الكاسيت بيفصل لما ادوس كلاكس

**Delli7** · 25-01-2015 02:55 AM

السلام عليكم,

عندي مشكلة محيراني في كاسيت العربية
نوعها ام جراند 2015
و الكاسيت, بلاك فوليوم

لو مشغل الفلاشة, احيانا لما بادوس كلاكس يروح الكاسيت معلق, ازاي بقي:

- تفصل الاعنية اللي شغالة,
- لازم احول للراديو الاول بعدين ارجع اشغل الفلاشة تاني
- مابيرجعش علي نفس الاغنية اللي كانت شغالة, لأ بيجي علي اول اغنية شغلتها وقت مادورت العربية اخر مرة

ياتري المشكلة من ايه ؟
* ملحوظة: المشكلة دي مابتحصلش ابدا لو مشغل الراديو, المشكلة كلها في الفلاشة, جربت اكتر من 3 فلاشات و المشكلة مستمرة مع الكلاكس بشكل مزعج جدا

**Delli7** · 25-01-2015 07:07 PM

اي مساعدة يا شباب ؟؟

**Delli7** · 26-01-2015 04:39 PM

:(
:(

**Ahmed Tarek 00** · 26-01-2015 06:49 PM

أفصل الكهربا تمام من الكاسيت وشيل الفيش بتاعتها وارجع ركب هترجع زى ما كانت

**Delli7** · 26-01-2015 11:57 PM

ممكن الطريقة ؟ ايه الكابلات اللي هافصلها بالظبط ؟

و ليه مع الكلاكس بيحصل كدة ؟
و اشمعنة بردو مع الفلاشة بس, وده مابيحصلش مع الراديو ؟

**samihanwar** · 27-01-2015 11:18 PM

عيب كاسيت
هو نوعو ايه؟؟؟؟؟

**Delli7** · 28-01-2015 12:40 AM

الكاسيت نوعه بلاك فوليوم
black volume
اللي جاي مع العربية نفسها

بصراحة الموضوع مزعج جدا بالنسبالي ومش عارف اعمل ايه
ومش عاوز ادخل في متاهات التوكيل ولا حد من برة يشوفهالي

فياريت افضل الحلول و اقلها تكلفة, خصوصا ان العربية لسة جديدة :(

**tefa.brave** · 28-01-2015 11:41 AM

اعتقد ان الكاسيت متوصل على الدايرة بتاعة الكلكس علشان كده بيضعف لما بتستخدم الكلكس علشان بيسحب جهد عالى جرب تشيل فيوز الكلكس هتلاقى غالبا الكاسيت فصل لو كده ممكن تغير كبل الباور بتاعه من اى مصدر اخر غير الكلكس وممكن يكون الكتاوت بتاعت الكلاكس برضه كمان فى الكاسيت لما حضرتك هتشيل الوش زرار بدبوس ابره كده اضغط عليه وده هيعمل اعادة برمجة للكاسيت اكنه جاى من المصنع
كمان حضرتك البلاك فوليم ده جهاز كويس ده اساسا روديستار وصناعته مصرية من احمد بهجب باين المهم انه كانت شركة رودستار وغيرت الاسم بتعها لبلاك فوليوم انا عندى واحد منه وجبت واحد تانى للعربية بتاعت واحد صحبى كان الميزة فيه انه بيتربط بلموبيل وتتكلم منه لانه فيه مايك والصوت يتسمع من السمعات بتاعة العربية واشغل الاغانى الى فى الموبيل ظهررة مشكلة انه بيفصل لما سعات ادوس فرامل بس ببقى معلى الكاسيت على الاخر

**Delli7** · 28-01-2015 07:55 PM

المشاركة الأصلية كتبت بواسطة tefa.brave

اعتقد ان الكاسيت متوصل على الدايرة بتاعة الكلكس علشان كده بيضعف لما بتستخدم الكلكس علشان بيسحب جهد عالى جرب تشيل فيوز الكلكس هتلاقى غالبا الكاسيت فصل لو كده ممكن تغير كبل الباور بتاعه من اى مصدر اخر غير الكلكس وممكن يكون الكتاوت بتاعت الكلاكس برضه كمان فى الكاسيت لما حضرتك هتشيل الوش زرار بدبوس ابره كده اضغط عليه وده هيعمل اعادة برمجة للكاسيت اكنه جاى من المصنع
كمان حضرتك البلاك فوليم ده جهاز كويس ده اساسا روديستار وصناعته مصرية من احمد بهجب باين المهم انه كانت شركة رودستار وغيرت الاسم بتعها لبلاك فوليوم انا عندى واحد منه وجبت واحد تانى للعربية بتاعت واحد صحبى كان الميزة فيه انه بيتربط بلموبيل وتتكلم منه لانه فيه مايك والصوت يتسمع من السمعات بتاعة العربية واشغل الاغانى الى فى الموبيل ظهررة مشكلة انه بيفصل لما سعات ادوس فرامل بس ببقى معلى الكاسيت على الاخر

تفكير كويس,

بس محتاج اعرف نقطتين:
1. ليه الموضوع بيكون بشكل عشوائي مش دايما مع الكلاكس بيفصل الكاسي
2. ليه بيحصل بس مع الفلاشة, انما الراديو لأ

+

اروح لمين يشوف الموضوع ده؟ حد بتاع كاسيت ولا كهربائي؟

**tefa.brave** · 29-01-2015 03:16 AM

لو عشوائي ممكن يكون فى مشكلة فى توصيل الكاسيت يعنى مثلا الارضي مش ملمس كويس او الكاسيت عاوز يتوصل ارضي بجسم العربية غير السلك بتاع الارضى بتاعه ممكن تروح لكهربائي الاول وتقوله يشيك على الكهرباء بتاعت الكاسيت ويوصل كبل ارضى من جسم العربية لجسم الكاسيت ويريت يغير مصدر الكهرباء على اى سلك محمل ولو مفيش فايده ممكن بقي تروح لاي محل بيبيع بلاك فوليم لانهم بينزلو سمعات وكاستات كتير وتسئله على الضمان بتاعه فين وادهوله يوديه الضمان بس تضمن انه هيوديه مش هيلعب فيه اى حد بس يكون الكاسيت معاك ولو مفيش فايدة بقى ابقى اشتري واحد وده اخر حل ومتتعبش نفسك والله المستعان