الموضوع: عايز اعمل عده معقوله

هو ممكن عنوان المحل بتاع الاسعار دي

الله ينور يا استاذ احمد وانا هكمل اللي ناقص السوني كويس اوي مع السماعات هتسمع نقاء صوت ملوش حل وبيز هادي بس متفكرش تركب عليه صب او بازوكا لانه ضعيف كان معايا ولسه بايعه السيمفوني معروف انك تاخد منه بيز غبي اوي وصوت كويس بس مش نفس نقاء البايونير والسوني والكينود طبعا متوازن الصوت والبيز ناس كتير اوي بتشكر فيه اما بقا البايونير خد صوت عااالي ونقاء مهما تعلي معاه بيز اقل منه شويه وده مركبه عندي مع 4 سماعات والبازوكا مع جي ام سيمفوني
الاسعار في التوفيقيه ارخصهم والارخص في التوفيقيه المحلين دول موثوق فيهم واسعارهم مناسبه ادريان زيهم بس غالي البايونير 660 من الاوتو ماركت في اسكندريه وممكن تعمل اوردر يجيلك لحد البيت بس مصاريف الشحن 35 جنيه
حاجه كمان لو هتركب سماعتين بس وبازوكا ومش ناوي تغير بعد كده هات جي ام بايونير او كينود وهتفصل البيز من السماعتين وهتاخد البيز من البازوكا بس نصيحه لو بتحب تخلي البيز والصوت متكافئين هتركب 4 سماعات لان 2 ضعاف علي البازوكا كمان حاجه لو بتحب البيز جوه العربيه واضح خليك في الصب لو بتحب البيز بره العربيه مسمع الناس وانت ماشي خليك في البازوكا

المشاركة الأصلية كتبت بواسطة body7733

عندى توضيح بسيط بالنسبه لموضوع الفرق بين الصب والبازوكا
فى ناس كثيييييييييييييير بتقول ان البازوكا بتسمع الشارع كله وكلام كتير زى كده
انا هوضح المعلومه دى وعن تجربه مع اكتر من صب واكتر من بازوكا وانواع مختلفه
الصب بيدى بيز داخل وخارج العربيه بس فى النطاق المحيط للعربيه بمسافه قريبه وكل ما انت بتبعد عن العربيه الصوت بيقل من بره عن بعد
اما البازوكا الصوت بيبقه داخل العربيه وخارج العربيه مسموع من قريب ومن بعيد وكل ما تبعد بمسافه تحس ان الصوت بيبقه واضح اكتر يعنى لو انت جاى من على مسافه 100 متر مثلا وانت جاى من بعيد صوت البيز بيبقه مسموع فطبعا الافضل لو هتركب طبعا تركب بازوكا خصوصا انها جايه من الشركه ومتصنعه صح بالمقاسات والمواصفات القياسيه للصب اللى راكب فيها ده طبعا لو بنتكلم على صبات 12 انش فطبعا البازوكا افضل لان لو حبيت تجيب صب هتبقه مضطر انك تعمله بوكس عموله بمواصفات الكاتلوج الخاص بالصب عشان تقدر تسمع منه صوت كويس ومش اى حد بيقدر يعملك اللى انت عاوزه بالظبط الا ناس بسيطه
اما لو هنتكلم على صبات 15 او 18 يبقه طبعا الغى خالص كل اللى بنقوله من الصبح ده
وطبعا لو فى قدامك مثلا صب alpin type r 15 inch فده كفيل انك لو شغلته صح يسمعك جوه العربيه صوت مرعب مرعب وبره العربيه صوت غير عادى رعب وطبعا لو فى صب rockford punch 18 inch ده حاجه مش عاوز احكى بقه على اصوات البيز بتاعت الصبات دى حاجه رعب الرعب
لكن انا طبعا مش بقول كده عشان حاجه انا بس عاوز اوضح نقطة الفرق بين البازوكا والصب
فى حالة المقارنه بين صب 12 انش وبازوكا فطبعا البازوكا افضل بكتيييييييييييييييير

برنس والله انا استفدت من توضيحك :) بس عندي استفسار او مش استفسار ممكن حاجه تاكد كلامك ده كمان انا كنت مركب البازوكا البايونير والصوت كنت حاسس انه ناعم جوه العربيه اوي بس بعيد الصوت واضح وباين بره العربيه يمكن العربيه سيدان ف الصوت في البازوكا يفرق ؟ اما بخصوص الصب الاجانب معظمهم ليه بيركبو صب مش بازوكا وبلاقي الصوت غشيم بره العربيه وجوه العربيه ومن بعيد كمان هل ده بسبب مساحه الصب ولا عشان الانواع دي مش موجوده هنا وفي صبات صغيره بايونير جايه بالصندوق جاهز وبتطلع بيز حلو بردو ياريت توضحلي بقا عشان توصلي المعلومه كامله منك :] (y)