براك أوباما يفوز بالانتخابات الرئاسية الامريكية .
يا ترى ايه اللي ممكن نتوقعه من الرئيس الجديد بالنسبة لقضايا الشرق الأوسط ؟
ممكن كل عضو يقول رأيه بصراحة ؟
عرض للطباعة
براك أوباما يفوز بالانتخابات الرئاسية الامريكية .
يا ترى ايه اللي ممكن نتوقعه من الرئيس الجديد بالنسبة لقضايا الشرق الأوسط ؟
ممكن كل عضو يقول رأيه بصراحة ؟
قبل الكلام عن قضايا الشرق الأوسط فان فوز اوباما يشكل تغير ساحق فى توجه فكر المواطن الامريكى ، الذى كان حتى خمسين سنة مضت يؤمن بان الانسان ذو البشرة الداكنة اقل منه فى سلم التطور ، ثم ياتى انتخاب اول رئيس امريكى اسود فى ضربة ساحقة للعنصرية فى العالم فى وقت يمر فيه العالم بقترة عصيبة من التطرف العنصرى اليمينى والذى اشعله وصول كتلة بوش اليمينية الى الحكم واحداث 11 سبتمبر والتى ادت الى تفاعل انشطارى متسلسل ولد العديد من التوجهات العنصرية اليمينية المتطرفة فى اوروبا والدول العربية وايران وتركيا وافغانستان واسرائيل وفلسطين واسفرت موجة التطرف والعنصرية عن حروب دامية فى افغانستان والعراق وفلسطين ناهيك عن خسائر امريكا فى حادث برجى التجارة وخسائر اوروبا فى حوادث التفجير ، وخسائرنا فى حوادث الارهاب التى عادت تطل بوجهها القبيح فى سيناء
والآن فانه كما ادى وصول المحافظين الجدد ذوى الميول اليمينية المتطرفة الى سده الحكم فى اكبر دولة فى العالم منذ ثمانية سنوات الى تولد موجة يمينية غطت العالم كله،فان الاختيار المتعقل الحالى للشعب الأمريكى والذى اعلن صراحة انه يرفض اليمينية من خلال رفضه لمرشح الحزب الجمهورى، ويرفض العنصرية من خلال ترشيحه لأول رئيس داكن البشرة، ليس فقط لأكبر دولة فى العالم ولكن اول رئيس داكن البشرة لدولة ذات اغلبية عددية بيضاء (فى جنوب افريقيا الغالبية العددية سوادء برغم تحكم الأقلية البيضاء فى معظم مصادر الدخل)، يعد سابقة اخلاقية ستدخل بيها امريكا التاريخ الانسانى، نأمل ان يودى هذا التوجه الليبرالى الى انحسار موجة العنصرية فى العالم وانتشار فكر التسامح وقبول الآخر
ان شاء الله يكون أحسن بكتييييير من اللي قبله
حرب جديده؟
ممكن؟
الى عشاق ماما امريكا ومحبيها والمدافعين عنها
الى المعجبين بالديمقراطية الامريكية والمتشدقين بالنموذج الامريكى الذى لا يبارى
احب اقول للناس اللى فرحانة باوباما وانه انتصر على العنصرية
(انسوااااااااااااااااا - فوقواااااا شويه من الوهم)
لن يحدث اى تغيير تجاه الشرق الاوسط وتجاه قضية فلسطين وتجاه اسرائيل وتجاه سوريا وتجاه ايران
طبعا هتتهمونى بالتشاؤم - دا مش تشاؤم - دى واقعية
الرئيس الامريكى ما هو الا دمية تظهر على المسرح ويحركها مؤسسات صهيونية
وينفذ اجندة معدة مسبقة قبل انتخابة اصلا
مع اختلاف الشكل والمظهر
مرة الدمية تطلع متوحشة وعصبية وعدوانية وتنفذ جزء من الخطة الكبرى
ومرة احرى تظهر دمية مبتسمة بشوشة طيبة اللسان تقولك نتفاهم ونتحاور وتنفذ جزء اخر من الخطة
الكبرى
كمثال واقعى فى اسرائيل (شارون - باراك) دا مختلف عن دا من حيث الشكل والطريقة ولكن لهم نفس الهدف الاسمى
مثال اخر من امريكا (بوش - كلينتون) - حد من الاثنين حل لنا مشكلة !!!
امريكا دولة مؤسسية تقع تحت براثن التحكم الصهيونى بكل اشكالة ومؤسساته
ولايستطيع اى رئيس اخذ قرار (من دماغة)
- عشان محدش يقول انى بفترى على الراجل
استنوا 6 شهور او سنة وابقوا شوفوا هوا عمل ايه !!!!
