين ٩٥. إيه رأيكم؟

برضه كنت بأفكر أوفر و أجيبها كسر زيرو من young stars، هل حد جرب موضوع المستعمل من الوكيل قبل كده؟ و هل فاتحين السبت؟ و عنوانهم فين في المقطم بالضبط؟

يونج ستارز شركه محترمه جدا جدا في المعامله وعندهم اشتري المستعمل وانت مغمض عينك
بس اغلي شويه من سعر برا . بس مضمونين . والعنوان وانت طالع من صلاح سالم هتلاقيها علش شمالك
وعلامه ميرسيدس تغني عن السؤال و لو انت طالع من الاوتوستوراد من المعادي صفر قريش هتوصل لطريق المقطم وتأخد اول يوترن واكنك نازل من المقطم هتلاقيها علي يمينك . وهتلاقي هناك موظف استقبال محترم جدا اسمه رامي برسوم وهتلاقي موديلات معروضه انت وحظك في اللي تلاقيه
وكمان عندهم نظام تقسيط للمستعمل . وممكن موديل انت عايزه ومش موجود عندهم يأخد رقمك ويكلمك
اول ما يكون عندهم ....

المشاركة الأصلية كتبت بواسطة oldvic

مساء الخير،

محتاج أشتري عربية جديدة و رحت اتفرجت على ال bmw 118i premium و عملت لها test drive لكن مش عاجبني فيها إن الكاوتش ١٩٥ و حاسس إنه مخلّيها مش ثابتة من ورا و كمان فاضية بزيادة. و دلوقتي بأفكر أشوف ال a200 أول فئة، مع إدراكي التام طبعاً لفرق ال running costs عشان بنزين ٩٥. إيه رأيكم؟

برضه كنت بأفكر أوفر و أجيبها كسر زيرو من young stars، هل حد جرب موضوع المستعمل من الوكيل قبل كده؟ و هل فاتحين السبت؟ و عنوانهم فين في المقطم بالضبط؟

فرق السحب أكيد لصالح بنزين ٩٥ وكمان الاستهلاك موضوع التكلفة دة مش هيبقى كتير على المدى البعيد وغير كدة كمان هتحتاج تفول ٩٥ للبى ام علشان تفوق العربية

المشاركة الأصلية كتبت بواسطة oldvic

مساء الخير،

محتاج أشتري عربية جديدة و رحت اتفرجت على ال bmw 118i premium و عملت لها test drive لكن مش عاجبني فيها إن الكاوتش ١٩٥ و حاسس إنه مخلّيها مش ثابتة من ورا و كمان فاضية بزيادة. و دلوقتي بأفكر أشوف ال a200 أول فئة، مع إدراكي التام طبعاً لفرق ال running costs عشان بنزين ٩٥. إيه رأيكم؟

برضه كنت بأفكر أوفر و أجيبها كسر زيرو من young stars، هل حد جرب موضوع المستعمل من الوكيل قبل كده؟ و هل فاتحين السبت؟ و عنوانهم فين في المقطم بالضبط؟

انا من رأي الفرق مش هبقى كبير ما بين المستعمل والزيرو والزيرو أحسن مافيش كلام

رحت يونج ستارز النهاردة و اتفرجت على ٣ عربيات A Class، و دي كانت فرصة كويسة إني أعمل تست درايڤ لل A. العربية بصراحة هايلة في الهاندلنج، و للي راح فرع المقطم قبل كده أكيد عارف إن التراك كله مطالع و ملفات. مجربتش التسارع في خط مستقيم لضيق المكان طبعاً، لكن من التجربة واضح إن العربية هايلة. ال approach بتاع مرسيدس واضح إنه متوازن، على العكس من بي إم اللي مفترضة في الناس إنهم بيشتروا العربية عشان يتسابقوا بيها و بس. الفئة الأولى Style شكلها أقيم كتير من البي إم ال Premium، و الفئة اللي بعدها Urban بتدي أحسن قيمة مقابل النقود؛ فرق ٣٠ ألف بيديك سقف بانوراما بيتفتح للآخر، و زينون و كاوتش أعرض و سنسورز و كام حاجة تانيين. لكن أرجع تاني أقول ال Style مش وحشة أبداً. أما بالنسبة للعربيات المستعملة ما عجبتنيش الفكرة أوي، العربيات فيها حكّات، بسيطة آه، لكن مش المفروض إن عربيات عاملة من ٦ ل ١٠ آلاف كيلو تبقى كدة. لو استقريت على المرسيدس هتبقى أول فئة زيرو غالباً.

المشاركة الأصلية كتبت بواسطة ahmed.Elashy

ليه كده !!
انا كنت متابع الموضوعين بتوعك عشان انا ناوي ع 116
بس انت كده قفلتني منها
شكلي هصرف نظر عنها
بس قصدك فاضيه . ان الكماليات مش موجوده خالص ف اول فئه ؟

روح شوف ال A200 أول فئة! أحسن من البي إم ١٠٠ مرة و فيها كماليات ضرورية زي ال Collision Prevention Assist و الكاميرا. وضعية الجلوس فيها أريح كتير كمان و الصالون أفخم لكن دريكسيون مش جلد. و طبعاً موتور أقوى من ال 116.