الموضوع: جوان وش سلندر

قبل ما ده يحصل بقالى شر دتها لبتاع ردياتير كانت بس فى الاول المية مصدية و مش بتقل الا بسيط خالص و سخونة العربية كويسة
بتاع الردياتير اول مرة دلق مية نار و حط مية خضرا و مع اول مشوار 60 كيلو لاقيت الردياتير بيدخن و مفيهوش مية خالص لاقيتها على الارض لما وقفت لما شفت البخار طالع من الكبوت
لما رحت له تانى بعدها سبت له العربية لظروف الغل قا ل لى انه عمل تسليك و لحام فى الزور بتاع الردياتير
و جيت جربها فى مشوار 25 كيلو عملت اللى حكيته بخار من القربة و اما وقفت عشان تبرد كل المية ادلقت فى الشارع و مبقاش فيها الا نص و زودتها و على بال ما رجعت 25 كيلو كمان لاقيت العربية بتبطل كل ما ادورها و سخنة جدا والقربة مفيهاش ولا نقطة و زودتها مية الاول على البارد و دى كانت غلطة شوية و لما افتكرت دورت العربية و بدات ازود مية لغاية ما ملا الردياتير والقربة تانى

طب فيه حد من الشباب من ناحية حلمية الزيتون او عين شمس اتمنى يشوفها و يقول لى قبل ما اروح للميكانيكى تانى لانه عاوز يفتح شغل فيها و جوان و وش سلندر

المشاركة الأصلية كتبت بواسطة aw2100

لما حط ميه النار ممكن تكون بوظت طرمبة المية وخلت التقليب قليل وده اللى بيسخن العربية عاوزك تروح لميكانيكى كويس الأول تاخد رئيه علشان الأعراض دى مش عيب فى الموتور ده عيب فى دورة التبريد وده كله بسبب مية النار !!!

يعنى كدا اروح للميكانيكى الاول ولا البتاع ردياتير يشوف دورة التبريد لان الميكانيكى عاوز يدخل على طول فى تغيير الجوان وش سلندر و بالمرة دورة التبريد تتكلف كام لو عندك فكرة

فى انتظار ردكم يا وحوش

المبرد يتكلف 400 جنيه لوحده من غير ما ياخد القديم

جوانين وش سلندر تمنهم 40 جنيه

كشط وش 60 جنيه

مصنعية 75-100 جنيه

روح لميكانيكى تانى

الحمدلله الموضوع اتعمل
و طلع البايز وش السلندر و تم عمله عند الخراط و تم تركيب جوانين مكان القديم
العملية كلها اخدت 200 جنيه والحمد لله