ولناخذ بعض النقاط فى متابعتنا لسياساتة :
1- الانسحاب الكامل من العراق (لن يتم وان تم بصورة طبيعية فستتفكك العراق)
2- الانسحاب من افغانستان (مش واضح معالمة على المدى القريب)
3- القضية الفلسطينية ودولة فلسطين (هتنطرح مبادرات سلام كالعادة وهنقعد نجتمع فى شرم الشيخ للمرة الالف وهنقول ونزيد ونعيد واولادنا لن يروا اى تغيير يذكر)
4- المعونات الامريكية لاسرائيل الاقتصادية - المالية - العسكرية
(ستستمر دون توقف او تخفيض وكمان هتزيد لاثبات حبة لاسرائيل الولاية الامريكية فى الشرق الاوسط)
5- تهميش واحتقار الشعوب العربية وشعوب العالم الثالث ( لن يتوقف )
6 - التحرش المستمر لسوريا وايران (لن يتوقف)
7- التدخل فى شئون لبنان الداخلية وتوسيع الاختلاف الطائفى بداخلة (لن يتوقف)
** ممكن متقومش حروب جديدة - ودا لسبب ان اقتصاد امريكا لا يساعدها على ذلك
ودا اللى روسيا فطنت له فتغطرست على سياساتها وتحالف معها فنزويلا وبوليفيا (حادث طرد السفراء الامريكان - قيام مناورات مشتركة)
ايه بقى الجديد !!
انا اسود البشرة انتخبوه (يافرحة جميلة فعلا) طب حلو وجميل وناس عسل وزى الفل
طب وبعدين!!!! ايه إن شاء الله اللى استفدناة ؟!
ياريت نفوق شوية من الوهم
وبعدين بدون مجادلات او خلافات شوفوا كمان 6 شهور وهتعرفوا الحقيقة واضحة
وعلى راى المثل ( لن يحك جلدك مثل ظفرك )
انا شخصيا متفائلة من يوم ما شوفت لقائه مع اوبرا من حوالي سنة
كلامه كان منطقي و مرتب
بس ياتري ده كان نوع جديد من غسيل المخ للشعب الامريكي عشان ينتخبوه؟
يمكن اه و يمكن لا
عموما كلامه بالنسبة لي كانسانه عربية شرقيه كان مطمئن الي حد كبير
بس طبعا السنين الجايه هي اللي هتوضح هو كان صدق الي اي حد
ياجماعة ازا كان الرئيس الامريكى مسؤل عن 52ولاية فضيف عليهم ولاية كمان الى طبعا اسرائيل يعنى هو مسؤل عن 53ولاية ومسؤل انة ينفذ طلباتهم ويمكن تكون اوامر
يعنى مش هيتحيز للعرب او الشرق الاوسط على حساب بلادة
ويارب كلامى يكون غلط وبكرة يكون احسن من النهاردة
هذه هي مشاركتي في موضوع فوز اوباما تحت عنوان وسائل اعلام امريكية: فوز باراك اوباما
http://nilemotors.net/Nile/showthread.php?t=45653
الامريكان هذا العام اختاروا اختيار مصلحة
اختاروا الشخص المناسب لاخراج بلدهم من ازمة مالية اثارها قوية و خطيرة على اقتصادهم
الامريكان البيض والسود على حد سواء العنصرية فيهم حتى النخاع
ولكن هذه المرة كانت الغلبة للشباب الذين قرروا التصويت للشخص المناسب لمستقبل امريكا و اكرر مستقبل امريكا
الامريكان لا يصوتون لارسال رسالة للعالم عن الحرية والديمقراطية و العدالة
الامريكان وجدوا ان كل ما قدمة لهم ماكين هو السباب في اوباما
ولم يجدوا من يقدم لهم حل اقتصادي
الفرق بين الجمهوريين و الديمقراطين
هو ان الديمقراطيين سوف يساعدون الطبقات الفقيرة نسبيا لكي تتحسن
اما الجمهوريين فهم يعتقدون انك ان كنت فقير فهذا هو ما تستحقه اما ان كنت غني فهذا لانك تعمل بجد واجتهاد
هذا البلد عنصري عنصري
يمكن الشئ الوحيد الذي شفع لوباما ان امه بيضاء
يعني ممكن يتقال عليه ابيض برضو وان كان لونه اسود
وان نظرت الى الخريطه سوف تجد ان كل ولايات الجنوب فاز فيها ماكين و هذا طبيعي لان هذه ارض المتشددين فوز اوباما تحقق في ولايات الشمال الشرقي و الساحل الغربي
الشئ الجدير بالاحترام فعلا
هو الحرية و الديمقراطية بكل صورها التي اتمنى ان اعيش حتى اراها في بلدي
انا مش عايز أكون متشائم بالرغم ان السياسة الامريكية بيديرها مؤسسة و ليس فرد .
عامة أنا شايف ان ربما يكون فيه تغيير و لو طفيف و مهما كان سئ فهو بالتأكيد سيكون أحسن من اللي قبله
مبروك للشعب الأمريكي الي أتعلم الدرس.
أعتقد اصلاحات جوهرية في الإقتصاد الامريكي والجيش الأمريكي، و انسحاب القوات الامريكية من العراق قبل عام 2012. تعديلات في الأجور و التأمينات و خلافه كما وعد. و مسح الصورة السلبية التي عرفها العالم عن أمريكا في أخر 8 سنين.
برافو جدا المواطن الأمريكي..حقيقي شعب بيقول انا لسة عندي ذرة احترام لنفسي.
طبعا على المستوى الإقليمي اللي هنا...فمفيش حاجة هتحصل لإن مستحيل القضية الفلسطينية تتحل ابداً لحد ما هتتمسح، غير خروج الامريكان من العراق مفيش حاجة هتحصل ابداً.
والمسألة الإيرانية ستحل وديا كما تم مع كوريا الشمالية، لأن المعتوه نجاد لن يستمر طويلا برضو مثل المعتوه بوش.
وعقبال ما نفوق احنا كمان ونتعلم من الناس دي!