تحذير من التعامل مع رايه شوب-اونلاين ستور

السلام عليكم ورحمه الله
كنت عايز اشتري شاشه كمبيوتر اتش دي وعشان انجز في الوقت قولت اشتريها من الاونلاين ستور بتاع رايه شوب
وللاسف كانت غلطه عمري
اكتر من 15 يوم محدش عبرني وانا اللي بكلمهم كل يوم وهانبعت ميل ونرد خلال 48 ساعه
وبعد الاسبوعين يدوني رقم البوليصه بتاعت ارامكس
عبثا احاول افهم اي بني ادام فيهم اني مش انا المالك للشحنه وبالتالي ماليش حق اكلمهم لكن مبيفهموش فعلا
عملت كومبلين وبدات المتابعه من استاذه زينب من خدمه العملاء لمتابعه الكومبلين
ارامكس حطت الوردر هولد عشان كاتبين خرجو لتسليم وملقونيش
وانا مستحيل يجيلي تليفون ولو مردتش مرجعش اكلمه
خاصه وانا مستني مكالمه تسليم
ومواعيد التسليم والعنوان ده عنوان شركتي
والاظر ان ارامكس بتيجي عندنا كل يوم مرتين الصبح واخر النهار
وبيني وبين مركز التوزيع بتاعهم 4 دقايق بالعربيه
ويوم الاربع اللي فات 21 يناير كنت قرفت فعلا وجبت اخري وكلمت استاذه زينب تاني من خدمه العملا وبلغتها تبدء تعمل ريفند للشحنه لاني مش عايزها
قالتلي وعد الصبح هاتكون على مكتبك
وطبعا عدى الخميس والجمعه والسبت النهارده وصلت لشحنه في حاله يرسى لها نتيجه انها مرميه هولد في ارامكس من يوم 13 يناير
متخيلين حجم المعاناه
انا لو مشتريها من امازون امريكا واتشحنت من الصين لامريكا لمصر مش هاتقعد الوقت ده كله
ودي كانت اول واخر تجريه ليا مع رايه ستور ودقايق وهاكتبلكم تجربه تانيه ايجابيه

لي مشكلة شبيهة تقريبا نفس التفاصيل مع (ارامكس) لكن مع موقع سوق ونفس الكذب بتاع لم نجد العميل او تم الاتصال ولم يرد الخلاصة المشكلة في شركة الشحن وليس الستور

معذره انا ميخصنيش شركه الشحن ايه وطول ما الشحنه موصلتنيش وممضتش استلام الشحنه بتاعته لانه هو اللي اختار الشاحن وليس انا
انا بشتغل في المشتريات الاجنبيه من سنين
وعارف الصول صح لكن هنا مفيش اي قواعد

هو دة حال اغلبية الشركات سواء شركات بتسوق منتج او شركات شحن

هو بس عشان منظلمش رايه قوي ، هي فعلا المشكلة بتبقى مع شركة الشحن ، وانا بحكم اني مدمن شرا من النت عموما وسوق دوت كوم خصوصا ، احيانا بتيجي الاوردرات تاني يوم مابطلبها ، خصوصا لو شحنتها علي عنوان الشغل في المهندسين ، اما لو شحنت علي عنوان البيت في حدايق القبه هنا بيبدأ الاستهبال
وانا كان ليا تجربه مع ارامكس تحديدا اشتريت ساعه من سوق وقعدوا يأخروا في التسليم لغايه ماجبت اخري ، كانت الشحنه بقالها عندهم عشر ايام ، فقمت باعت ميل شكوي لادارة ارامكس وكل المديرين اللي فيها ، مفيش نص ساعه لقيت مسئولة كبيره من خدمة العملا بتكلمني وبتعتذر ، الكلام ده كان الساعه ٥ ، الساعه ٧ لقيت المندوب عندي في البيت بيسلمهالي وبيعتذر هو كمان ، يعني من الاخر التأخير ده بيكون ..... من مندوبي التسليم نفسهم لان البهوات بيأنتخوا ويركنوا الحاجه عندهم ويكتبوا في التراكنج انهم راحوا وملقوش حد

مكرر

ارامكس خدمتها في مصر سيئة جدا جدا جدا
قدمت فيهم قبل كدة عشرات الشكاوى في عشرات الاوردرات اللي كنت طالبها قبل كدة من أماكن مختلفة
وفي كتير من الحالات بتيجي الشحنة في حالة سيئة جدا ومرة وصلت متضرره
دايما بطلب خصوصا لو بشتري اجهزة لابتوب او موبايلات لان معاملتهم مع الشحنات غير ادمية بالمرة
واكتر من مرة ابعت لموق زي سوق دوت كوم اطلب منهم توفير شركة شحن بديلة حتى لو بمصاريف
اعلى بس على الاقل يكون للمشتري الحق في اختيار شركة الشحن اللي بيدفع مصاريفها
اخر اوردر طلبته من سوق يوم 25 ديسمبر وصل 15 او 16 يناير يعني لو كان من الصين كان وصل
فعلا والسبب ارامكس استلمت الشحنة تاني يوم من البائع وكل يوم يكتبوا خرجت الشحنة للتسليم الصبح واخر
اليوم يكتبوا تعذر الوصول للعميل لمدة 20 يوم مع ان هما 2 او 3 مندوبين توصيل اللي بيوصلوا كل مرة
وحافظين المنطقة ووصلوا لنفس العنوان عشرات المرات

