نقص الميه فى لادا 2107 انجكشن

**mohsal** · 26-01-2015 09:03 AM

معايا لادا 2107 انجكشن روسى حالتها ممتازه جدا بقالى فتره الاحظ العربيه بتسخن ومؤشر الحراره يعلى بطريقه مش طبيعيه و الاقى مياه الرداتير ناقصه جدا ازود الميه تمشى كويس يوم ولا يومين وترجع تانى العربيه تسخن روحت للميكانيكى كشف على كل حاجه وقاللى ممكن يكون خرم صغير جدا فى الريدادتير - مش لاقى اى اثر لتسريب ميه من الرداتير او القربه او الخراطيم والموتور شغال وكل يوم لازم ازود ميه ممكن توصل ل 3 لتر - خايف يكون فيه عيب فى الموتور لاحظت مستوى االزيت ومفيش نقص وكله تمام ممكن المساعده.

**Mecha** · 26-01-2015 09:43 AM

شوف المروحة والترموستات,طرمبة الميه اتغيرت امتي,فيه نفخ في الردتير لو فيهة يبا وش سليندر ,حالة الردتير ,غطا الردتير وخراطيم القربه

**احمد كامل** · 07-02-2015 02:08 PM

فيه مادة بتتباع ب 25 جنيه بتتحط فى الردياتير مع المية المادة دى بتتفاعل مع المية
و بتسد اى خرم او اى مكان فيه تسريب و مش باين
المادة بتتباع فى علبة زى البرطمان كدة و لونها بنى ترج العلبة كويس و بعدين تفضيها فى الردياتير مع المية
و بعد ماتحطها تدور العربية لمدة ربع ساعة من غير ماتمشى و انسى بعد كدة موضوع نقص المية