بس في الاخر هرجع واقول ان البائع هو المسؤول عن الشحنة وتوصيلها وعليه تحمل النتائج وعواقب اختيارة لشركة
الشحن

اقتباس:

---

المشاركة الأصلية كتبت بواسطة a_h_m_a_d

هو بس عشان منظلمش رايه قوي ، هي فعلا المشكلة بتبقى مع شركة الشحن ، وانا بحكم اني مدمن شرا من النت عموما وسوق دوت كوم خصوصا ، احيانا بتيجي الاوردرات تاني يوم مابطلبها ، خصوصا لو شحنتها علي عنوان الشغل في المهندسين ، اما لو شحنت علي عنوان البيت في حدايق القبه هنا بيبدأ الاستهبال
وانا كان ليا تجربه مع ارامكس تحديدا اشتريت ساعه من سوق وقعدوا يأخروا في التسليم لغايه ماجبت اخري ، كانت الشحنه بقالها عندهم عشر ايام ، فقمت باعت ميل شكوي لادارة ارامكس وكل المديرين اللي فيها ، مفيش نص ساعه لقيت مسئولة كبيره من خدمة العملا بتكلمني وبتعتذر ، الكلام ده كان الساعه ٥ ، الساعه ٧ لقيت المندوب عندي في البيت بيسلمهالي وبيعتذر هو كمان ، يعني من الاخر التأخير ده بيكون ..... من مندوبي التسليم نفسهم لان البهوات بيأنتخوا ويركنوا الحاجه عندهم ويكتبوا في التراكنج انهم راحوا وملقوش حد

---

يا ريت تبعتلي الايميل اللي بتبعت عليه الشكاوي لان الفورم بتاع الشكاوي الموجود على الموقع بياخد لوحدة يومين عمل على ما بيتم الرد عليه

اقتباس:

---

المشاركة الأصلية كتبت بواسطة Nader

يا ريت تبعتلي الايميل اللي بتبعت عليه الشكاوي لان الفورم بتاع الشكاوي الموجود على الموقع بياخد لوحدة يومين عمل على ما بيتم الرد عليه

---

Ahmed.Hashim@aramex.com
Customer Service Manager

انا عندى نفس المشكلة لكن مع جوميا و فيدكس
للأسف خدمة فدكس بقت أسوأ من ارامكس كمان

بتوع ارامكس مش بيتصلوا اساسا مرة كنت نازل بالصدفة لقيت البواب بيناديلي المندوب بيسأل عليا

اشتريت من امازون امريكا حاجة وشحنتها على مصر باستخدام ارامكس شوب اند شيب.

اجمالى الزمن 20 يوم

10 من امريكا لمصر، 10 ايام من مصر الجديدة للمهندسين.

نفس الموقف حصل لى مع موقع jumia اشتريت سلعة ودفعت مقدما وبعد 15 يوم لا حس ولا خبر ولا بيردوا على التليفونات وبعد كام ايميل لخدمة العملاء ظهرت المشكلة ان الباشوات بتوع ارامكس ردوا الشحنة للبائع بدون اى سبب او اتصال
انا فى السعودية لما باشترى اى حاجة فى خلال 4 ايام تكون السلعة فى ايدك فاهمين يعنى ايه؟
ولازم تجيلك رسالة على الجوال تعرفك شحنتك وصلت لفين واسم المندوب ورقم تليفونه وتتفق معاه على الوقت بالظبط اللى انت فاضى فيه يجيلك يسلمك الشحنة
ولو اشتكيته يبقى نهاره اسود
ماااسر بقت عزيمة اوى

في شركة مع إنها مش في شهرة أرامكس وفيديكس والشركات الهجص دي إلا أني تعاملت معها كتير وكانت التجربة إيجابية جدا وهي شركة ميدل إيست
بس المشكلة إن الأونلاين ستورز فعلا بيجبروا الواحد على التعامل مع شركة معينة وغالبا بتكون أرامكس !

من خلال تعاملي مع ارامكس , فهي افضل شركة شحن موجودة

ودايما بيتصل قبل ما ييجي بنص ساعة ...

اللى كتير مش عارفينه ان الشركة رقم 1 فى مصر وكل شركات الشحن بتتعامل معاها من الباطن وبتسلم تانى يوم صباحا فى اى محافظه وعندها فى كل محافظه بدل المكتب 3 وعندها اسطول عربيات ضخم جدا وعندها فروع فى القاهره 24 ساعه وعندها طيران لمحافظتين الاقصر واسوان
عارفين شركة ايه : شركة ميدل ايست

اللي خلاني متضايق جدا ان ارامكس موجوده كل يوم في شركتي وانا شحنت علي عنوان شركتي
وبقيت انزل اسئل المناتديب ليا شحنه معاكو يوقول لاء
لان في مكتب tnt جوه الشغل عندي وبيستلم شحنات المبنى كله من اي كورير
بجد من اسوء التجارب ليا